مراحب بالنشاماء
مراحب بالنشميات
مره من المرات جاني رساله وسايط من واحد من قبايل خليفه
بالصراحه انا معرفه ولاحصل لي الشرف بمقابلته ولاكنه
يقول عنده لغز لشعار شبوه بدون تخصيص وارسل قصيده
يقول فيها ( ابن مسعد الخليفي )
يالهاجس اتنسم ونسمني معك = من كم وانا ضايق ولا ريحت بال
شاجع وسموني عماله وافده = واليوم انا مكفول من ضمن الكفال
ماكنني بارح تلول لوله = حملت قشاني على ضهر الجمال
سافرت من ارض اليمن الموحده = ارض العروبه والعروبه لا تزال
فينا وفي دم الجنوب وشرقها = وغرب اليمن موجود ولا في الشمال
سافرت من شبوه وعيني دامعه = وخليت انا فيها البنادق والرجال
فيها قبايل والقديمه بن حسن = محسن عميد القوم شيخ بني هلال
رجال يسوى له قبيله كامله = يسوى قبايل نجد والوثبه شمال
ياهل الفخامه والسعاده والسمو = الشيخ محسن كل ابوكم له عيال
محسن هلالي و الهلالي جدنا = والمشيخه له من قفا زام الدوال
يادار سموش النقيب بالغلط = لو كان سموش المعزه والكمال
يقول بن مسعد وجع راسي وجع = ماهو على بالك ولا عشرين بال
باحازي الشعار في شبوه عسى = ربي يوفقنا على سبك المقال
بحزيك من عذرى وشيب راسها = متزوجت وعيالها سته عيال
اعيالها دايم يسبون امهم = كبيرهم ينفخ عليها بالرمال
والختم صلو عل النبي بوفاطمه = مايذلح الذلاح من روس الجبال
جواب من الوقت الصميمي
يقول
احمدحسين الوقت يارب السماء = يامن عليك وبك وضعنا لتكال
يامن وهبت الرزق لوحوش الخلا = والصقر والعصفور والعيس الهمال
واسقيتنا بالغيث ذي من ناوته = ينزل نقي صافي من الناوه زلال
سالك تلاطف بي وتحمل زلتي = واغفر ذنوبي ذي على الكتف استمال
ودل نفسي يوم نفسي طامعه = وارسل لها من كفك الرزق الحلال
وارحم عبادك من تصاريف الزمن=واحقن دما مسفوك فوق الارض سال
يوم الامم دكو علينا كلهم = كلن وهويغرس في الظهر النصال
واستنزفو خيراتنا من ارضنا = بسم الديمقراطيه واصبحنا ذلال
من تحتنا جرو بساط الرجوله = واحنا على الكرسي هلال ابرك هلال
وبعد ياحيا بقول المهتجس = ذي معرفه انكان من عبر الرسال
عرف بنفسه واكثر المدحه لها = وهو مهاجر من قفا عين الشلال
يالضيف لاتخطي وخلك محترم = الضيف في حكم المضيف لامحال
من قال احسن من معازيبه غلط =العين ماتعلا على اطراف السبال
عش لك وصلح لك اقامه يالبو = واطلب من الرحمن ستره والجلال
وعيش اهلك من عرق من صابرك = خل اليمن واهله وميدان القتال
واقبض مثل قاله لنا جد العرب = ادب غريب الدار يضرب به مثال
ولا خرجت الارض ذي ماضمتك = قل ذي تبا ولقيت لك خنجر وشال
مغير ماضنيت تبطي في الوطن = يوم الوطن ماعززه صرف الريال
هذه نصيحه من زمانه تعبه = واسقاه فنجانين من مر الدلال
جربت جيراني وجربت اخوتي = ماحك ليه غير ضفري يابلال
اقرب قريب الناس لك بايخذلك = من حيث مالت كفت الميزان مال
يالبحر لحمر خل بالك متسع = شف كل مركب فيك جا عبر القنال
اما المحازي حلها في شلها = ولا عرفت اللغز يكفيك السوال
صلو على سيد الخليقه كلهم = واله وصحبه كل ما الكيال كال
سلامتكم
12-17-2010, 08:05 PM
بن مسعد الخليفي والوقت
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أڑأ‡أڈأ
