[poem=font=",6,blue,bold,normal" bkcolor="transparent" bkimage="http://www.khorh.com/vb/mwaextraedit2/backgrounds/13.gif" border="none,4," type=1 line=0 align=center use=ex num="0,black""] اغلقت كـل المنافـذ والـدروب=
كن ماليـه مـن همومـي مفـر
والمشاكل جاتني من كل صـوب=
ايش باسـوي وانـا واحـد نفـر
ان بكيت الدمع في خدي يـذوب=
وان سهرت اتعبت عيني بالسهـر
الامل شمسـه تنحـت للغـروب=
وليل صبري ما ظهر فيه القمـر
وكلما هـزت نسانيـس الهبـوب=
ما تجيب الا هوا حامـي وحـر
والقلوب اتغيرت تـاك القلـوب=
والبشر ماعادهـم نفـس البشـر
ماشربت من السعاده نصف كبوب=
ولا جنيت من الحيـاه ايـة ثمـر
بعذرك لا ضقت يالصدر الرحوب=
ماتضيق الا مـن همـوم وكـدر
المحبه غـش والصحبـا كـذوب=
والصديق ان درت له ظهري غدر
كلما اتغاضيت لجل انـه يتـوب=
يقطف ورودي ويعبث بالشجـر
صح ماواحد يعيش بـلا عيـوب=
بس بعض النا س عيبـه يحتقـر
صاحبـي قـدام تلـجـا للهروب=
خذ كلامي وافهمـه بالمختصـر
قبـل توقـع فالخطايـا والـذوب=
الحذر ثـم الحـذر ثـم الحـذر [/poem]

__________________