[poem=font="almusam_free,6,darkblue,normal,normal" bkcolor="transparent" bkimage="http://www.khorh.com/vb/mwaextraedit2/backgrounds/66.gif" border="groove,4," type=0 line=0 align=center use=ex num="0,black""]
يامنتدى خورة جميل المنتدى=من حقي اني مدحك يامنتدى بلادي
كلما تصفحتك تحديت العدى=أثبت تاريخ الحدث هجري وميلادي
برسل تحيه عطرها قطر الندى=وبارش فوق مؤسسييك الفل والكادي
[/poem]

[poem=font=",6,darkred,normal,normal" bkcolor="transparent" bkimage="" border="groove,4," type=0 line=0 align=center use=ex num="0,black""]
انته بشر لك مشاعر انت شاعر=لو قلت فسر كلامك كيف مدري
اهم شي عندك احساس ومشاعر=مش لازم انك تدور بيت شعري
[/poem]

[poem=font=",6,darkred,normal,normal" bkcolor="transparent" bkimage="" border="groove,4," type=0 line=0 align=center use=ex num="0,black""]
لاهنت ياكسب عبدالله وصالح=ولاهان ذي خذناه بقروش وسلاح
ولاهنت من زهوان لـمـا مفالح=والكسب ذي يكرع مع البرق لا لاح
وش مدح بن فيصل ومدح المقالح= والله مايكفي بخورة تمداح
البحر لاجاها وهو بحر مالح=يصبح كرع صافي على سيفه اقداح
[/poem]

[align=center]

طلع من الشنطه.. عنوانه وحطه..وموعد الخطه
ماحدده ليه

تلفنت عل عنوان.. تباء الصدق انا فزعان..حما اسكت الرنان
ون صوتها بنيه

وقلت ياهلا..قالت هلا وسهلا..شو اصتك هلا
وعرفت سوريه

قلت انا المخلوق.. ذي غازلك في السوق..قالت انا من فوق
نجمه سماويه

لازم اباء طيار.. مايكشفه رادار..يطلع ربط دولار
مانا ملوخيه

يا ابن اليمن ذلحين.. قم هات لك الفين..ون ما سوا الميتين
دور خليجيه

ماقلت انا اسف.. قلت تف وتف..صكيت بالهاتف
مقلب وقع فيه

وصحيت من نومي.. ونا خص في حلمي..وبسمل وسمي
قصه خرافيه

[/align]

[align=center]
سبحان من خلا..نجوم اليل تتعلا..وتقـرب لا قـدا المـولا
ردونـي قـدا زهـوان
يا ضاو القمر يا سهيل..مدري كيف نومي قيل..كلما قمت ونه ليل
ردوني قدا زهوان
في زهوان انا شبيت..وتعلمت وتربيت..وللغربه غلطت وجيت
ردوني قـدا زهـوان
با سلم بوزن الطن..كلما هز من باطن..لكم يا ذي في الموطن
ردوني قـدا زهـوان
انا با حن فالغربه..لريح السيل والتربه..وشوف الحصن والجربه
ردوني قدا زهـوان
والله لوما ظروف..جارت مثل سيل الروف..مازليت شق الجوف
ردوني قدا زهوان
يا ايدي ويا ساقي..لو نا فاليمن شاقي..بعد اليوم وش باقي
ردونـي قـدا زهـوان
يا الهاجس عليك الله..لاناديت قل لي هاه..شفني مر في مأسأه
ردوني قـدا زهـوان
من نسال ومن ننشد..حد مرشد هنا يرشد..هو نا حل اونا شد
ردوني قـدا زهـوان
الدنيا كذا دريا..وافضل موت ما بحيا..ما بـا غربـة الدنيـا
ردونـي قـد زهـوان

[/align]

[poem=font=",6,teal,normal,normal" bkcolor="transparent" bkimage="http://www.khorh.com/vb/mwaextraedit2/backgrounds/2.gif" border="groove,4," type=0 line=0 align=center use=ex num="0,black""]
لاتحسب اني يوم فكر مذكرك= ارحم خلايا المخ يرحم والديك
من كثر مافكر تلعثم ورتبك=فزعان لاحد يدري اني موت فيك
القلب ارض وشعب وانته له ملك=حتى وانا خارج حدودك يالميلك
واليوم كلن في حياته منهمك= سبحان واحد مامعه واحد شريك
جوب علي في قدر مانا بسألك=انا اسالك بالله ماضاقت عليك
ولا ضروف الوقت يمكن تخدمك=اما انا لازال وقتي يرتجيك
لاتحسب اني يوم فكر مذكرك=ورحم خلايا المخ يرحم والديك
[/poem]

[poem=font=",6,teal,normal,normal" bkcolor="darkblue" bkimage="http://www.khorh.com/vb/mwaextraedit2/backgrounds/10.gif" border="double,4," type=0 line=0 align=center use=ex num="0,black""]
حتى هجيس الكذب ذا المره صدق=جاني يكلمني مثل لاهو صديق
حكالي انه حس في ضيق الحلق=ون الفرج ماهوب في نفس الطريق
قريت في خورة وقع خذ لاعتق=واصبح غبش لاشفت لي طربه وليق
وقريت لاغابت وقد هف الشفق=اعرف متى الموسم يجي غصنه وريق
واليوم حتى وصف ذا الدنيا فرق=لا عاد لاشامخ ولا وادي غريق
ياهاجسي من قبل لدخل فالحنق=زهرة شبابي لاتعدمها الرحيق
بيجيك كبري لاتعديت النفق=وخرج مع الخدمه ويوتر عالعقيق
[/poem]

[poem=font=",6,darkred,normal,normal" bkcolor="transparent" bkimage="" border="outset,4," type=2 line=0 align=center use=ex num="0,black""]
يالله ياخالق الجن والانس=وخالق خلايق.. مالها عد وقياس
ويامن ببطن الحوت نجيت يونس=عوذبك من كل ..خناس وسواس
وياريتني شاعر هجس بذي حس= والشعر ماهو ..لحد ناس من ناس
البارح امسيت.. في وضع مييس=وعوذ بالله من كلمة الياس
حسيت حتى ..بضيق التنفس=والنوم ماباه ..ولا بيه انعاس
والحب حبيت.. واصبحت معرس=لو قلت ذا حب حبي.. بلا ساس
والدين ماهوب ذي جاء ..ولعوس=اسنين قدلي على دين.. وفلاس
لكن باقي معي غرس ..مغرس=أغرس بجسمي مثل رمح جساس
فرقاك ياكل شامخ منومس=ياكل ثرفه عفر.. ترفع الراس
ياكل مدفر قفا السيل يربس=عيشتنا قبل مالصرف ينداس
وجدادنا العام ..توكل وتلبس=من ارضها ..ماتحب التغطراس
الٍلبن من طينها يوم ..سوس=سوس حجر حيد ..صهبي وطلاس
حصون ماهيب صاله ومجلس=القى النوب .. كنها ناس حراس
شوقي لهن كل مالفجر نسنس=لكٌن ماملك.. سوى شوق هجاس
في غربة ابليس كلن مكوبس=والفقر في جيب.. مانع ودواس
ماشي معيه هواجس.. تنكس=بختم بياتي تجاه.. التنكاس
على المصطفى كل مالليل عسعس=واعداد وزن الذهب ..هو وللماس
[/poem]

[align=center]
اخواني الكرام :
من احب الاطلاع على قصائد الشاعر فقد وضعنا في منتدى الشعر الشعبي موضوع مثبت لقصائد الشعار الى ان يتم نقلها هنا وتنسيقها
موفقين بإذن الله ... لكم مني أجمل تحية .
[/align]