[align=center]

من بنات الريح لي صفرا جفـول
كنهـا ظبـي الفـلا بجفالـهـا
منوة الخيـال عسـاف الخيـول
زينهـا فـي دقـهـا وجلالـهـا
زينها ما شفت وصفـه بالمثـول
الله اللي بالجمـال اصخـى لهـا
تستذير كحيلتـى مـن كـل زول
مـا يصخرهـا سـوى خيالهـا
اذكر الله كل مـا قامـت تجـول
و احمـد الله خصنـى بحبالـهـا
كنها تمشي على قـرع الطبـول
فتنى اللـي خافقـه يبـرى لهـا
ظافي القصه على الطرف الخجول
تنكسر شمـس العصـر بظلالهـا
وصفها وصف السحاب اللي يحول
كـل عيـن تستخيـل خيالـهـا
او كما طاري على الخاطر عجول
صاحبـه حقيقتـه مـا طالـهـا
كل رجل في حياتـه لـه ميـول
والهـوايـه تمتـلـك رجالـهـا
×××××××××××××××××××××××××××××××××××××××××××××××××× ×××××××


طير ياللي في فضا الكون منهـد
لا من وصلت فلان سلـم وقلـه
قله ترى الاشواق بالقلب تشتـد
ودونه غدت دنياي دنيـا مملـه
وقله ترى حالي من الهم منسـد
من زود ما بالقلب طعنات جلـه
وقله ترى بيتك على حطت اليـد
إمسيس بالقلـب محـد استحلـه
وقله ترى دمعي حرق وجنة الخد
واللي يهل القلب محدنٍ فطن لـه
وقله قضيت الوقت بلشان بالعـد
اونست من فرقاه مليـون علـه
وإن خاطري مكسور والحيل منهد
ومن بعد ذاك العز شفت المذلـه
وأكد له ان القلب من حب ما صد
ما هو لعب جهـال يـوم ويفلـه
ويا طير انا راجيه وان كان لي قد
قدري اشوف الخل يرجـع لخلـه
×××××××××××××××××××××××××××××××××××××××××××××××××× ×××××××


يالبازعي طيري طلع مثل راعيه
زولٍ وفعـلٍ والمـواري تشابـه
بالطلع موقف ما لقي من يماريه
عساه يسلم سيدي يـوم جابـه
له ماكرٍ في بر فـارس محاريـه
كني اشوفه يوم خاطـوا قطابـه
صفاة وجهه مع شدوده توديـه
ضمن الحرار ولا وراها طلابـه
النادر اللي يوم عزمـت اسميـه
سميته السامر واشوفـه زهابـه
ليـا قفيتـه شفـت دقٍ محنيـه
وليا نطحته من عيونـه تهابـه
كن الثريا في قواطـي مواميـه
ابيض نحر كنه يشع الضوا بـه
هجرٍ قصيرالساق جبره ثناديـه
وله عاتقٍ يعطي شموخ ومهابه
ليا مسح وجهه ونهض مواطيـه
يطري علي اللي عزيـزٍ جنابـه
به من طبوعه مشبع اللي حواليه
وماخذ من طبوعه ليان بصلابـه
[/align]

__________________

لو يشتكي المجروح وش في يدينه= من يرحمه لاهلت عيونه ادمـوع
من يسمعه لا باح خافـي كنينـه=من هو يرد القلب لاصار منـزوع

للتواصل عبر::ma2005d4@hotmail.com