[rainbow]السلام عليكم
احبائي اعضاء محبين العراق

اضع بين يدكم اجمل ماجمعتة من مقطوعات الشعر الشعبي في الغزل من قصائد ومضات
واحب اتشاركوني بهذا الموضوع وتخلون اجمل ماتسمعون من الشعر سواء كان درامي اومضه او ابوذيه اوقصديه هنا وياي
واجو تثبيت هذا الموضوع
علما انو هذي القصائد جمعيها منقوله واغلبها للشاعر الكبير سعود الخفاجي
وقسم للشعراء اخروون معروفين


اجمل مقطوعات الشعر الشعبي العراقي


لاتحجي عله حسنك
لا تحجي عله حسنك خاف احسدك يوم
وانه البيك راسم كل صور قصتك
ياموسه بزمانك ترهب العشاك
وطيور السعاده موجره يم عصتك
يالتارك علينه السهر والحسرات
وانته من الورد مندر صبح حصتك
يلمصنع عسل شفتك تروي الناس
وشفاف العسل تتحسر بمصتك

لا ارعن تكول الكلب شرعا
سيوف العشك عالعشاك شرعا
لون مص الشفاف يجوز شرعا
لاخذ شفتك الحلوه اليه


يلطولك لغز ماينحزر لليوم
مانعرف قيامه بوكتي فارضهه
لو شجرة ورد ومكحله بريحان
من لطفه الجليل علينه عارضهه
لو مصنع جمال الكلهن الحلوات
والحلوات كلهن حسن قارضهه
ياحسجة دواوين العشك والناس
والجلمه الجميله علينه فارضهه
امس جانه الحزن رايد يرض الروح
ومن شافك ويانه استثنه مارضهه

الي نص جوز من شفتك ولك جوز
وبعد ماكول من حبنه ولك جوز
عسل شنهي طعم شفتك ولك جوز
ابشرك تاهت اشفافك عليه



مر بيه اشتهيتك
مر بيه اشتهيتك حتى لو حس موت
مر بيه اشتهيتك واكثر امن الموت
وتمنيت مو بجدامي افوت عليك بالتابوت
بلكي اتحن عليه وتلمس التابوت
ولا ماموت كون انت التشيل جنازتي ماموت
افز وتلكه المشيعين وكطع من دليلي بتوت
اشد حبل الوصل وياك
الف بيهن ليالي اجفاك
اطوي سنين ماعندي بخت ونوب اظل مبخوت
بيك الحظ كعد طير السعد منعوت
بيك العمر مو جنه حفنه سنين
جنه ايويم واحد وظن مامثبوت
جني اشلون جني انشد عليه الناس
تيهت الرسوم وضيعيت الصوت
غيرك ماعرف من دون كل الناس
بس انت وخيالك بالكلب منحوت
مر بيه اشتهيتك حتى لوظل موت
معقوله اليحبك هم يصير يموت


















من خدك ماردت بوسة وصرت طمعان
يعني البوسه صدكً مــــــــاردت منك..؟
ومـــــو من الشفايف ردت ابوس بيك
مــن خــد الشفــــايف ردت ابوسنك...

















عليك الناس تحجي اشكال والوان
وتكول انته الذهب والذهب من ساسك
بعد بيمن نقارن لو نحط مقياس
نقيسك بالشمس وانته الكمر قاسك



لو شفتك انصاب بشلل
صدكني مو قصة خجل
ولو تفطن اتعرف السبب
جي شفتك تكطر عسل




يلشفتك بحر وتروي كل عطشان
واليصفن بشفتك ينسبي سبايه
الناس من العطش تركض وره الماي
وانته الماي يركض شربك مايه





شحلات أللي تحبه كبل ميروح
بحلات آخر نفس من تكظي ألأنفاس
وحلات ألعيد أول يوم بالعيد
وحلاتك من تعايدني أول ألناس


و بس آني أذوب وأخدر إعليك
إمن أحلم بيك حتة فراشي يخدر
منو ألكال ألكمر يفتر على ألكاع
ألكمر شافك وداخ وكام يفتر


شعرك طآر فوك عيونك الحلوت ..
واذا طكه الهوا يتلاعب بخصرك ؛؛
يمكن مآي شعركـ واعتقد شلال
وأذا شعرك توصــخ تغسلـه بشعرك



اذا مره احبك كلشي ما سويت ..
واذا مليون احبك يعني ماحبك
دخفف من جمال البيك يبن الناس
.. الوادم من جمالك كامت اتسبك




عليك شكد اخاف شكد اداريك
حبيبي اتمنه داخل كلبي اضمك
اذا مو انت بيهه الدنيه شتفيد
ولك هم زين ابوك تزوج امك



أنه كل البيَّ الك
وأنته كل البيك الي
وحتى لو أنته تصير الغير واحد
أنه أصيرن غير واحد
حته بلكي تصير الي



اليشوفك تعمه عينه من ضواك
والمايشوفك عمت عينه شكد خسر
فدوه لاتطلع اخاف يفرهدوك.
..لان ماموزعين بالحصه شكر



حلوكلك حلوبس احله مابيك
محد بالحسن شايل صفاتك
العسل بس العسل يتشابه اوياك
ولان شافك حلو صار بحلاتك



صدكَ كلش حلو وعندك حسن ما صار
وصدك تكتـــل مشيتـك من تلف خصرك
خل اسكــت بعد ماداعي اوصف بيك
اذا شفتك تريد تبوسك بحلكَك


لأن تضوي وترف وينشاف ضي البيك
تخجل من ظواك وتنطفي الشمعه
وأظن عشرين وأكثر حملت امك بيك
لأن دقة جمالك مو حمل تسعه



يالجمالك بالمدارس درسوه
والصفوف انترست بحبك ترس
ورسبو الطلاب كلهم بالاخير
خلصوه استاذ عيدنه الدرس




بگلبي اتسابقوا لعبوا الحلوين
خسرت كلها بالدور البدائي
وانته بلا لعب صاعد على الكاس
بحلاتك ربك مصعدك نهائي





أختصر ربك بعينك كل جمال اكون
وبخدودك ترافه الماحواها انسان
موش السان واحد يكفي يوصف بيك
يالوصفك بعد يرّادله الف لسان
الشوارع من تمرهه تصير كلهه حلوك
حتى تبوس جدمك من تمر يفلان
ليليه على بالي واظل صافن بيك
عالحيطان ارسمك واشبك الحيطان



















يل كلك عسل ولعسل ذايب بيك
اوتدري ابوسة منك روحي تتمنه
اومديورة علشافك جنت الفردوس
يعناني منبوسك ادخل الجنة




بعيد ميلادك حرت شكتب عليك
خفت لا تعبيري يمك ينفجر
القلم سويته من حبل الوريد
ومن دمع العيون خليت الحبر



سئــــلتك
سئلتك والكلب بين دلاله
وابد ما جاوبت كلبي بسؤاله
ليش عيونك الحلوات حلوات
يمكن يا حلو امك غزالـه
العداله تكول تنصف باليحبوك
وانته بنضرتك ماكو عدالـه
تهيجلي بصدودك كل الضنون
وانه ضني علك كطع احباله
سمجه الروح وادري بوصلك الماي
يا ماي الوصل لتصير فاله
حلال الله تره وصل اليحبون
وانته بكيفك تحرم حلالـه
***
اجي بدربك واشوفك وأوكف بعيد
عنك واحسب بطولك جماله
واروح اتحزرك ما يا صنف ناس
انته وهالحسن من يا سلاله
وارد محتار حيره تهدم الحيل
واطش روحي على فراش الثماله
خاطر انسه وارجع بيك محتار
وارزل حيرتي وترضه الرزاله
***
خيالي وياك عفته والتبس بيك
وصرت الشاعر الوحد خياله
تعت كلبي بمشيتك وادري مجنون
كلبي وعامل سنينه بجهاله
الفقر والعوز حاله بعمري وتروح
وانته لوحدك مليون حاله
رساله من الكلب وداها مخصوص
الك وحجايتي بهاي الرساله
بلال كليبي اذن لليصلون
يمته كليبك يأذن بلالـــــــــــه









تعاااااااااااااال

تعال ادخيل بختك كافي الغياب
وفتح باب كلبي العفته مطبوك
هزني الشوك ليك اوكلبي محتام

اوتدري انت اشكثر مايرحم الشوك
من الشوك صاير كلبي نصين
اومثل فركة اسنونك كلبي مفروك
من صورتك باكت عيني نظرات
تعال اولاتعلم اعيوني علبوك
يبو اخدود الظواهن يعمي العيون
اويلي ابحسرة اشفافك ماتت احلوك
خل مابين اشافك حلكي يحتار
يبوس الجوه خايف تزعل الفوك
تلوك الشامه علخد لمن تصير
بس علشامه خدك ياحلو ايلوك
بالك عللظوك اتبيع بوسات
لأن علظوك تخلص شفتك ظوك
اوتظل تمشي وراك الوادم اسروب
مثل حادي الظعن من يحدي بلنوك
اولأن بلسوك رايد تمشي وياي
لذلك منعو التجوال بلسوك
ثمر صدرك امبين شافته الناس
خيط زيج صدرك غطي العثوك
وحط حلكك ابحلكي اوانفخ ارجوك
وذا سألوك كلهم شفته مخنوك
حتى اشرب انفاسك وسكر اسنين
وخمد نار كلبي العفته محروك



























أحضنك‎ ‎.‎ ‎.
والكلب شوكه وعذابه إيزيد
ويشوفك بعيد . ‎ ‎.‎
وإنت بأحضاني . . !
وشمك بلكن أطفى ‎ ‎.‎ ‎.‎
وناري كلبي إتهيد
وبشمتك‎ ‎.‎ ‎. أوج ‎
وتهيج نيراني‎ ! ‎.‎ ‎. ‎
ما يرتاح كلبي . ‎ ‎.‎
وكل عذر ميفيد‎ ‎.‎ ‎.‎ ‎
كل ما ألكى حل‎ ‎ ‎
إيريد حل ثاني‎ ! ‎.‎ ‎.‎
أحطكنك إبنصه . ‎ ‎.‎
وهم يصيح إبعيد‎ ‎.‎ ‎. !
شوف إخباله بيك‎ ‎.‎ ‎.‎
إلوين وداني‎! ‎.‎ ‎.‎
روح إبروح قصده ‎
وغير حل ميريد‎ ‎.‎ ‎.
والا إوياك أذوب‎ ‎.‎ ‎.‎ ‎.‎
وأمتزج آني‎ !‎.‎ ‎.‎
صرت إنته الأمل . .
وأنته الحزن والعيد
وأنته أسمي إوهويتي . .
وأنته عنواني . .
يل وجهك كمر . .
كلي الحسن شيفيد . . ؟
إذا قصدك أكضي الليل بأحزاني . . !
ذبل عودي
إوهجرت أهلي
إوسكنت البيد
مثل مجنون ليلى . .
الشوك سلاني . . !
يبو إعيون الكحل . .
آمر علي شتريد . !
جن محبس باصبعك دوم تلكاني . .
طفت شمعة شبابي
إوحيل جسمي إيبيد
وأتعذب وون
وأتسلى بأحزاني
إذا تلعب علي
_يلعدك أجمل جيد_
وتحس بالسعادة
إبليل هجراني
ظل إبواهسك هذا
وبعد بيه زيد
أرضى إبكلشي منك . . .
بس لتنساني . . !






كلنالك حلو...

لان انت ورد نزعل اذا تنداس
وعليك نموت كلنه ومحد يدوسك
ولان انت حلو ونخاف نلزك بيك
كمنه انرش عليك أميـه ونبوسك
...............
خجلت الورد يكسر الخاطر ليش
فدوه اشويه حط اعليه من عندك
ياصفنة خلك شاعر مسودن بيك
يبدي منين بيك ويوصل لحدك
خدك شاف خدك كام صله اعليه
وصاح استغفر الله وباسك بخـدك
كلنالك حلو شمدرينه تطلع سيف
تذبحنه ونرد بركابنه انحدك
نعرفك موت احمر بس نحبك ليش
هاي المدري ليش الصارت ابكدك
حضره تكول حضره وايد بابك موت
ونفتحك علينه ونرجـع انسدك
واحد من تجينه وبيك ميه انشوف
ونعدك بدينه ونغلط ابعـدك
نتعارك عليك مــن الصبح لليل
وضدنه نصير كلنه ونكره الضـدك
نوكف بالسره انتانيك يمته تفوت
وتطلع طول بينه ومحـد ايردك
نتوسل ابطولك حته نشبع شوف
ونشبع موت ليش ونحلم بودك
اعيونك مانكول عيون والله انخاف
من اعيونك عليك تكوم وتحسـدك
نظره بطرف عينك ناس تردم ناس
موطاحت عكلنه من احترك جدك














انت لوحدك

كالو وصفو عنك حجولي هـواي
وكالو كل حلو وهم تلكه بيه لوله....
ومن شفتك شفت مابيك هلكد لول

بس عيـن التشوفك تنكلب حوله....





اريـد اكعد واجرلي ونحوله ....
واخبره اسباب ضعفي ونحوله ....
النحولي شلعو كلبي ونحوله ....

خيرهم شبــع كفران بيـه


يالحسنك بخت وببابـه احني سنيــن
بابك لاتسده بوجـه اليكصـدك ....
انه بحضرتك رايدلي بس مـراد

حته احلف وكلهم من بخت جدك ....
طولك معجزه ومن تمشي مدري شلون
ظلك يفتخر ويحـاول يقلـدك....
كبلك؟ عاصفه ومن توصل انت اعصار
شك ثوبه المحيط وماجزر مدك....
اشتاكك تجي ولو جيت اموتـن بيك
ومن سدك اخافـن واختل بسدك....
يالكلك لغز ماصحله كـــل تفسير
والرايد يفسرك لازم بكــدك....
يبدي من الجدم لاخر مجسم بيــك
ومناه للصبح مايوصل لحدك....
انت لوحدك بس جنهه كلهـه اوياك
يمته اوياك اصيرن واخذ الوحدك....
الشافك بالوصف كض كلبه بيده اعليك
والشافك صدك رد يبجـي من عندك ....
خصرك بالضبط مركز ثقل للعيـن
ياعين التمرهه وتقبـــل اتهــدك....
خدك من يصير اكبال حلكـي يدوخ
شيظل بالحلك من يوصل لخدك .















جـــــاهـلــــــــــي؟؟

لاتكلــــــي شبيك من اصفن عليك
وسرك بكلبــــــــــــي اليحـــــبك دافنـه
عاصفه الدنيا ومطر مجنونه بيك

ومـــــــن ضحكت الدنيا ظلت صافنـه
.........................
بين عيـــن وعيــــــن احطك لو اجيت
يالله كلي شلــــــــــــــــون روحي تعــوفك
خاف وحده تشوف غيــرك تشتهـــيه
حته الاخره من تصدلـــــــــــــــــه تشوفك
انه خايف ماتجي وعيني عليــــــــــك
ومني كتلك ماكوداعـــي لخــــــــــــــــوفك
السفينه التبحـــــر بمايــــــــك تعيش
خاف تغرك عينها اعله جــــــــــــروفــــك
بين خدك والحلك ظل مشتهــــــــاي
وانه خطارك بعد؟؟ معروفــــــــــــــــــــك
المضيف اعله البخت مبني ويطوف
وانت راعي البخت كام يطــوفـــــــــــــك
ياخلك فنجان من كدمستحــــــــــاك
ظلت عيون الدلال اتحــــــــوفــــــــــــــك
وانت طولك سفرة امعزب واخاف
تنفتح يمك شهيـــة ضيـــــــــــــــــــــوفك
جاهلي من اعشك واحب بس بجنون
وعشكي خارج قوس عـــــــــــن مألوفك
اكتب اسمك واقره بس بدون صــوت
اعله الشفايف غافيات حــروفــــــــــــــك
وانه صار اسنين ماضايك حـــــــــلاه
والله يعــــــــــــــــــــلم ياحـــــلاه بجفوفك
تدري بطيوفك على عيوني من اجيت
اعيوني خر اسبالهه اعله طيـــــــــــوفك























بعد كلمة احبك
بعد كلمة احبك ما تجي وياك
شأگلك وانه روحي تعلگت بيك
وبعد صدّگ ولا أجيبك على البال
بوسط البال اجيبنك واخليك

ولا اصيحك بعد باسمك يمحبوب
بعد (بيك انا هايم) راح اسميك
اذا مو يمي تبقى الروح وياك
اذن شيصير لو بالروح اخليك

وانت بعيد احسك بية موجود
واذا مو يمي هم يمي آنه احس بيك
ارجف من اشوفنك من ابعيد
اذن شيصير لو يمي انه ادنيك

كلشي ولا اشوفك مني زعلان
واذا زعلان مني بدمعي اراضيك
انت وياي شجرة ورافكَت ماي
وانطتك عمرهة شرايد انطيك

بطلت البواچي اعله اليروحون
وعليك دموعي تنزل من احاچيك
عليك تعودت صرت انا وياك
واذا وياك كلي شلون امر بيك

صدك يل (أحبّك) ماتجي وياك
وإذا اكَلك احبك ماتكفيك ..



لازم اعـــــــــــــــــــــوفك
سمعت اول سطر بشفافك بلا صوت
ومن عينك عرفت الطرق مسدودة
ولازم يعني اعوفك وانت ما تنعاف
لان روحي ويه روحك عكدة مشدوده
مخنوك بعبرتك والنفس دخان
يصعد فوك يبجي وروحه ممرودة
لان كاعك جهنم حركت شما بيك
غصن حتى جمالك يبست عودة
زعل قرص الشمس والضوه راد ايموت
وخسف حتى الكمر ودموعه بخدوده
وانا كلمة احبك رددته بخوف
وبيك اجمل قصائد بيه مجبودة
واشوف الناس تحجي اتريد اسولف بيك
واضم كل لحن بيك واخفي الانشودة
ويريدوني اميز بالنظر واختار
وانا اعمه وجمالك هو الي يكودة

اتحسر عليك وعين ناسك دود
ماخذتك اكل بعيون صايوده
اكل دود هجرك ميت بلياك
شفت ميت بربك ياكل الدوده
اكفر بالعشك واستغفر بطرواك
تجتفني جمال اعيونك السودة
وتحسسني جبل والناس كله سهول
شيهزة الجبل من يكدر يقودة
وتكلي اريد بقمتك يحجون
وبركانك عليكم يطك باروده
واذا ريح السوالف جت عليك اعصار
خل شعري على قمتك ريح ويحودة
لا تضعف حبيبي شرادو يسوون
شنو معنى الغصن لو وكعت اورودة
وشنو معنى الكلام بلا نقاط يكون
مثل حيطان فوك الكاع ممدود
تبقى انت الاصل ما اكدر ابلياك
صدكني الاسد ميخاف القرودة







اشلون اكدر

اشلون اكدر اعوفك وانتة ما تنعاف
يانجمة وفة ابعز الظهر تنشاف
يا اول كمر ماختل من الغيم
حتى الشمس تخجل من ضوا وتخاف
انتة ابعمري دنية وناس تتبع ناس
داست عالجرح بس الجدام اخفاف
عرفتك انتة الية ابلا حلم واسباب
واسمك ما طلعلي ابخيرة عد كشاف
وأول ما عرفتك كطن وحدة انصاغ
لامرك تعب لاجايسك نداف
مرات ارد اشوفك لكن اتعداك
ياانعم ورق من جلمة الشفاف
يا لكلك هوة ومعاشر بهالروح
وتلاكيني صرت امنين ما التاف
يظل يثمر محبة الشاف وجهك يوم
ومن شافتك ثمرت شجرة الصفصاف
يالتنكط حسن كدام كل الناس
والحلوين منك جمعوا الاوصاف
يا أول حلم طر هيمت اعيوني
ويا فزت برد لو فاركتني بيوم
اتذكر هواك وترجف امتوني
جنت فوك الكمر من كبل ما لاكيك
ومن شفتك طحت ونباكن اعيوني
اثاريك انتة وحدك جنت ذولة الناس
لبيوم الطحت همة التلكوني
خل اروة بحلاتك واليصير ايصير
لو اعرف حلاتك تاكل اسنوني
وما عندي صدك بس انتة كصت خير
من مديت اديك انترس ما عوني




شبابيج الحسن
النبي يوسف حلو ندري احنه كلش زين
لكن ما درينه انت احله من عنــــده
وذا هو بجــــــماله تكَطعت الجفوف:
انت الشاف وجهك ينكَطع جبده
بيك انت عطر ماظن ابد موجود
تخجل من عبيره وتستحي الوردة
وذا جبنه الكَــمر وبصفك نخليـــه
قياساً بيــــك يطلع كلشي ما عنده
ندري انت حلو بس للجمال حدود
وانته بكل جدارة تجاوزت حـــــده
شبابيج الحسن تنسد غصب مرات
بس شباج حسنك ياهو اليســـــده؟؟
يا ابيض وجه والبيض ما يدرون
ماخذ من بياضك كَيمر الســــــــدة
بجمال الغير واضح كلنه مختلفين
بس انته بجمالك كلهه متوحـــــــدة
وذا صدفة ومتت طعم الجمال يروح
ويمكن عله فراكَك يلزم الـــــــعدة
لا تطلع بعد بالشارع اترجـــــاك
لأن والله اليشـــوفك يحتركَ جده


ماكولن كمر
كون ومن كثر ماجنت اكولن كون
ضيعت العمر وانه بطرك كوني
ربعي توفقو وانه اعله حجي العام
ارسم من خيال قصور بضنوني
يالماخذ عكل مجنون شلك بيه
ماكلت اشيظل براس مجنوني
تمشي وكل وكت تمشي بخلك مرتاح
وعلى دم الاصابع عاشت سنوني
ماشوفك واحس من امشي دايخ بيك
لو اشوفك اكيد يطيحن عيوني
..........
ماكولن كمر صارت قديمه هواي
يوسف اعتقد بس انت ذريته
يااول احب واخر احب بالكون
دك بابي وكمت للباب حنيته
انه اعرف احب موتوني حته تكول
مايعرف يحب وبكيفه خليته
فنان من احب وبكيفي احط الوان
ولونك من ضوه بكل لوحه خطيته
مااحلم كبل ماريد اتعب العين
بس طيفك اجه وعالعين دليته
شفت البلحلم جنه انت صحـت الله
كظيت الحلم ولصـدري ضميته
موانته وكلت لاوالله انت يجــوز
جنه انته وخدعنــي مـن انهجم بيته
طـولك واهسك والعين نفس العيــن
شك عيني وعــبر بس حرشه كظيته
جكليته وعلي وبس عود هم جكليت
يمكن من عسل مصنـوع جكليته
من كدمايشبهك انــه مدري شلون
صرت كلـي حلك وبحلكه حبيته








شفتني شلون من اشتاك
تمنيتك الي وبس انه وياك
واعلمنك علي من اعشك شلون
الكون شكبره صدله بعينك وشوف
من احضننك بدي غير اكـلب الكون
وردت واحد يشبهك وامشي وياه
واسكت الجانو بصدك يكيفون
لكيته ومن لكوه يتمشه وياي
كالو هوه بس؟مونـفس العيون
اروحن بيك دايخ و نفردبيك
اهم والبيك ماكو و نفردبيك
كلت لازم تجيني ونفرد بيك
انفرد من جيت ملج الموت بيه
شفتني شلون من اشتاك واشتاك
الفرح عالجاي والرايح اوزعه
واطش سنين عمري اعله المسافات
وامل بعيون عاشكتك ازرعه
اسدعيني اعله طيفك واقفل الباب
فص العين من تطلع تشلعه
قفل جان اعله سر حبنه لشفتاك
قفلنه ولادنت شفتي لشفتاك
تمر ؟وبطيف شحجيلك لشفتاك
اعله خد الطيف تلكه اثار اديه
يالطيوفك اخوتي وكلهم اعزاز
اليموت بياكلب لومات اشيعه
الك بيه حنين يرجع المات
عدل جاليش طيفك مايرجعه
اجامل طيف غيرك من يمر يوم
واسولف عالجفن خاطر اقنعه
يسد بابه الجفن ومبينه زعلان
بوجه كل طيف مايقبل ارفعه
ابجي بلادمع من يوم الفراك
خايف من ترد ماالكه دمعه




تبجي شلون ؟ يمنه بذني العيون
سلام من الكلب بس ليك اوديه
وعتب مجروح شايلك سلامي
اشوفك من تجي وبعيوني اخليك
واذا ماجيت الكاك بمنامي
حبيبي انت وعليك تفرفح الروح
ولك مايوم قليت احترامي
كرم ملكاك صاير لليمرون
واذا مريت صحتلهم حرامي
نحيت اوياك بالحب منحرامي
وشفت حكي واخذته منحرامي
تعلمني حلالـي منحرامي
وحلالي البيك حرمتـه عليه
وتبجي شلون يمنه بذني العيون
وشتظن الدمـــع بعيونك يلوك
الفرح انت الفرح واحنه انتمناك
واذا مريت كلنه انضيع الحلوك
السوك الماتطبه ايصبح اشبـاح
واذا طبيت هم ايعزل السوك
اطش بعيوني واتنطر علشفاك
واذوبن من تمر واسكرعلشفاك
تكظني الوادم وتنشد علشفاك
حلكك مادرو مريت بيه
وكالو عوفه باجر ماكلت ليش
المهم يردون من باجر اعوفك
شلت عيني اعله مودانوب ماشوف
كمت ماشوف غــيرك بس اشوفك
وشيجيبك يباجر والتقي اوياك
واشيلنك كلب مابين الضلوع
واذاباجر اجه وماجابك اوياه
اكض باجـر وشيلنه من الاسبوع
اهد بسوح المواصل فهدلاي
نجر وبساعة الملكه فهدلاي
يبير شلون وبنصك فهدلاي
انكطع والماي ظل صافن عليه





اذا عني رحت
اذاعني رحت كلي انه اروح اوياك
لان كلك جزء بس عايش بكلي
واذامره شفت وياك ظل يطوف
موظلك حبيبي وداعتك ظلي
اغار عليك من طولك وظلاك
شجاك شغير طباعك وظلاك
انا المفتون بعيونك وظلاك
مثل ظلك عليك يدور فيه
موشاعر واريد اوياي بس تدوخ
بس الشاف مثلك يعذر المثلي
انت انت شكثر سبحانه خالق بيك
وبيك شكد محاسن ربك مخلي
خدينك كمر واعيونك اولايات
والحاجب زحل من ترمش يصلي
ومن تضحك غنج مرات انت اوياي
موسنك عطارد جنه يضحكلي
في ليل الزلف وشفاف عندك تين
والزهره اعله صدرك شفته متعلي
وجبينك شمس ياجل من سواك
كل هذا وبعد ماشايف اتكلي
موبس عيــن بيك انت وجنبيك
واحس ميزان عكلي اختل وجنبيك
المحاسن كلهن التمن وجنبيك
من ابوك تخاف جانه شلون بيـه
ماشايف كبل وعيوني عثرن بيك
واول ماصحيت عيوني الك صدن
شفتك موبشر جنك ضوه اعله الكاع
من تمشي الكواكب كلهن يسجدن
وصفتك كبل بس ماكدرت اعليك
وياثكل القوافي من الفشل ردن
تألـق حيل وابدع والقوافي
اتزانه ونور وجهه والقوافي
النظربالعين كفكف والقوافي
اعله حسن البيه هيه تكود بيه
مجنونك صرت مد خيط للمجنون
بالك ينكطع وانوب تتوهدن
وشيخاصك بعد تدري انه بالساعات
وموكلهن سوه الساعات لوعدن
ساعات اعله كيفي وجني ملج الموت
من اصفن عليك شويه واترهدن
وساعات ارتعش والخوف يمشي اوياي
وسيوفك احسهن بيه ينحدن
فض خلكك علي بس انه وانت شبيك
وامن لواجيتك واطمئن جدن
امسودن نعم بس انت تعرف زين
ماخوذه الحكم من حلك المسودن







يتبععععععع
[/rainbow]