[poem=font=",6,white,normal,normal" bkcolor="black" bkimage="" border="double,4,red" type=0 line=0 align=center use=ex num="0,black""]
يالله اني طالبك ياخير قادر= يا الاهي ذي لك اليد القديره
ياكريمان الذي لذنب غافر=تغفر ذنوبي ونطقني بخيره
يوم باظلي وحيدا في المقابر=نطق الساني بكلمات ن حزيره
نحمدك ياخالقي حمدا وشاكر=وشكرك عالعافيه هي والستيره
قال ابو فهد ان هذا الوقت جاير=والزمن لاجار يتبدل بغيره
ياكريم الجود يامنشي المثاير=كفنا شره وعطنا منه خيره
ياندوبي فوق منقوش الغماير=خلها في المرحله رقله وسيره
ونتبه عند التقاطع والاشاير=دس بريكاته ودبلته بجيره
وخرجه من شارع البطحاء يساير=سير دربك من قدا شركة لميره
وطلعه فوق الكباري بعد حاير=عالخطوطات السريعات الخطيره
وعبره فالخرج كنه صقر طاير=متجه للبر من نحو الجزيره
وعبر الحوطه ولفلاج الخظاير=ذي مدنه بالبساتين الخظيره
والسليل وعبره وادي الدواسر=هي وسلطانه وعده في مسيره
وعبره خط المثلث خط داير=وعذر التوصيف لا انا غبيت ديره
واتجه خط الشروره يامسافر=وجزعه لايسمعون الا صفيره
روح سيده لاقدا المنفذ مباشر= بايلاقوك العساكر كل خيره
قل سلامي للحرس تاسع وعاشر= بينكم يصاحب لوجاه النويره
وطلع الترخيص قل باروح زاير=لابلادي عند ربعي والعشيره
بايقولوا هات رخصه واستماير=وعطهم كل المواثيق الحذيره
وعطهم دفتر جوازك لتآشر=واشروا لك فالدوامات الاخيره
واركبه من عندهم والخط ساير=قدوا منفذنا اليمن خطوه قصيره
قل سلامي للقايدة والعساكر=مالما برق المخيله فالحجيره
يامسوين التعصب والتظاهر=كل ساعه فاليمن تلقوا مسيره
واشروا بالدخوليه وبادر=والغدا بالعبر من بعد الظهيره
واتجه لاخط شبوة خل صافر =واعبر الخشعه وفي دهر العصيره
واعبر الردميه جنب الحيد ساير=جنب حيد النصر والعقله بحيره
ون جزعت اعياد لتدليل امر=والشبيكه مرها والعين ثيره
قل سلامي لـ ال مهدي ريح عاطر=جاء مصدر شمته تنفح عبيره
ياخليفه كلكم ماشخص قاصر=من حدود الجابيه لا باكبيره
وقل سلامي في عتق من طيب خاطر=مالما برقه وما تصبح مطيره
وطلعه قبلي عتق والخط دامر=وعبر السوداء وخله في مريره
وعبر العوشه وسلم للمحاجر=عجبك بهمام في وقت المغيره
وطلع الكرموم سلم عالعساكر=عسكر عوض ذي يدقون النصيره
مر سوق نصاب سلم للكوادر=ما يحن الرعد وكمامه غزيره
وقل سلامي لدول غايب وحاظر=ذي في العوكات يوفون الشبيره
وعبره على الراكبه ماشي معاذر=وقل سلامي عند ساده مستخيره
بايقولوا مر حبابك للمحاظر=قل لبن جعفر كرم ون زاد خيره
جنب حيد المضبعه والخط عاسر= واقبل المتنه قدا ساح خضيره
وادي الحجر الذي له حب ظاهر=نشهد ان له في الحشاء حب ن وغيره
قل سلامي للبكيري وال ناصر=بين ثوباني وناصر بن بطيره
تمتلي به ارضهم يامن وياسر=ذي حموها بالبنادق والذخيره
والمشايخ سلم لهم مثل ماطر=كلما تصبح مدنه بالزهيره
واقبل الوداي وعنه للمسادر =حد ناصر بو دين حصنه وبيره
قل سلامي فالسواقي والمدافر=كل ابوها من مطيره لامطيره
والمطارح تمتلي لما الموافر= عندكم ياهل الشروعات القديره
وقبل الشعب الورب زين المقاصر=شعب كسب اجدادنا ذي في البصيره
قل سلامي جاء مصدر من مصادر= عند ظوع الهاملي ذي الحظيره
وال قطنه قسمهم موجود وافر =قل سلامي بينهم وافي كثيره
للحباطه والنسابه والمصاهر=نعنبو رجال باينسى صهيره
هم وضوع القمدي ذي فالمهاذر=ذي يشلون الثقل واحمال جيره
ورجعه لاعند بو وحده وباشر=قل جباك القول واتبشر بشيره
ليتفرح لاوقع زايد وقاصر=في رياسة دولة الشعب الغفيره
عادنا بعد العصابه والعناصر=ذي تامر ضد قايدنا المشيره
واحتجاجات التعصب والتآمر =فعلوها حرب في نار الصعيره
والنهاية كله الجمهور خاسر=من مواطن عاد يالما وزيره
ايش فاد الي مسوين المجازر= من جبل عيبان لما حيد صيره
ايش تشتوا من حقيقه في المظاهر=هل يداكم على السلطة قديره
بالتفاوض والتفاهم والتشاور=وانتخابات الرياسه فالنظيره
ليس بالحرب الدميه والتناحر=والحقيقة مالها نظرة قصيره
والف صلوا عالنبي ياكل ذاكر=عالحبيب المصطفي الوجه المنيره
ماقروا في كل ايه عالمنابر=من كلام الله واحنا لستخيره
[/poem]

__________________