[poem=font=",6,crimson,bold,italic" bkcolor="transparent" bkimage="http://www.khorh.com/vb/mwaextraedit2/backgrounds/92.gif" border="double,6,crimson" type=2 line=0 align=center use=ex num="0,black""]
يامساء جيت اشتكيلك من سنيني= من ردى الايام والدنيا الدنيه

جيتك وليل الحيارى محتويني =والمحاجر ساقت الدمعة سخيه

جيتك ولي راي ماجيتك هجيني= بس اخذ الشور من ربي وصيه

جيت اظنك يامساء باتحس فيني= يوم حسبتك من المولى عطيه

يشهد الله قد حسبت انك يميني= يوم طهر الكون في طبعك مزيه

كنت اعدك لي كما الرمح الرديني= وكيف افاعيله بعصر الجاهليه

قلت يانجوم السماء لو ترشديني= كيف تبقى وردة الجوري نديه

غاب نجمك يامساء قدام عيني = وغابت وعود الليالي السرمديه

ليه ياسود الليالي تخذليني= تجرحيني بغير ذنب ولا خطيه

يامساء حاشاه ما توطى جبيني=وما انحنى راسي سوى لرب البريه

كنت اظنك ياليالي تعرفيني= ماهقيت انعد مع هذه وذيه

يامساء مرباي في الحصن الحصيني= مع نشامى ما يخافون المنيه

عالشرف والعز اهلي مربييني= مصعب ادروبي على الغازي عصيه

منبتي من در عز ومكرميني = عزوتي اهل الوفاء واهل الحميه

مالربعي ند بين العالميني= روسنا عند الثريا معتليه

شوق قلبي ويامكثر حنيني = لا ذكرتك يالديار الواحديه

يالقوافي جري الصوت الحميني= واسمعي به من خوافيهم نقيه

رغم جورك ياليالي سامحيني = واقبلي صدق المودة لك هديه

يامساء ياصاحب الجو الرزيني= خانك التعبير في وصف البنيه[/poem]

عبير الود

__________________
[flash=http://img8.7ozn.com/files57/2012-12/e93913556090261.swf]WIDTH=550 HEIGHT=350[/flash]