هذي ســالفــة لمرشــد بن سعــد بن بذال الله يرحمه ويرحم أمواتنا وأموات المسلمين

طلــع مرشــد للبر في وقت الربيـــع يجمــع ( فقع) وهو بالطريق الا ويشوف بنت بدويــه ترعى

غنـــم والبنت هذي ياجمــاعة الخيــر جميــلة حتى إن مرشــد تعجــب من جمــالهــا ، سلم عليها

من بعيــد ردت عليــه السلام ، قالتله : وش أنت يالأخ ومن وين جــاي / قال أنــا جــاي اتمشى

واجمع لــي فقــع ، ولا هي بيدهــا خيــش به فقع قــالت خــذ يابن الأجــواد ، عيا مرشــد قال: لا

هذا لكــم ، قالت هي : لا حنا مقيمين هنيــا أنت طرقــي يمكــن تقعــد الليله وتمشــي هذي

الســاعه المباركــة ، أخذ الفقع منهــا وهــو متعجب من طريقة كلامهــا وفيهــا من الحيــاء حتى

من زود حيائهــا إنها تكلمــه وهي تطق أصابعهــا اذا ناظرتــه <<

الي صاير يوم مرشد رجع للديره قــام يتكلم لأخوياه عن هالبنت وهو متعلق به ، انتهى الربيع

ولازال مرشد يتذكــر هالبنت قرر إنه يزورهم يوم طلع بعز القــايله ولا لقاهم في مكــانهــم

تعرفو بدو ورحل يدورو المعيشه لمرعاهم ، الي صاير أنه جاء المساء ولا زال مرشد يبحث

لكن مالقاء شي ، نــام في مكــانه مرشــد وهو يتذكــر البنت وهو نايم الا ويقوم على صوت ذيـــب

يعوي ، هيّضه هالذيب وقال قصيدتــه :

*********
********
*******
*****
***
*
البــارحــه جــاوبت حــس عــاوي
ذيــبٍ عــوى لجّيـــت بالحـــس ويـــاه
ذيــب يجـر الصوت حســه خلاوي
يــاقلب ياللي جــاوب الذيـــب بعــواه
والصبـح بانت في ضميري أهاوي
صــوتٍ زعجتـــه ليت خـــلي توحــاه
يادار ماشفتــي ظبــيّ المطـــــاوي
أتلى علامـــي بــه غشنـــك رعايـاه
أنــا على شـوف الحبيّب شفــاوي
كــأنـــه هنيـــــا خبرينـــي بممســــاه
قــالت لــي الأوطـان جلّع ضحاوي
اليــوم رأس الرجــــم هـــذا توطــاه
أمس بهـــذا وأصبــح اليوم نــاوي
يتلـــى سلــف بــدو بعيــدٍ معشــــاه
كشــف لهــم برق سديــد عشــاوي
يخيَــلونـــه يـــم خشــــم المسنّــــاه
يبون مربــاع بهـــاك الحـــراوي
لازاف زملوقـــه وشبعــــت رعايـــاه
إخـذ الخبر ماهو خرص وهقاوي
أعطيــك علــم صويحبــك وين تلقــاه
أدنــى مرابيـــعه بخشـم الصداوي
وبيــوت مقياضــه بقريـــة مبنّــــاه
ميــر اطلب الله لو صوابك مخاوي
كم واحدٍ قبلــك عشيـــره تمنّـــاه
يالعيــن ماينفــع كثيــر الشكــاوي
الى على اللي دبــّر الغيــث وأنشاه
ياونتـي ونـّه وحيــدٍ جـــــلاوي
اللي سبب دينــه من أقرب دنــايــاه
ولاخـــلافه من يحـــل الدعـاوي
لاصـــار ربعـــه منــه تبـــي المثاراه
عليــك ياللي لــك بقلبــي مكــاوي
ثلاث ردعــات هـــوادي وعرقــاه
عقبــه فقــدت من المنــام الحـلاوي
وحتى متـاعي قـامت الكبد تجفاه
يالايمـــي ياعــل مــالك عـــراوي
بـــلاه ماولــّعـــــك بالحـــب حليــــــاه
من لا يعــــرف الحـــب عنده دعاوي
يشره على راعي المحبة ويشناه
ويقول هذا من مماشيه غـــــاوي
وحنّا نــدل الدرب والحمـــــد للــــه
ياللــــه عســى مثلـه كثير الهزاوي
يبلوى ببلوى من لســانـــه تهـــزاه
حتـــى يعــــرف إن المحبــــة بلاوي
ويشـــوف مثل اللي من الحـب شفناه
عســاه يبلى في محبـــة حيــاوي
حب الهنوف اللي يحـــده على أقصــــاه
تفرى ضميــره فري دلــو الرواوي
إلا صفقهـــا الجـــال من حـــد ملقـــاه
لا لجلجـــت لــه بالنظيــر السهــاوي
كلامهـــا (لبّيــــه) عن قـــولة هاه
كـــلامهـــا للقــلب مثــل المــداوي
اللي عــرف علّه مريــضه وداواه
يـــارب إني بالتفـــاتـــك رجــــاوي
تلــم شمــــل الولـــف من عقــب فرقاه
لو تنفـــع الفزعـــات ولا النخـــاوي
على المحبــــة كـــان كلٍ نخينـــاه
ميــر الرجـــاء والياس صاؤ متساوي
ياقلبــي أصبر في تدابيــر الإلــه
لو مابقــى في حــالك إلا شــلاوي
مادبــّــر الوالي على العبـــد يرضـــاه



======================

معشي الذيب عدت وعاد الابداع

كالمزن تأتي دائما محمل بالخير اخوي

منور قسم الشعر بجواهر ثمينه منتقاة بعناية وذوق

معهود من معشي الذيب

هلا فيك اخوي وسلمت يمناك على هذة الدرة النفيسة

ورحمة الله على الشاعر

دمت اخوي في خير وسعادة

__________________
[flash=http://img8.7ozn.com/files57/2012-12/e93913556090261.swf]WIDTH=550 HEIGHT=350[/flash]

معشي الذياب بصراحه
اقرأ وارجع واقرأ مره ثانيه من جمالها

سلم الله يدك ودام عطائك
وصح الله لسان الشاعر ورحمه الله


ربي يحفظك ويصونك
تحياتي لك

__________________

شكرآ جزيلا على الموضوع الرائع و المميز

واصل تالقك معنا في المنتدى

بارك الله فيك اخي ...

ننتظر منك الكثير من خلال ابداعاتك المميزة

لك منـــــــ اجمل تحية ــــــــــي

__________________
[flash=http://img8.7ozn.com/files57/2012-11/80c313537144291.swf]WIDTH=550 HEIGHT=350[/flash]

ياسلام عليك وعلى طرحك المميز
هذا الشعر وهذا هو المطلوب في منتدنا المؤقر
عسى ان ناخذ دروس من مثل هذه الاطروحات
لاعدمنا تواجدك ومنتضرين جديدك

__________________
[poem=font=",6,black,bold,italic" bkcolor="orange" bkimage="" border="solid,4," type=3 line=0 align=center use=ex num="1,black""]
لايمكن الخوري بلا ملمح يليح =لانه اتربى على تربيه صح
ومن حط في خوره بيوت ومضاريح =بايعتبرها امه مثل امه اللح
لقلوبنا بيدات خوره مفاتيح =بيداتها تقدر تقفل وتفتح
خوره دواعيها سوى في التسابيح =حتى المطارح شوف مطرح بمطرح
من صاح في خوره سمع كلها تصيح =ولو حد فرح من مثلها حين تفرح
[/poem]