ـ هنادي: يا ليت يا دكتورة، تسقيني،،
ـ د/حنان: تفضلي يا بنتي،،
ـ هنادي: يقولون عيب وغلط ، هذا كلام فاضي، هذا كلام أفلام، مو ناقصك شي، تاكلين وتشربين وتلبسين أحسن الملابس، تاركينك على راحتك، غيرك ما عنده اللي عندك،،أقولهم ناقصني حنانكم وحبكم،، يقولون مافي أهل ما يحبون بنتهم، وانتي بنتنا أكيد نحبك، وش تبغي أكثر من كذا،، نسيوا يا شيخ إني بنت ممكن تكبر في يوم من الأيام وتسير مراهقة لها أحاسيس ومشاعر تحتاج تفرغها أو تموت،،
ـ الشيخ عبدالمجيد: وانتي يا بنتي منتظرة منهم يفهموا هذا الكلام، تعودنا يا بنتي في عاداتنا وتقاليدنا العربية ما تقول البنت هذا الكلام لأي أحد إلا لزوجها،، وش كنتي منتظرة يسوون،هذي حياة الأب والأم ، التربية والمسؤولية وتوفير اللازم لنا ، و أمور الحب والعواطف يعبرون عنها بهذي الطريقة،
ـ هنادي: بس أنا كنت أحاول أضم أبوي وأضم أمي، دقايق بس، كنت أحاول أفهمهم إني محتاجة لصدرهم أنام عليه، أسمع كلام حلو، كلام يمدحوني فيه، تعبت أوضح وأبين،
ـ الشيخ عبدالمجيد: بس يا بنتي في باقي أخوانك محتاجين لرعاية مثلك وهذا هم ثاني تتلهي فيه الأم والأب،
ـ هنادي: أرجوك يا شيخ لا تدافع عنهم، أنا بنت وصلت لسن الزواج وتعديته كمان وعواطفي وأحاسيسي تزداد، وتحتاج مين أفرغها فيه، إش ذنبي، هذي أشياء مو بيدي ،،ولما حسيت إني وصلت لمرحلة ممكن أنفجر فيها من داخلي بسبب الكبت، حاولت آخذ طريق تاني طالما أهلي مو موفرين لي الحب اللي أبيه،،
ـ الشيخ عبدالمجيد: معقولة يا بنتي !! لهذي الدرجة !
ـ هنادي: والله يا شيخ لو تسمع من بنات كثير عندهم نفس المشكلة ونفس الأمر اللي فيني بتقول شي تاني،، المهم كانت أول طريقة هي الصحبة مع البنات،، وما تعبت في البحث عن بنت عندها نفس وضعي كثير، لأنهم موجودين دايماً، حسيت بالراحة معاهم والتشبع العاطفي،،
ـ الشيخ عبدالمجيد: دقيقة، دقيقة، كيف تشبع عاطفي ؟!!
ـ هنادي: يعطوني كلام حب ويسمعوني كلام عاطفي ويضموني لصدرهم وأنام بين أحضانهم،،
ـ الشيخ: بس يا بنتي هذا فعل ما يجوز،، قد يتفاقم الأمر، وتصير العلاقة شي مخالف للدين،،!
ـ هنادي: صدقت يا شيخ، ازداد الأمر وتمادوا معايا لأكثر من كذا لما حسوا إنه عندي فراغ عاطفي قوي،، قلولي إنه وضع الشاب مختلف، وبيساعدوني وإنهم بنات مهما حسسوني بالحب والحنان ما يوصلوا لشطارة الشاب، وأقنعوني إني بلاقي الحب والعاطفة عند الشاب أحلى وأفضل، وإني حتشبع من الحب والحنان والعواطف، وماعاد بحتاج أحد،، ووافقت،،
ـ الشيخ: كيف صدقتيهم ؟!
ـ هنادي: أنا كنت عارفة إن الشاب لو وصل للبنت بياخذ أغلى ما عندها، لكن كنت ما أشوف إلا رغباتي كيف أنهيها، وحاولت أكون حريصة، ومن شاب لشاب، ولما يصعب الأمر إني ألتقي بالشاب، أغير للبنت، ومن بنت لبنت،، حتى صارت عادة، تعبت من التعدد كل شوي شاب مختلف يتحكم ويلعب بعواطفي، ،
ـ الشيخ: هل كنتي تعطيه رغباته ؟
ـ هنادي: أكيد، بحدود، لكن ساعتها كان همي أكتفي من إشباع رغباتي أنا وأطلِع اللي بداخلي من عواطف وأتخيل إني مع أكثر شخص أحبه حتى لو خيال،، المهم أحس إنه في صدر يلامس صدري،
ـ الشيخ: بس كذا تخدعين نفسك، وتعيشين في وهم مستمر،،
ـ هنادي: عارفة بس ماكان مهم عندي، زي ما قلت لك تفريغ العواطف المدفونة بداخلي أهم شي،في أي أحد سواء شاب أو بنت،، لكن تعبت كثير، كان نفسي أستقر على أمر واحد، يعني شخص واحد ،، بس كان صعب، يئست لدرجة إني حاولت أرجع لحب أمي وأبويا وأحاول من جديد بس ألاقي نفس الكلام، ما حد عنده وقت لكلام الحب والرقة،، ولا تصدقون أي بنت تقول أنا أحب شاب واحد وبس !! لو ما كانت متزوجة ! لأنه مستحيل تستقر على شي واحد غير الزوج،، لأن الزواج رابط لهم ،،
ـ الشيخ: طيب ليه ما تزوجتي للحين ؟
ـ هنادي: نفس القصص اللي نسمعها دايما يا شيخ، شغلت المهور وغلاها، أو عشان الراتب،أو العريس مو عاجب، أو عشان مو من القرايب ومو من القبيلة،، وحالي بسبب من هذي الأسباب،
ـ الشيخ: طيب كيف وصلت بك الحالة تجين لدكتورة أمراض نفسية ؟ يعني كثير يقولوا اللي يروح لدكتور أمراض نفسية يعني مجنون،، المعذرة يا د/ حنان،، هذا اللي بنوه في عقولنا،،!
ـ د/حنان: لا عادي يا شيخ، قالوها كثير قبلك،،
ـ هنادي: من كتب كنت أقراها عن حقيقة الأمراض النفسية، وإنها حالات تصيب أي أحد، ماهي جنون ولا شي، بالعكس، دكتور الأمراض النفسية يساعد أكثر في حل المشكلات، وتحليل وضع المريض وفك رموز وضعة،، والحمدلله أنا كنت مقتنعة بهذا الشي، ومتعلمة،،ففكرت إني أجي وأشوف دكتورة مش دكتور عشان أكون مرتاحة أكثر في الكلام، وسألت مستشفيات كثير الين ما وصلت للدكتورة حنان،، وصرت أروح وأجي عندها باستمرار،وتغيرت حالتي للأفضل مع الأيام،، يعني أحسن من الأول،
ـ الشيخ: بس وضعك في القضية اللي حصلت، كأنه ما تغير شي،،!
ـ هنادي: لأني قبلها انقطعت فترة عن الدكتورة حنان، بسبب ظروفي العائلية وكثرت خروجي،،وقبل الحفلة اللي في الاستراحة بيومين كلمتني وحدة من صديقاتي اللي كنت أقعد معاهم........
ـ ليلى: ألو ،، هنادي،،
ـ هنادي: هلا ليلى،،
ـ ليلى: سلامات يا قلبي، إش فيه صوتك !
ـ هنادي: تعبانه، ومتمللة،،
ـ ليلى: واللي تجيب لك خبر حلو،،
ـ هنادي: قولي، وش في ؟
ـ ليلى: جلسة مرررررررررة حلوة وخاااااااصة، ما فيها أحد إلا قروبنا وبس، وبتكون رومانسية ،،
ـ هنادي: من غير بلا ولا شراب ولا...
ـ ليلى: لا لا لا ، تطمني، قروبنا مالهم فيها، تعرفين،
ـ هنادي: طيب سوي الكرت وأرسليه على بيتنا،، كالعادة،،
ـ ليلى: تمام،، سلام،،
ـ الشيخ عبدالمجيد: كرت !! أي كرت ؟!
ـ هنادي: كنا سوي كرت أفراح مزيف 100 كرت أو 200 كرت عشان ما يشك أحد، وبأسماء وهمية، وكل وحدة ترسل على بيت الثانية إنه زواج زميلة في المدرسة أو قريبة لها، وطبعا ليلى جارتي، وأمي كبيرة ماتروح الزواجات وأخواني صغار ،، ويومها كنت في حالة غربية،محتاجة لكل شي،، متطمنه إن الجلسة بتكون محدودة ونظيفة إلا من الرومانسية،،وعاد حصل اللي حصل وتفاجأت بكل الموجود، شراب وبلاوي، وناس غرب زيادة،،
ـ الشيخ: لا حول ولا قوة إلا بالله،،
ـ هنادي: وقررت إني أبتعد عن كل اللي كنت أعرفهم وأذوني، واستغلوا حبي وعواطفي،وضيعوني بسبب حالتي وشكواي، ما حد بيحبني قد أمي وأبويا، مهما كانت طريقة تعبيرهم،أسأل الله إنه يعينني ويساعدني على نفسي وأحافظ عليها، الين ما تفرج، ويرزقني بابن الحلال،إللي يرضى فيني،،
ـ الشيخ: لا يأس مع الحياة،، عيال الحلال كثير، وكثير شباب يبغون الستر،،
بصراحة أشكرك يا بنتي على صراحتك ،، بصراحة آلمتني القصة،، وأوعدك إني بحاول أساعد قد ما أقدر بلساني وقلمي، وأجد حلول لهذي المعاناة،، شكرا لك د/حنان الوقت اللي وفرتيه لنا ،، بارك الله فيك،، وأي مساعدة أنا مستعد،،
ـ د/حنان: مشكور يا شيخ، الله يعطيك العافية، دعواتك لشباب وبنات المسلمين،،
ـ هنادي: مع السلامة يا شيخ عبدالمجيد،،
ـ الشيخ: مع السلامة،،
ـ النهايــــة ـ
ـ تأليف وتقديــم / ملكوتــــي
09-20-2010, 06:58 AM
(تشكي فراغ العاطفة) الجزء 3 والأخير
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أڑأ‡أڈأ
