لعبه paint ball فــــــــي الريـــــــاض
لعبه paint ball
فــــــــي الريـــــــاض
اذا جاك واحد جاي من برا المملكه يهايط عليك باللعبة هذي ,, قله بدددددري عليك ,, لأنها الحين صارت موجودة بالثمامة
صراحة اول ماسمعت عنها توقعت انهم يعني مصرفينا باستراحة كذا وحاطين فيها برميلين زبالة وكل واحد يطلق وانتهينا
بس يوم رحت ,, طلع شغل مرررررررررررررتب ,, ميادين رهيبة ,, ومبنى رهيب ,, وحكام ,, وتدريب ,, وخدمه ,, باختصار شي رهههههههههههههههههيب
صح ان الوجيه الي هنا مب زي الوجيه الي برا ,, وهذي يقدرون يهايطون علينا فيها المغتربين
بس اهم شي الاخلاق واهم شي اللعب والفله والبسطه والوناسة وتفقيع الوجيه ,, والحين بخلي الصور تتكلم
هذا المبنى حقهم صورة نهاريه وصوره ليليه وقريبا صوره بعد المغرب :P
وهنا طبعا المدخل حقه ,,, لاتسالوني عن ابو شماغ وش جاي يسوي ,,
بس يمكن والله أعلم مار وشاف المبنى الي كله أنوار كنه ملعب ,, حب يشوف وش السالفة ,,
يعجبني حب الاستطلاع عند السعوديين ,, صح أنه على غير سنع بعض الأحيان ,, بس ميخالف
طبعا بعد ماتسجل ,, ويعطونك ابلكيشن تعبيه ,, يودونك لفلبيني ياخذ مقاساتك ويعطيك البدله الي قدك ,, كل المقاسات موجوده حتى اكس اكس اكس اكس لارج
ويعطيك الخوذه ,, ويقولك تفضل ,, طبعا اذا دخلت تلقى سيب طويل .. فيه اربع ميادين ,, كل ميدان يمكن كبر نص ملعب استاد الملك فهد <<<<< والله من زين الشرح
هذا السيب وفيه ميدان يمينك ,, وميدان يسارك ,, وبعد شوي بنشوف الميادين والفله ,,, والشعب السعودي الزاحف
وهذا السيب الي بين الميدان الثالث والرابع
طيب الحين خلونا نلقي نظرة على الميداين من قرب ,
هذا الأول وأهم شي الباص ,, مابقى الا يجيبون فاندام
طبعا اول ماتدخل ,, ويعطونك الخوذة واللبس , وتلبس وتستعد
يعطونك بعدها المسدس ,, ويجي المشرف يشرح اللعبة وكيف تفوز وكيف تنهزم وكيف تستخدم المسدس وهيك أشياء ,, <<<< اهم شي كيف تنهزم خخخ
هذا الفلبيني المسئول عن المسدسات لابس كمامة ,, لانكم تعرفون جو الرياض العليل ,, بس احسن علشان حرب وغبار تحس انه اكشن من جد
يعني اتحدا ام ام امريكا يقدرون يجيبون اكشن طبيعي زي كذا
وهذا الشاب اللطيف من المركز ,, يشرحلهم اللعبة علشان مايجيبون العيد
وواضح من الابتسامات الشريره للمتسابقين أن كل واحد ناوي للثاني نية قشرا
والحين عاد نبي نشوف التفلت
الشعب السعودي ,, شعب متفلت
أما هذا الجاي تحففففة ,, العدو من خلفكم
يسسسسسمع بالاستراتيجيات ,, لقاله متغبي ورا كومة هالشعير
بس الشرهه مب عليه الشرهه على فريقه الي ماعلموه أن فيه عدو وراه
ولا عاد هذولا ,, يعني أنا أبي افهم وش فايدة الحركة هذي ؟؟؟
قسم بالله أم بي سي تو خرجت لنا محاربين على كيف كيفك
وهذا مفقوووووووووووووووووووووووع وجهة
وهذا عاد أشهر محارب في تاريخ لعبة البينت بول ,, مطلوب للاحتراف خارجيا
ويقولون عليه طلبات كثير علشان ينضم للجيش السعودي
إنبطااااااااااااااااااااااااااااااااااح
وهذولا فريق شكلهم صراحة محترفين
وهذا فريق ثاني ,, صراحة مع احترامي لهم ,, من أشكالهم واضح انهم يسمعون بشي اسمه بينتبول
الي في الرياض يجمع عيال حارتهم ويروح يضحك
والله ترا الشعب السعودي موهوب ,,,
بس يبيلهم من يصقل مهاراتهم ,,
ممكن موهبه زي الصوره الجايه هذي تطلع معكم ,,
مكانهم ,, الثمامة
التوصيف للدشير : الدوار الي بعد مقهى الدانة يمين ,, تمشي تقريبا 800 متر يجيك على اليسار
06-14-2011, 05:01 PM
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أڑأ‡أڈأ
