ياكثر ماحبك وياكثر ماغليك


وياكثر مالك في ضميري معزه


أموت واحيا كل ماحل طاريك


ويفز لك القلب مليووون فزه


أنسى حياتي بس مانيب ناسيك


وأتذكرك مابين حزه وحزه


قلبي يحبك حب بالحيل يغليك


وماحدٍ قدر للقلب غيرك يفزه


انته مناته ياهوى البال يرجيك


تظهر هواك وبينه لا توزه


من بد كل الناس القلب شاريك


وانت الذي عروش قلبي تهزه


هذي خفايا القلب ان كان ترضيك
ومرسال حبي جاك والقلب دزه


بالحيل انا احبك وبالحيل انا اغليك


ومع الغلا والحب جتك المعزه