(( قصة طريـفة وواقعيـة ))
في إحدى المستشفيات في بلدنا الحبيبة ... جلس ذلك الرجل على السرير الابيض ...
وكان كل جسمه شاش ورجلينه ويدينه كلها جبس
وما تسمع إلا تآآآآوهاااااااته
مغير يون من الاوجاع اللي فيه .. تقول بقره بتولد
عاد آنا قلت يمكن إنه داعم بوايت مياه غير صالحة للشرب
أو أنه محترق وطفوه بلوح أو أو أو ... الخ
المهم جت الساعه 4 العصر
وبدا وقت الزيارة
آنا استغربت من شي غريب <<< جملة خطيرة متعوب عليها
كل من جاء يزور هالشخص يطلع من عنده فاطس من الضحك
آنا جاني الفضول وقلت وش السالفه << عادي .. ملقوف
وعلى هالحال كل من جاء وسلم عليه ما تسمع إلا ضحكهم من ورا الستاير
آنا قلت لازم أعرف وش السالفه !!!
انتهى وقت الزيارة
وانقز له على طول
واتشافا له وأقوله الحمد لله على السلامة
عسى ما شر ومن هالكلام
<<< وآنا كل همي أعرف ليش يضحكون
المهم قلت له: آنا أشوف اللي يجونك ما يروحون من عندك إلا و ضحكهم واصل آخر المستشفى ...
قال لي : هه ليـش عاد أنت حاسدنا على الضحكة ...
قلت له : لا يـا أخوي مهوب كذا السالفه والله لو عندك 100مليون كان يمكن أحسدك! أضحكوا عادي خذوا راحتكم.. بس بغيت آعرف السر يعني ... إذا ما عندك مانع ...
قال لي : طيـب ولا يهمك .. أنت مثل ما تشوفني مكسّر ومربّط بالشاش
قلت له : أي والله ... الله يشفيك...
قال لي : يا طويل العمر آنا ساكن في شقه في الدور الثاني ... وعندي بلكونه مامن زيـنها ... وإذا نمت فتحت باب البلكونه .. وطفيـت النور ... وتسدحت وتبطحت على السرير .. لين يجيني النوم .. ويوم نمت على السرير .. وغصت في أعماق أعماق نومي ... حلمت أني في يوم القيامه ... وحلمت مثل ما تقول أن الناس في مكان مثل موقف الباصات وفيه باصات رايحه للجنه وباصات رايحه للنار !!! .... المهم الجماعه ينادون بالأسامي .
فلان بن فلانه باص النار ...
فلان بن فلانه باص الجنه .. وهكذا
وإذا بي أسمع : فلان بن فلانه ...هه هذا أسمي .. وقلبي يـدق و يـدق .. وأشوفه في خشمي وهو يتورم ويفش .. ساعه يورم وساعه يفش... رووح باص الجنه ....
اووووووووووووه الحمد لله .. ارتحت
ومشيـت أدور على الباص اللي مكتوب عليه إلى الجنه ... وحصلته ودخلت فيه ... مشيـنا بالباص وبعد فترة جاتنا لوحه مكتوب عليها (الجنه 50 كيلو) .. (النار 100 كيلو)
وهذا وحنا مع اللوحات . والله شوي ونتعدى الجنه ... قلت يمكن السواق يـعرف مكان لباب ثاني ...
ولا أحنا متعدين الابواب الثمانيه .. قلت : ما بدهاش بأه
شوي وشفت (النار 15 كيلو )... (النار 10 كيلو )...
وبعد شوي ( النار 5 كيلو) ...
وكل شوي نقرب من النار ...
يا رجال وش السالفه .. المشكله الناس ساكتيـن ولا همهم شي .. كأنهم رايحين كشته .. ولا حد جاله قلق في الباص إلا آنا .....قلت بدخل عالسواق.. وشفته معطيني ظهره .. إيـه إيـه أنت وين رايح يا بو الشباب ؟؟؟!!!
قال لي بدون ما يلتفت : رايح النار يا حبيبي ... مع خشمك تسوي نفسك ما تدري ..
قلت له : أيـش آنا من أهل الجنه .. وليـش توديني النار يا وجه العنز !!!..
والتفت لي ... طلع هو أبليس !!! .. الله يلعنك ... آنا من أهل الجنه .. يا ملعون لا توديني النار .. آنا من أهل الجنه .... والله العظيم أني من أهل الجنه .. تو من شوي قايلين أسمي ... وقف يا ملعون .. وقف!! ... وهو يقول أجلس يا بو خشم صجيتنا .. وهذا آنا وياه أصارخ...
وهو بانواع الضحكات الشريره : هاهاهاهاها ... هوهوهوهوهوهو ..هيهيهيهيهيهيهي ..
قلت له يا ملعون وقف !!! أبي أنزل !!! ...
قال : والله الباص هذا مبرمج على أنه ما يوقف إلا في وسط جهنم ... تبي تنزل أنقز منه .... وركضت على الباب وفتحته بكل قوتي ...
وهووووووووووب .. طرباااااااااخ
من البلكونه للشارع .. وخشتي لاصقه بالرصيف
08-30-2009, 11:47 PM
كل من يطلع من عنده يضحك
أٹأڑأ،أأ£أ‡أٹ أ‡أ،أ£أ”أ‡أ‘أںأ‰
أ‡أ،أ£أ¦أ‡أ–أأڑ أ‡أ،أ£أٹأ”أ‡أˆأ¥أ¥
أ‡أ،أڑأ‘أ– أ‡أ،أ”أŒأ‘أ