السفينة

]
ضاقت وساع الفيافي والوعدمتن السفينه
للطريق اللي دعاني بعدامان الله ومانه
لاتناديني وصوني قلبك الله لا يهينه
لايراهن في رجوعي لجل مايخسررهانه
ليه مرحل عن غرامك بعدماذقت الغبينه
اذكري لي شي واحديستحق اقعد عشانه
قلب ماحن لوصالي ماني بحاجه حنينه
وشهدانه ما يعزربالرفيع الاهوانه
الهوى الغدار حدالله مابيني وبينه
والرجل لا خير فيه ان ماحفض قدره وصانه
وحدمثلي اليا من حدته عوجا سنينه
ماشكى لقرب بن آدم لوهو اغلى من اخوانه
يوم قلبي ما عصاك ماقدرتي تذبحينه
ليه خنتي فيه ونتي معه من نفس الديانه
انكان ذبحي بيدك أرحم لي من اللي تفعلينه
ون طلبتك تذبحيني ماذبحتيني لعانه
كل جرحا من جروحي تذكرينه تنكرينه
كن مالك في نزيفه يد خانت بالامانه
لين لطختي جبينه ولا انا ماكنت ابيها تاصل للاهانه
قلت من باب الميانه صاحبك وتعذبينه
نعل ابوك أرخي معاي اشوي ماصارت ميانه
طعت عقلك يوم قيل ان العقل بالبنت زينه
لاكن الشرهه علي اللي كنت احسبك دكانه
من بعدها كنتي انتي في حشاي اغلى سجينه
بوعدك بطلق سراحك واتهمني بالادانه
وين رايح لي دربا ما يرجع للمدينه
ليه رايح لأن قلبك ماترك قلبي وشانه
كيف ابنسى ربي اللي ملهم القلب السكينه
مثل ما عانه بقربك لا نوى فرقاك عانه
كان قاسي يجرح اطراف السكاكين السنينه
ما يطيح وبنت مثلك حبها هزت كيانه
ولا انا خابر خفوقي مايمد الا الثمينه
ون بغا يغيض الثريا قعدالقمر وزانه
مزعلن لجلك هنوفا رجت عقولا رزينه
ون تهادت فى الطريق الجرهدي تزهرجنانه
قابلا كن الجمال اقبالها كتف ايدينه
والقمرلو شاورت له ينزح وتقعد مكانه
كانت اول من تحكم فى فروع الياسمينه
ون تعدتهن تثنا خيزرانه خيزرانه
بعتها لجللك وصارت لصغراطرافك رهينه
ولا هي لفتت هدبها تغمر ثقل ورزانه
والخفوق اللي تغذا من معزه والدينه
مشكلتها انه تعلق في زمن ماهوبزمانه
كل مازاد جرحه واكتشف غلطه ظنينه
صدقيه ان قال مابه شخص يستاهل حنانه
يوم نادى يافلانه مارضيتي تسمعينه
لين صوت يا فلانه يا فلانه يا فلانه
كنت اشوفك زعفرانه تقرض الورد وتدينه
يمكن اني ما قطفتك بس شوفك زعفرانه
كنت هاب البعد عنك وطلبتك لا تذكرينه
كان خوف من الفراق وخطوه الفرقاجبانه
مقتنعت ان الخيانه للرجل تلوي يمينه
لين ماربي بعثك وذقت من طعم الخيانه
اسمحي لي مابقى فيني مكانا تطعنينه
وقبلي من جوف قلبي كل عطفه ومتنانه
والله الله في عذابك بتركك عينك بعينه
دلليه ولا يراه عن شقاك الا لسانه
ولا انا قررت اسافر ومتطي ظهر السفينه
لان مابه شي واحد يستحق اقعد عشانه.
كلمات الشاعر حامد زيد
وتقبلوا تحياتي برنس الغروف.

مشكور اخي برنس الغروف على نقل هاذة الكلمات الرائعة
اشكرك ونتظرجديدك

صح الله السان حامد زيد
ويعطيك العافيه اخي برنس الغروف
كل الشكر والتقدير