يقول ابو زيد الهلالي

يقول ابو زيـد الهلالـي سلامـه

الايـام صافيهـا عكـر يـاقـوم

رحلنا من نجـد العذيـه بلادنـا

والقلب من كثر الهمـوم مسقـوم

وصلنا الى تونـس بـلاد كبيـرة

وشفنا بها الخيرات وكـل قـروم

عرف بنا الملك الزناتـي خليفـه

حبسنا واهانونا وصرنـا عـدوم

عشرين مره للمشانـق اتـو بنـا

ولـولا سعـدا عمرنـا مـعـدوم

سريعا من الرحمن جتنا شفاعـه

بنت الملـك تشفـع بنـا ولـزوم

وقع قلبها حسن مرعـي تبـادرت

وقالـت لبوهـا لا تكـون ظلـوم

ظلمت الغريب يا ابي ارفق بحالهم

اخاف ديارك انـت تكـون ردوم

فقال لهـا رادو وجـاءو بلادنـا

يريـدو اراضيهـا وكـل تخـوم

فقالت احبسهـم واطلـق عبدهـم

يروح يجيب المـال يـا مكـروم

فأمر بأطلاقـي وحبـس رفاقتـي

وجيت الـى نجـد وانـا مغمـوم

وخبرتهم ما صار فينا وماجـرى

وكيف الزناتي قد عرف المكتـوم

فنادى بن سرحان الرحيل فحملـو

وسرنا على نور القمـر ونجـوم

وجينا الى حزوه نزلنـا بارضهـا

قتلنا الدبيسي قـد غـدى معـدوم

وجينا الى الاعجام قتلنـا ملوكهـا

وملكنـا اراضيهـم وكـل تخـوم

وجينا الى بلاد العـراق بظعننـا

وجينا الخفاجي الفـارس القيـدوم

وجينا الى حلـب قتلنـا بعيرهـا

يسمى الخزاعي من سليل الـروم

وجينا الى زرقه شبيب ابن مالـك

قتلنـاه واصبـح قصـره مهـدوم

وجينا الى غزه قتلنـا السركسـي

يكنى ابن نـازب فارسـا معلـوم

وجينا الى وادي العريش بقومنـا

والبردويـل فقـد غـدى مـردوم

وحاربنا الفتى غانم ابن عجاجـه

في الاسكندريه قد غـدى مهـزوم

وجينا لمصر والصالحيه ونزلهـا

قتلنا الملك فرمنـد كبيـر القـوم

فلمـا قربنـا للصعيـد وأرضهـا

نزلنا على ريـاض لهـا وكـروم

لا قانا الفتى الماضي بن مقـرب

وقـام بواجبنـا مـع المـرسـوم

ومن قبلهـا عـده ملـوك تقتلـو

بعزمـي وعـزم ذيابـن القيـدوم

وصلنا الى تونس نزلنا بارضهـا

ملينـا اراضيهـا وكـل تـخـوم

وجانا الزناتي فوق اعوج سابـق

يسبق هبوب الريـح لمـا يقـوم

أهفى قروما من هـلال وعامـر

ثمانين اميـرا و النواقـي لـزوم

ولما عجزنا عـن قتالـه جميعنـا

بعثنا ورا الزغبي ببعـض كـروم

قتله ابو وطفا ذيـاب ابـن غانـم

وترك دمه مـن التـراب يعـوم

ملكنا بقتله الغرب وكـل تخومـه

وراحوا الزناتيين راحـو قسـوم

وحط دًياب الرمح من فوق بابهـا

وقال امرقـو تحتـه وذا مكتـوم

اتاه الفتى حسن الهلالي ابو علـي

قطع لرمحه وادعاه سبعـه تخـوم

وبعده ملكنا السبع تخوت جميعهـا

بعزمي وعزمك يا حمـاه القـوم

ومن بعده عملوا على الزغبي حيله

سبعه سنيـن فـي كـدر وهمـوم

سبـع سنيـن بالحبـوس مقيـدا

سبعه سنيـن فـي عنـا وغمـوم

تشفـع فـي ال دريـد وعـامـر

ولولاي قد كان راح بقي معـدوم

واخرجه من بعـد صـول وشـده

وقلبه على حسـن بقـي مسمـوم

قتل حسن من فوق عالي فراشـه

وخـلا دمـاه بالفـراش تـعـوم

ومن بعدها قد سار عنـا غاضبـا

واقـام عنـد الحبـش مـكـروم

دًياب اميـرا فارسـا لا ينسخـى

فيـه ولـو قتـل لكـل قــروم

فيا ايها الغادي على متن ضامـر

تسبق هبوب الريح مثـل نسـوم

اذا جيت لزغبي ذياب ابن غانـم

فأعطيه مكتوبـي مـع المرسـوم

وقول لـه قـال الاميـر سلامـه

عليـك سـلام الله يـا قـيـدوم

وسلم على كل الامـاره جميعهـم

سلام محـب مـن فـؤاد رحـوم

الا ياذياب الخيل اسرع بلا بطـا

وارحل بأهلـك يـا اميـر وقـوم

تعالو جميعا كـي نعيـش بنعمـه

ونبقـى بخيـر وجمعنـا ملمـوم

وما مضى يا امير راح وانقضـا

ونحنى على العهـد القديـم نـدوم

وما دامت الدنيـا وماكـان قبلنـا

ولا ظن شي غيـر الالـه يـدوم

مقال ابو زيـد الهلالـي سلامـه

وانـا لـك مسعفـا بـلا مكتـوم

يقول ابـو زيـد الهلالـي سلامـه

عِرض الفتى مثل القزاز الرهايـف

أصونه عـن الانـذال لايكسرونـه

ومن جانب الأجواد مانـي بخايـف

ثلاث معانـي مـا وطاهـن خيّـر

لك الحمد انا منهن ثيابـي نظايـف

منهن من يضوي على بنـت عمـه

وهو سترها الضافي نهار الكشايـف

ومنهن إعراض الفتى عـن قرينـه

الى مشعوا حدب السيوف الرهايـف

ولاني بمن يعطـي عطـاه ويمنـه

ولو جا من المُعطى امـور عنايـف

الى مضى الماضي وراح الذي مضى

أخسّ ما تطري الرجـال الحسايـف

يقول ابـو زيـد الهلالـي سلامـه

وطير النيا حكـم بقلبـي المخالـب

من البعـد والفرقـا يامـا اصابنـا

كحال شخصـن فارقـوه الحبايـب

وكتبت على صدري مسايـل كثيـره

خيـام وسلطـان وقاضـي ونايـب

لابد من قاضي يشرع الحكـم بيننـا

ويبين للمغلوب مـن لـه الغلايـب

تعذبنـي بالبعـد والبـعـد خيـبـه

وان طال عمر المرء شاف المتاعب

رحنـا جـدى عليـا ثمانيـن ليلـه

ماكنهـا عنـدي ثـمـان قـرايـب

عشرين وحنـا فـي بـلاد المعـزه

وعشرين وحنا في بـلاد الغرايـب

وعشرين وحنا نلطم العيس بالعصـا

وعشرين وحنا في ظهور الركايـب

وليله وفـا التسعيـن حنـا ضوينـا

والهجـن قدهـن قاسيـات تعايـب

وثب لهـا ولـد الهلالـي وجابهـا

على ضو القمر تجري بخيط القطايب

وبتنا وبـات الطيـب ينـذر بيننـا

ويا ما حلى الاطياب بيـن الحبايـب

يحدابنـا المقـدور ليلـة زواجهـا

والاشوار منها مغطيـات وصايـب

وخمسة ليال ونحـن بديـار عليـا

ولاتنفع الاحـذار وان حـل نايـب

واخفيت انا الليـل والليـل الاخـر

وش يمنع المكتوب اللـي بالكتايـب

تمسي عجوز السـو تعـس بيوتنـا

كما ذيبة عسـت بـزرب العزايـب

وقومي يا بيضا من ورا البيت اندبي

وقولي غدى منا مزمـوم الركايـب

عزيز اللي سقى من المـاء رفيقـه

لاغبـت الغـدرا خشـوم الشعايـب

عزيز يكفي لـي ضوتنـا مصيبـه

منهو حضر منا ومن كـان غايـب

عزيز لي ما يلحـق العـود منكبـه

لو كان هندي من طـول الشطايـب

مات وعلـى قبـره دفنـت قربتـه

وخليتهـا تسقـي الارض الجدايـب

وحطيت على قبر الهلالـي جوختـه

وتركتهـا تـذري عليهـا الهبايـب

وكسرت على قبر الهلالـي خاتمـه

فـي موقـع ويخايلـه كـل لايـب

وعقرت على قبـر الهلالـي ناقتـه

وخليتها تعتـب حوالـي النصايـب

يقول الهلالـي والهلالـي سلامـه

شوف الفجـوج الخاليـات تـروع

يقول الهلالـي والهلالـي سلامـه

يبغي الطمـع وهـو وراه طمـوع

لابد عقب الوقت من لايـح الحيـا

من بارقن يوصـي سنـاه لمـوع

لابرقـن إلا فـي حجـا مستهلـه

ولا طرقي إلا مـن وراه نجـوع

ولا ضحك إلا البكـا مردفـن لـه

ولا شبعـة إلا مقتفيـهـا جــوع

ولا يــدن إلا يــد الله فوقـهـا

ولا طايـرات إلا وهـن وقــوع

ألا يا حمامتين فوق نبنوب دوحـة

وراكـن فرقـن والحمـام ربـوع

حمامتيـن جعـل تبلـن بـنـادر

حر قطـوع وجـاري لـه جـوع

وراكن مـا تبكـن عليـا مظنتـي

لو كان ما يجـري لكـن دمـوع

أبكي عليها لين حفيـت نواظـري

ولاني بمن تدبيـر الإلـه جـزوع

حشى ما لاق غير الجازي أم محمد

عليهـا ثويـب الطيلسـان لمـوع

تنفق كما نفق الوغيـد مـع أمـه

وتحط الهوى في قلب كـل ولـوع

يقول ابو زيد الهلالـي سلامـه

دعا سو بقعا مقدم الراس شايب

اخاطر بعمري في ذرى كل هيّة

مرِّ سلامـاتِ ومـرِّ مصايـب

يقول الهلالي والهلالي سلامة


علي الطلاق ان المقل ذليـل


ينوض يبغى للمراجل وينثني


كما ينثني للحمـول هزيـل

وراك ما تختصرها قليل لغبت من مانا قراها

يقول ابو هجاسي الليله
سرا النوم من عيني سبات
مادري ورى القوم عليه
كاني مضيع في نجات
كم عاصرت الوقت لوحدي
ما قهرني غير السبات
كم وكم وكم ليله باتت
في ضماها نبات

وسرح وهو يقول
وصح السان الهلالي
ونشكرك انت يا هجاس بما اتيت به

والله انك صادق يالنفحط ياخوك طويله وتعبت انا قريت منه قليل هجاس اشكرك وصح لسان ابوزيد الهلالي

مره حلوه صح لسانك انت والقايل لاعدمناك

بيض الله وجهك

[align=center]
سلمت ياهجاس وادام ابداعك ومجهوداتك
[/align]

مشكور اخي موضوع متميز يستحق الشكر

لك ودي واحترامي

المشاركة الأصلية كتبت بواسطة مفحط ع سيكل

وراك ما تختصرها قليل لغبت من مانا قراها

يقول ابو هجاسي الليله
سرا النوم من عيني سبات
مادري ورى القوم عليه
كاني مضيع في نجات
كم عاصرت الوقت لوحدي
ما قهرني غير السبات
كم وكم وكم ليله باتت
في ضماها نبات

وسرح وهو يقول
وصح السان الهلالي
ونشكرك انت يا هجاس بما اتيت به

ههههههه
لا يارجال فحط بسيكلك شوي و خلصت سيرت بوزيد

هههه
مشكوووووووور
على المروووووور