اغلب هذه الزوامل قيلت ترحيب بالمحاجر
وعلى راسهم السلطان عوض بن محمد بن الوزير

الشاعر محسن بن احمد بن صالح بن فريد
حيا بكم يا ذي ولبتو عندنا = من خوتكم حيا جيوش المحجري
يزيد راسي بالعوالق كلها = ما وحده ما شي قهد يا الصيعري

المقرحي
حيا صباح اليوم جمع العولقه = با قول حيا والرحب لا دايري
ذا قيل ذي يبدع برميان السلب = با دحق بها لما تجلي خاطري

محمد خميس
اللهم صلي علنبي بو فاطمه =عد الجيوش المكبره من خاطري
ما الصيعري لا تحسب انه في قهد = ما اليوم ما بين البيع والمشتري

المقرحي
اليوم ياهل الشف جينا علنشف = لما نلم الحاليه والقيري
ون شي جري عاد المراحل مبعده =لا بد من لدحق بلاد الصيعري

محسن بن حمد
ان شي قهد في العين ولا شي رمد = هو منكم دايم وخذها يا بري
عد شي خبر يندار من بيناتنا = لما متى عضماننا تتكسري

المقرحي
يا محمد الحداد شع ذه عولقه = كلن وهو يصبح بجده يهتري
ان جات زينه مالباها الا كذا = ون جات شينه ما وجعني خاطري

محمد خميس
اتخابرو ما يوم ربي لمكم = با تصلحون الساس لا فيه العطال
لا تمكنت لاسواس با يطلع بنا = لما لضلي يا بلي باله وبال

القطمي باسويد
مني صباح اليوم شوف العولقه = ذي لا شتوارت تقضم ادقام الجبال
حتى ولا حد قال ولا قال شي = احنا زجى وحنا مقاطيب الحبال

شعار متفرقين
1
با قول يا حيى بجيش العولقه = ما يزجم الراعد وبيت يحتري
زمخ ومنوخ لازم انا لدخله = با لنتطح لما يبان الباكري

2
با قول حيا الله وجيه العولقه = لفاتكم هي ذي تسلي خاطري
واليوم يا الله شلها من شلها = البرق يلمي والمثوره تحتري

3
حيا بكم يا ذي ولبتو عندنا = با قول يا حيى بكم من خاطري
هذه كبيره ما شي كبر منها = وش با يقول اليوم جيش المحجري

4
اليوم يا حيى العوالق كلها = ذي حجرت مثل المطر لا ثارها
عيوه تنبا والعوالق علنبى = ما عذر من ريده لدق ديارها
5
مني سلامي يا وجيه العولقه = لعلى ولسفل عد ما المنشي يثور
ان با يجينا الصيعري لا عندنا = ولا خذيناها بزينات القيور

6
حيا بكم يا ذي ولبتو عندنا = با قول حيى عد ما رش المطر
هذه كبيره ما شي كبر منها = ما با توازنها دغاميس الحجر

وفي الختام اتمنى ان اكون وفقت في النقل بالصوره المطلوبه


مع تحيات
نمر الحاله
منقول