القصيده :كلمة حق [ALIGN=CENTER][TABLE1="width:95%;background-image:url('http://www.khorh.com/vb/mwaextraedit2/backgrounds/11.gif');background-color:white;"][CELL="filter:;"][ALIGN=center]

الحكم حمله حمل وأهواله أهوال
=والذود عن مصالح الشعب كايد



ياليت كل شعوبنا قد ألامال
=وياليت حكام العرب مثل زايد



الله خلق صرح البطوله للابطال
=وماللرياده عرش من غير رايد



عديت كلمة حق والحق ينقال
=لاعودت يم الفعول الفرايد



خلوا سواليف الحزاوي والاطلال
=وأخذوا من الواقع علوم وكايد



الفعل والله فعل زايد ليا قال
=ماهوب فعل متبعين الجرايد



أكرم من اللي يطعن البخل بريال
=والهب من احساس الحطب بالوقايد



وأصدق من الدمعه على خد الاطفال
=وأثبت من اسوار الحصون السدايد



فعله لحال وفعل خلق الله لحال
=قايد ويحسب عن ثمانين قايد



الكامل الله بس هو كامل أفعال
=سموه زايد لانه انسان زايد



رحمه من الله جت على شكل رجال
=عضيد لكن عن جميع العضايد



لوما القصايد تكتبه فخر واجلال
=اجل من اللي تنكتب له قصايد



يابعد عمر الشعب والجاه والمال
=ياذخر ربعك بالليال الشدايد



يارهبةٍ هزت سراجيف الانذال
=ياشوق تلعات الرقاب الرغايد



بنيت جيل وصرت نبراس لجيال
=عدلٍ على سبع الامارات سايد



رغم الكلل علمتنا نيل الأمال
=ووحدتنا رغم اختلاف العقايد



لك صرح حافل بالمحبه ولازال
=وان بادت صروح الغلا منت بايد



لو بالأبوه ... كلبونا لك عيال
=ولو بالمروه ... كلنا لك سنايد



ياشيخ درعك درع ورجالك رجال
=شعبٍ زرع لرضى زعيمه شهايد



تعلموا من نخوته ضرب الامثال
=وصارت لهم تصرفاته عوايد



ان قلت زايد .. زايد سلوم وخصال
=وان قلت قايد .. عن ثمانين قايد



ماقول طيبه لي حظر يعمل اعمال
=ومحبته تجمع قلوب وبدايد



اقول لو الطيب مخلوق رجال
=يحب الارض اللي تحت رجل زايد

[/ALIGN][/CELL][/TABLE1][/ALIGN]

__________________

ابن الجنوب


abduallh1983@hotmail.com

القصيده :الفيصلي


في ظلال الله ساعة لا ظلال الا ظلاله =
يالامير الفيصلي الوافي العف الامين



ياعناوين المروءه والشهامه والشكاله =
يالرحيب اللي قريتك في وجيه الطيبين



خص مني بالكويت لفيصل الخالد لحاله =
دون خلق الله وغيره من جميع المسلمين



يوم غيرك عن عطى يمناه ما تقوى شماله =
انت طبعك بالعطايا كل كفينك يمين



قدرك اعلى من سفوح المزن واكرم من هماله =
طيب والطيب يبقى لك على مر السنين



انت عنوان الرجوله وانت نبراس العداله=
وانت للمحتاج يمنى وانت للعيا جبين




دامك الله يا ذراع المبتلي يا راس ماله =
وعزك الله للصعاب وثبتك دنيا ودين





والله اللي عزنا بالدين من بعد الجهاله =
حيث كنا خير امه اخرجت للعالمين



ويا صلاة الله على اللي بلغ وأدى الرساله =
سيد الامه امام الأنبياء والمرسلين



وبعد ذكره في صلاتي لي ذكروا صحبه وآله =
قلت : صلى الله على آله وصحبه اجمعين

__________________

ابن الجنوب


abduallh1983@hotmail.com

[ALIGN=CENTER][TABLE1="width:95%;background-image:url('http://www.khorh.com/vb/mwaextraedit2/backgrounds/13.gif');"][CELL="filter:;"][ALIGN=center]اشرق نهار ابوظبي واكتأبت بلاد الضباب
وابتلت ارياق الدعا شكر ونحيب ومعمعه



صحيح ما رد القضاء الا الدعاء المستجاب
ولا تهز المسلمين الا الظروف المفزعه



الله خلق للضيق باب وللفرج مليون باب
ينزل بلاءه لو يشاء ولو يشاء بيرفعه



ما يكتب لمؤمن ضرر الا وله اجر وثواب
ياشيخ ربك ما يضر المؤمن الا ينفعه



البارحه كشّر علي من الوله مليون ناب
واختر للدرب الشراع اللي هبوبك تدفعه



ولا دريت اني سريتك لين شدّدت الركاب
من الكويت ولا حللت الا على رحب وسعه



من لا حزم امتعه ولا اتنقالي ثياب
فزيت لا ماخذ ثياب ولا ذكرت الامتعه



دام الطريق لهامتك لوهو ذهاب بلا اياب
لأجل افرح بسلامتك ماقطع طريقك وارجعه



ياشيخ لو ان البكى يشفي من العلّه مصاب
ما ظل واحد بالجزيره ما تفجر مدمعه



من لا جزع من غيبتك ما عاد يجزع من غباب
ومن لا تزعزع من مصابك ماحدٍ بزعزعه



ان طحت طحنا كلنا وان طبت كل الشعب طاب
نفس المصير اللي جرعته كلبونا نجرعه



اللي يقاسمنا الضما بنقاسمه طرد السراب
واللي يحس بجوعنا لامن شبعنا ِنشبعه



الله خلقنا للظروف المفزعه خوّة ذياب
ولا تبان الخوّة إلا بالظروف المفزعه



لو يحصل (لزايد) مصاب نشاركه نفس المصاب
ما نتركه يدفع ثمن إلا نتسابق ندفعه



نغضب مدام انه غضب . ننهاب مادامه مهاب
نضر من ضره ونخدع من يحاول يخدعه



لأنه قريب لفرحنا نبقى لأحاسيسه قراب
امّا سكن بضلوعنا وإلا سكنّا بأضلعه



نحضر معاه اليا حضر ونغيب له مادام غاب
وإن قام قمنا كلنا وإن فز فزينا معه



إن ما اكتأبنا من غيابك.من يعرف الاكتآب
واذا الخليجي ما سمع صوتك اجل من يسمعه؟



ما شاب حبّك للعمل وانت بسواعدنا شباب
ياشيخ ماتفقد امل طاع الزمن وإلا طعه



خذنا رقابٍ من ذهب وإضرب ولا تحسب حساب
نفداك رد اللي ترده واقطع اللي تقطعه



وشلون يركبنا الخطى وبطاعتك عين الصواب ؟
كيف يتعداك العطى وانت إنخلقت بمنبعه



مخاطبك يا سيّدي ماهو بحيالله خطاب
ومثلي مهو بكل القصيد اللي بمدحك يقنعه



ماجيك وجه لوجه مابيني ولا بينك حجاب
إلا اجمع الك اللي يعجز الجن الازرق يجمعه



ماحب أوصّفك بشطر من غير ما اشقّق كتاب
ياشيخ انا ما ابدعت شي.اوصافك انت المبدعه



شوف الرجال وشوف نفسك.ويش جاب لويش جاب؟
هو فيه احد بالكون كله يصنع اللي تصنعه؟



شف وانت واحد بالبلد واسمك يعيش بكل شاب
وشلون اجل لوفيه مثلك بالامارات اربعه؟



لو ما انخلقت انسان.لايمكن تكون إلا سحاب
لأنك رفيع ولي عطيت الخير ما تسترجعه



يا ذخر لصعاب الحلول وفخر بحلول الصعاب
يامرجع شموخ المراجل يالشموخ بمرجعه



يادرع حكام العرب يا شوق تلعات الرقاب
يانافع الناس بزمانٍ قلّت إبه المنفعه



سلامتك كثر البكا اللي ينزف بدعوة مجاب
وسلامتك كثر الدعا اللي رحمة الله ترفعه



وسلامتك كثر الغلا وكثر الملا وكثر العتاب
وكثر الزهر وكثرالمطر وكثر الشجر وكثر أفرعه



وكثر اللي ما بعده عدد.ولا يوصّل له حساب
وكثر اللي ما اعرفه ولا اسمع فيه.ولا راح اسمعه



سلامتك منّيه الى آخر شبر فوق التراب
سلامتك منّك الى غرب الوجود لمطلعه



من يوم نوّرت الوطن وأكتأبت بلاد الضباب
ماجفّت حلوق الدعا شكر ونحيب ومعمعه



صحيح ما رد القضاء إلا الدعاء المستجاب
ولا تهز المسلمين إلا الضروف المفزعه



بقلم : حامد زيد[/ALIGN][/CELL][/TABLE1][/ALIGN]

__________________

ابن الجنوب


abduallh1983@hotmail.com

مشكور أخوي ابن الجنوب
قصائد قمة للشاعر المعروف حامد زيد
شـكــ وبارك الله فيك ـــرا لك ... لك مني أجمل تحية .

مشكور أخوي ابن الجنوب قصائد رائعة جدا للشاعر الرائع حامد زيد
يعطيك العافية تقبل مروري ودمت في أحسن حال

__________________
[flash=http://www.almlf.com/swf/9-2010/almlf_com_grh7v3y4.swf]WIDTH=350 HEIGHT=500[/flash]

صح لسان شاعرنا الكبير حامد زيد
مشكور يابن الجنوب على القصايد يعطيك العافية
بس القصيدة الثانية اول مرة اسمعها اكيد جديدة صح؟

__________________

صح اللسانك ولسان الشاعر حامد زيد ويعطيك العافيه على هذه الطرح الرائع

بنتظار الجديد من قلمك المميز

تحياتي لك

__________________
[flash1=http://dc09.arabsh.com/i/01710/6kqc4vrlelow.swf]WIDTH=400 HEIGHT=350[/flash1]

مشكور اخوي ابن الجنوب

على هذا القصايد الجميع لحامد زيد يعطيك الف عافيه

__________________

ماقصرت اخوي قصائدجميله ابداع منك ابن الجنوب تقبل مرورولدجاران

__________________
[flash=http://mismail.bizhat.com/flash_sign.swf]WIDTH=500 HEIGHT=200[/flash]

اشكر كل من قام برد
وتحياتي للجميع

__________________

ابن الجنوب


abduallh1983@hotmail.com