البدع : مطلع الشمس

" وصيت قلبي "

[poem=font="Arabic Transparent,6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
وصّيتْ قلبي عليك وفكري وظنِّي = ان غبت عنهم عليك عتابهم هادي

ما ودِّي تجرح شعورك كلمةٍ منِّي = وانته حياتي وعمري وومهجةْ فوادي

ودي تعيش العمر راضي ومتهنِّي = مرفوع راسك عليك العز متبادي

يا تاج راسي وانته منِّي وعنِّي = تامر وتنهي وامرك أول البادي

من كثر حبِّي عليك الخوف يمحنّي = وافقد شعوري واشوفك غاية مرادي

ان غاب صوتك أناجي الليل واونِّي = واتخيِّلك واتذكّر هامةْ بلادي

مديون لك بالغلا والحب متجنِّي =يا مستحل الفواد العاشق الغادي

من يشبهك في البشر يا ذوقي وفنِّي = يا راحتي وبسمتي وموتي وميلادي

وصّيتْ قلبي عليك وقال مبلنِّي =واحذر غيابك على قلبي مَهُبْ عادي [/poem]



الجواب : السيد عبد الله الهاشمي

" ياشوق روحي "


[poem=font="Arabic Transparent,6,purple,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا شوق روحي وقلبي وقطعة مني =غيابك ألطف من النسمة على فؤادي

ما يجرح القلب الا غيبتك عني =ولا عتـابك يـشابه طبعك الهادي

أنا أهتني يوم أشوفك انت متهني =وأشوف نور الهنا في طلتك بادي

ما يختلف فيك ظني يا حسن ظني =دايـــــم وفي معي يا وردة بلادي

لا تخاف مني ومن قلبي اذا وني=أكيد مشتاق لك يا غايــة مرادي

ما يتعب القلب غير الشوق =لكني أصبره بالقصيد وصوتك الشادي

أنا أحبك وأحبك من صغر سني=ما أبالغ ان قلت لك من يـــوم ميلادي

أكبر ويكبر غلاك اللي مجنني=غصبن على عيون حسادك وحسادي[/poem]