غيابك يشغل عيون الزوايا

غيابك يشغل عيون الزوايا



عسى ما أزعلتك أنا وزودت الجراح جراح
عسى ما مرت الدمعة على أهدابك من أسبابي

جرحتك من كثر شوقي وخليت الكلام رماح
ولا أدري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوا بي

حرام تغيب من عمري وتعطيني الفراق وشاح
حرام الدمع في عيني مناديله هي أهدابي

غيابك يشغل عيون الزوايا وامتلي أشباح
وأنا انثر صوتك بقلب المكان وأشعل أبوابي

تلفت للأمل دام الرجا في عمري الملواح
أناديلك ولو شرهك وصولك تقطع أعصابي

أبيك الجاي من عمري أنا مابيك شي وراح
مدامك أجمل وآخر مدامك أول أحبابي

أبي ارتاح يا عمري أنا ادري هم تبي ترتاح
تعال وقبل ما أفرح ترى تفرح بك ثيابي

أحبك أحبك يا بعد عمر الحزن والجرح والأفراح
أحبك أحبك كثر ما نامت عيونك داخل أهدابي



مما راق لي ....

ماراق لك راق لنا

اختيار موفق وعذب اشكرك اخي جاسم

روعة ياجاسم سلمت الايادي


راق لي جدا كلك ذوق اخوي


تواجدك مميز الله يسعدك

ما رااق لك كان لنا في غاية الروووعه

سلمت يمناك اخوي انتقاء يدل على ذائقتك

لاعدمناك دمت بود وسعاده

بسم الله الرحمن الرحيم
السلام عليكم ورحمة الله تعالى وبركاته
الإخوة والأخوات الكرام
شكراً جزيلاً على مروركم الذي يبهجني ويشرفني
شهادة كبيرة منكم أعتز بها وأفخر
تقبلوا مني أعمق المودة والتقدير
دمتم برعاية الله سبحانه تعالى وحفظه

خااطره مبدعه من جواانب شتى
تستحق زخم من تقدير وثنااء

مشكور اخي الكريم

خواطر استرسلها صاحبها الى ان وصل بها الى منتهاه

فأبدع في ذلك