امثال سوريه شاميه

اتمنى تعجبكم وتفهموها

واي كلمه تستعصي عليكم
اسالو هتون صمت الليالي هههههههههههههههه



أصابيعك بأيدك مو كلا سوا
أدن من طين وادن من عجين
ايدين دكك ورجلين سكك
أكبر منك بيوم أعرف منك بسنة
العاب بالمقصوص حتى يجيك الطيار
الحجر مطرحو قنطار
النار ما بتحرق ايد إلا كاويها
الحجر اللي ما بيعجبك بفجك
المونة بدا ركونة ما بدا مرا مجنونة
الرجل ما بتدب غير مطرح ما بتحب
الحب مطب والعاشق أعمى
أكل ومرعى وقلة صنعة
الجواب بمحلو متل الدهب بمغلو
السكافي حافي والحايك عريان
اللي فيه مسلة بتنغزو
ألف قلبة ولا غلبة
ألف عين تبكي وعين أمي ما تبكي
الرجال عند غراضها نسوان
العين ما بتعلا عالحاجب
الدم ما بيصير مي
الديك الفصيح من البيضة بيصيح
الحكي صابون القلوب
العين بصيرة والايد قصيرة
العز للرز والبرغل شنق حالو
العروس بعلقها وقلة أكلها
الطبل بحرستا والزمر بمنين
البحر ما بتعكرو ساقية


آب اللهاب
ايلول دنبو مبلول
الرحمة مخصصة والبلا بيعم
ألف قولة جبان ولا قولة الله يرحمه
الموت مع الناس رحمة
الحية إذا جاعت بتعض بطنها
الكلام بينداق متل الطعام
اذا احتجت الكلب قوللو يا حاج كلب
الله بيطعم الحلاوة للي مالو سنان
القرد بعين أمو غزال
الضرف العايب نافخو تعبان
الكلام اللي ما بينفد ياحسرة قايلو
الحكي الك يا كنة اسمعي يا جارة
الآخرة يا فاخرة
الرايح بايدو والجاية بايد الناس
الغايب حجتو معو
ايمتا كنا والشمس ترقعنا
اجا ليكحلها عماها
الرمد أشوى من العمى
العيرة ما بتدفي وان دفت ما بتوفي
ايد واحدة ما بتصفق
إن داقت عليك المخازن مخزنك عبك
البخشيش بالدرهم والعطا بالقنطار
إن كان حبيبك عسل لا تلحسو كله
الله يطعمك حجة والناس راجعة
الولد اللي ما بيبكي امو ما بترضعو
أع** دهر ولا أرمل شهر
اذا الصغير انتشا الكبير باس ايدو
الطرق ولو دارت والبنت ولو بارت
الدهر يوم الك ويوم عليك
الخبز والماء أكل العلماء
الحارة ضيقة والحمار رفاس
الله ما نشاف لكن بالعقل نعرف
الخوف بيقطع الجوف
الرطل بدو رطل ووقية
الصاحب ساحب
الجنازة حامية والميت كلب
الأعور بين العميان ملك
الخير بخير والشر بغير
الجمل اذا بار بيحمل قنطار
العين مغرفة الكلام
إن عاب عليك أصلو دلايلو فعلو
الجمل لولا الفزة لحمل المزة
القط ما بيهرب من العرس
الجار قبل الدار
الولد ولد ولو صار قاضي بلد
الجحشة بعليقها والأصيلة بعليقها

__________________
حنايا الروح

ليلـــــــــى
لولو الحالمة

سَئمت المْثآليھ وقررَتَ ٱﻟانْحـّرْاڤ

أصابيعك بأيدك مو كلا سوا
( هالمثل يقال انه مو كل الناس سواء )

أدن من طين وادن من عجين
( يقال للواحد يلي مو عباله يسمع شي اذنه مقفله )

(ايدين دكك ورجلين سكك )
امم انا ماعرفته

أكبر منك بيوم أعرف منك بسنة
( هالمثل لكل واحد فيسلسوف كبير لو بساعه بقوله للتاني )

العاب بالمقصوص حتى يجيك الطيار
( يقال لاي شي بالعمل او اي غرض تان خليه بايدك لبين مايصير يلي ببالك
مثل عصفور بالايد خير ن عشره على الشجره )

الحجر مطرحو قنطار
( يقال المثل انه اي شي بمكانه بيثمر لو الحجر بصير دهب بمحله )

النار ما بتحرق ايد إلا كاويها
( هالمثل يقال لواحد بهمه انه ماغيره رح يحس بالوجع شو ماكان الامر )

الحجر اللي ما بيعجبك بفجك
( مثل عامي والاغلب بيعرف معناه)

المونة بدا ركونة ما بدا مرا مجنونة
( المونه يقصد فيها مابين فصل الصيف الى الشتاء اهالي يحتفظون ببييوتهم
الاكل ويحزن لفصل الشتاء فيسمونها مونه تحتفظي بالشي لموسمه )

الرجل ما بتدب غير مطرح ما بتحب
(برضه هاتلمثل مابعرفه )

الحب مطب والعاشق أعمى
(مثل مثل الحب اعمى )

أكل ومرعى وقلة صنعة
( هالمثل لستات البيوت يلي بالبيت مثلا يقال لهم واحيانا للرجال حسب وضع عاطلين عن العمل )

الجواب بمحلو متل الدهب بمغلو
( يقال انه واحد بس يقول جواب صح بيجي بوقته ومكانه صحيح متل الذهب)

السكافي حافي والحايك عريان
( السكافي وهو من يصلح الجزم بانه هو صاحب مهنه ورجله بلا نعل
والحايك وهو من يخيط الثياب وماعنده لبس فيقال
لمن لا يملك شيء وهو صاحب صنعه معروفه ؟؟)

__________________

اللي فيه مسلة بتنغزو
( لمسلة هي ابرة كبيرة بيخيطو فيها الحرامات واللحافات وكياس الخيش تبع الشحن)

ألف قلبة ولا غلبة
( هي تنقال لاي شي ماتوفق الشخص فيه
مثلا رايح يعمل شي وغير عقله بعد ماكان مصمصم عليه
فيقولو الف قلبه ولا غلبه ... )

ألف عين تبكي وعين أمي ما تبكي
( هالمثل يقال انه لو انا شي قهرني الف عين تدمع غيري ولا عين امي تبكي علي )


الرجال عند غراضها نسوان
( يقال هالمثل للرجل يلي بس وقت حاجته بصير حنون وحباب عين الله عليه وهنن رجالنا لليوم نسوان بس يصلو لغايتهم ويلي منهم فراعن )

العين ما بتعلا عالحاجب
( يقال لكل شخص له فضل علينا وان كان بشعره )


الدم ما بيصير مي
( يقال اذا فيه خلاف بين الاهل وبدهم يتصالحو )

الديك الفصيح من البيضة بيصيح
(هاد مثل مو سوري ولا مره سمعته عنا على نفس معناه
ومثلناا هووو لسع مافئس من البيضه وبده يحكي .....
يعني انه لسعتو صغير وبيعمل حالو كبير ....وهو على لقممه الاكل بيبيكي )

الحكي صابون القلوب
( يقال انه الصابون تغسل القوب وهو مثل انه انسى ..)

العين بصيرة والايد قصيرة
( مثل عامي يقال انه لو بدنا نساعد حدا ومو طالع لا باليد ولا علين شي سوى الدعاء )

العز للرز والبرغل شنق حالو
(هالمثل جدا شائع وهو لان الررز عنا غالي والبرغل اكل الفقراء سابقا )

العروس بعلقها وقلة أكلها
( هذا مثل بين الحمايه وكنتها العروس وتقوله لابنها
مثل رمي مشكله بصمت انه الحكي هو اساس مو بكثره الاكل ..)

الطبل بحرستا والزمر بمنين
( ريف دمشق حرستا منطقه في العاصمه دمشق وومنيين
ايضا ريف بدمشق
يقصد فيهم كل وحده بغير مكان ويقال هالمثل
انه عملو ضجه وهيصه وبالاخر عرس بمكان والزفه بمكان وين اذنك ياجحا ..)

البحر ما بتعكرو ساقية
(يقال لشي معدنه نضيف مهما حاولو يخربو فيه نقي )

آب اللهاب
( وهو شهر غسطس وهو بالتّقويم العربيّ: آب، وبالتّقويم الهجريّ: شعبان
ويقال من شده الحر فيه يالطيب اب لهاب ...)

ايلول دنبو مبلول
(September أو سبتمبر وهو بالتّقويم العربيّ: أيلول، وبالتّقويم الهجريّ: رمضان،
ويقال انه نهايه الشهر احيانا بينزل مطر وببلش الزيت في الزيتون ينحصد لينعصر )

الرحمة مخصصة والبلا بيعم
(اممم مابعرف هالمثل ؟؟يمكن بقصدو انه رحمه لناس وناس وقت المصيبه بتعمم عالكل )

ألف قولة جبان ولا قولة الله يرحمه
(هي كثير نقولها وخاصه اذا فيه شي بخوف مثل اني مابقول اسمي الحقيقي احيانا بمكان عام
خوفا من ابن حرام يستغله ويعملي مصيبه بالدوله يقولو جبانه ولا الله يرحمني واختفى ....)

الموت مع الناس رحمة
(هالمثل نقوله وقت بعم الهم بكل الناس متل ماعم الدمار بوطنا بنقول الموت مع ناس رحمه انه مو بس نحنا عم نبتلى بننسى همنا بغيرنا )

الحية إذا جاعت بتعض بطنها
(يقال هالمثل اذا واحد استشرس وماعاد يفرق معه شي علي وعلى اعدائي )

الكلام بينداق متل الطعام
( خلي لسانك حلو )

اذا احتجت الكلب قوللو يا حاج كلب
( مثل متعارف عليه )

الله بيطعم الحلاوة للي مالو سنان
( هالمقوله بقلهم فيها برضه نوع من انواع الحرام
هو ربنا وقت بده يعطي الانسان شي له حكمه
وهو هالمثل رح قوله بالعايه لاي شي وعلى سبيل المثال
وحده زوجها تحت جناحها وهي مو عاجبها بنقلها هالمثل )

القرد بعين أمو غزال
( مثل عامي )

الضرف العايب نافخو تعبان
( اول مره بعرف هالمثل ومابعرف معناه) شكلو من عصر الحرب العالميه الاولى

__________________

ههههههههههههههه يسلمو هتون عالترجمه الحلوة

__________________
حنايا الروح

ليلـــــــــى
لولو الحالمة

سَئمت المْثآليھ وقررَتَ ٱﻟانْحـّرْاڤ

.................................................. ...................
الكلام اللي ما بينفد ياحسرة قايلو ......
( هالمثل حلو خرج تقوله لي نبض قلبي
لان بتقلي شي وبعمل عكسه فصارت تسكت
خيتو تعلمتي هالمثل تبعنا .... مثل عامي )
................................................

الحكي الك يا كنة اسمعي يا جارة
( مثل عامي وهي بنقوله لاي شي وخاصه الحمايه اذا حابه تزعج حرمة زوجها
تسمع جارتها لتسمع هي وعجبي هالحوات )

الآخرة يا فاخرة
( ومثل معروف ومشهور وهو انه لنشوف اخرتها رح تصيب ولا تخيب مو يفرحتي من اولها )


الرايح بايدو والجاية بايد الناس
( اممم برضه ماعرفتها )

الغايب حجتو معو
( مثل عامي متعارف عليه انه اذا حدا تاخر بنقله حجته معي ليجي ويقلنا ليش تاخر )

ايمتا كنا والشمس ترقعنا
( ههه والله مثلنا لليوم يعني اذا واحد مو فهمان او وحده مو حلوه
وجايين يعملو حالهم غير شكل نقلهم هالمثل او واحد نعرفه غبي ويقول انا عكساو وحده مفكره حالها اميره وهي لا وووو )

اجا ليكحلها عماها
( مثل يقال لشي واحد حب يعمل الخير ولا جابه بالعكس مثل جبيت العيد)

الرمد أشوى من العمى
( مثل عامي )

العيرة ما بتدفي وان دفت ما بتوفي
( يقصد فيه ثوب العيره وهو الاستعاره من شخص غير مارح يديفك واذا دفاك مافيك ترد قيمته للشخص
على مثلنا نقول توب العيره مابدفي ....)

ايد واحدة ما بتصفق
( يعني يد الله مع الجماعه )

إن داقت عليك المخازن مخزنك عبك
( يقال هالمثل لتجمع فلوسك بجيبك والعب هو جيب الانسان )

البخشيش بالدرهم والعطا بالقنطار
( يقال لواحد عم يعمل حاله كريم بيعطيك للكرسون درهم
بس وقت لازم يعطي بجد بطلع فلس للبخيل )

إن كان حبيبك عسل لا تلحسو كله
(مثل عامي ومعروف)

الله يطعمك حجة والناس راجعة
( يقال لليوم لاي واحد موصيه على غرض
وماجابه الاك الا لبعد فوات اوان ومفكر حاله اول ناس اعطاك )

الولد اللي ما بيبكي امو ما بترضعو
( امم غريب هالمثل مابعرفه )

أع** دهر ولا أرمل شهر
( المثل اعزب دهر ولا ارمل شهر وهو مثل لكل واحد انفصل عن مرته
انه مافيه يبقى بلا حرمه لانه متزوج ولو عزابي يصبر ..عجبي امثال مو على طول حقيقه )

اذا الصغير انتشا الكبير باس ايدو
( ماعرفته مثل من عصر النقيفه )

الطرق ولو دارت والبنت ولو بارت
( هالمثل مو لنا ابدااا ...انتسب لنا كيف ؟؟)

الدهر يوم الك ويوم عليك
( مثل معروف)

الخبز والماء أكل العلماء
( غريب برضه مابنقوله هالمثل ؟؟)

الحارة ضيقة والحمار رفاس
( هالمثل مو هيك بنقوله بلهجتنا بنقول
حاارتناا ديئه وبنعرف بعض
ويقصد فيه لو حدا حابب يعمل علينا مرجله او يتباهي بشي
بنقله على هوونك حاراتنا ديئه وهو انه شو مارح تقول كذب ؟؟)

الله ما نشاف لكن بالعقل نعرف
( هي مثل عامي ويقال دووما للتعجب من شيء غير مالوف علينا )

الخوف بيقطع الجوف
( نفس مثل الف كلمه جبان ولا الله يرحموو)

الرطل بدو رطل ووقية
( اممم مابعرفه ابداا )

الصاحب ساحب
( برضه مو النا مابنحكيه )

الجنازة حامية والميت كلب
( هالمثل مو الناا خيوو )

الأعور بين العميان ملك
( مثل معروف )

الخير بخير والشر بغير
( يقصد فيه انه انسان صاحب الكرم على طول خير ويده لله
بس الشر لو بصيبه بصير ابخل منه مافيه )

الجمل اذا بار بيحمل قنطار
( يقل لشي لو كبر انه لسع فيه خير )

العين مغرفة الكلام
( هي نقولها انه وانا بحكي مع حدا وهو نازل بالجوال ون ون
نقله اطلع بعيوني عين مغرفه الكلام )

إن عاب عليك أصلو دلايلو فعلو
(يقال لو حدا تغير عليك وانه افعاله وعمله هو يلي بيثبت الك انه ابن اصل ولا لا)

الجمل لولا الفزة لحمل المزة
( اوول مرره بحياتي بسمعه غريب انه منسوب للشوام )


القط ما بيهرب من العرس
( يقال لشي حدا كنت بتعرفه وابتعد عنك فجاءه )

الجار قبل الدار
( مثل متعارف عليه )

الولد ولد ولو صار قاضي بلد
( هي تنقال لواحد مفكر برضه حاله فصيح زمانه وهو عقلو صغير ومو قد كلمته )

الجحشة بعليقها والأصيلة بعليقها
( ولا مره سسمعت هالمثل عنا )

__________________

ما في كلمة شكر لصااحب الموضوع ههههههههههههههه غنية وبحب الهدية

__________________
حنايا الروح

ليلـــــــــى
لولو الحالمة

سَئمت المْثآليھ وقررَتَ ٱﻟانْحـّرْاڤ

هههههههههه

جبت المثل ياادوله
والله اني مهويه يااخي
وانت غني باخلاقك وهديه ولا شي قدام رروحك بينا
والشكر الك قليل
بس عيوني وجعتني وانا بترجم تامثالنا
يروحو قتل من وين عنا بجيبو هالحكي ..
ربي يسسسعدك

__________________

هههههههههههههه طيب شو معنى
شرنة وشاضومة هههههههههههههههههههه

__________________
حنايا الروح

ليلـــــــــى
لولو الحالمة

سَئمت المْثآليھ وقررَتَ ٱﻟانْحـّرْاڤ

شرنه وشاضومه

يقال هالمثل لوحده بلدي وهي تكون ببيتها شرنه
مابتهتم فيها وشرن بلبسه يعني مو مرتب مهم يلبس حيالله شي
وشاضومه بتلعي كتير بتحكي حكي شي الو طعمه وشي بلا طعمه
متل تجيب سيره الحمايه وهي مالها دخل بالحكي ...

شكلي رح اشتغل مترجمه
ششو كمان خيوو وهي مثل لليوم داارج

__________________

ههههههههههههههههههههههه يسلمو

__________________
حنايا الروح

ليلـــــــــى
لولو الحالمة

سَئمت المْثآليھ وقررَتَ ٱﻟانْحـّرْاڤ