قصيدة من روائع الشاعر الكبير/
محمد العبدالله القاضي
والتي تسمى ((توبة القاضي)) :

يا محـلّ العفو عفوك يا كريـــــــــــم
ولطفلك اللي كافل(ن) كل الأنـــــــام

يا سميع(ن) يا بصير(ن) يا عليــــم
يا قوي(ن) يا متين(ن) يا ســـــــلام

يا مجيد(ن) يا معيد(ن) يا حليــــــــم
يا عزيز(ن) ذو الجلال والاكــــــرام

يا عطوف(ن) يا رؤوف(ن) يا رحيم
جلّ شأنه ما يهان ولا يضــــــــــــام

بنور وجهك يوم ناجاك الكليـــــــــم
دك سينا وخرّ موسى ثــــم قــــــــام

وفي حرمت الكعبه وزمزم والحطيم
والحجر وحجيج ربي والمقــــــــام

اموحد(ن) يدعوك في الليل البهيم
بالتخشّع والتخضّع بالظـــــــــــلام

خاشع(ن) لك خاضع(ن) لك مستقيم
وأسألك وادعوك باسماك العظام

أن تروف بحال من جسمه سقيــم
علته تبراه له خمسة عـــــــــــوام

من بحر جودك ومجدك يا كريـــــم
نفحة(ن) نسعد بها دوم الـــــــدوام

داوني بدواك من داء(ن) أليـــــــم
واشفني بشفاك يا من لا يضــــــام

شان حالي دوك حالي حام حيـــــم
والمرض رض العضالي والعظام

أمدّ له نفسي بتدليه العظيــــــــــــم
عن لذيذ النوم مع طيب الطعــــــام

ولا اشتكي غير للرب الرحيــــــــم
من سمك سبع السماوات العظــام

فابن آدم لو تمادى في النعيــــــــــم
لو يعمّر خير عمره للعــــــــــــــدام

كل ابن انثى لو عمره سليـــــــــــم
لا بد ما يشرب بكاسات الحمــــــام

فمن عميم احسانك ارحم يا رحيم
يوم نزع الروح وكرب الحـــــــزام

قام يصعد به ويحدر به غريــــــــــم
من اعضاءه للدماغ وللبهـــــــــــام

وعند نزع الروح لجّـنّ الحريــــــــم
لجّوا اهل البيت والنوح استقـــــــام

والشفيق اللي يودّك والحميـــــــــــم
يستشين بشان تجهيزك قـــــــــــوام

والخشب دنّى مع الخام الرحيـــــــم
فصلوا له وزرة(ن) فوقه احــــــرام

ثم شاله كل شغموم(ن) حشيـــــــــم
مرجلين معجلين(ن) بالهـــمــــــــام

واوضعوه في مظلم(ن) ماله نديــــم
غير ما قدّم من اعمال(ن) قـــــــدام

واكشفوا عنه الغطا خلي مقيــــــــم
فككوا عنه العصايب والاحـــــــــرام

واغدروا به واكتفوا فوق الهديــــــم
كنهم وردّ على حوض(ن) هيــــــــام

ولحّدوه وما بقى عنــــــده نديـــــــــم
غير ما قدّم من اعمال(ن) قــــــدام

واوّضعوا فوقه من اللبن الضخيـــم
وادفنوه وودعـــــــوه بلا كـــــــــــلام

هايلوا التراب وكل(ن) به هميـــــــم
ووسدوه اللبن من عقب النعـــــــام

عند قوم(ن) بارزين(ن) في صميم
صامتين(ن) ما يردّون الســـــــــلام

حال ما خلوه في البرزخ مقيـــــــــم
جاه من ناجاه عن دينــــــه تمــــــام

اسئله يلهمك رشدك يا غشيــــــــــم
في ثباتك للملائكـــــــــــة الكـــــــرام

بعد هذا الهول والبعث العظيــــــــــــم
يوم حشره يوم نشـــــره للأنــــــــــام

يوم يبعث كل ذي عظم(ن) رميــــــــم
في صعيد(ن) للحساب وللخصـــــــام

يوم مــدّه للصــــراط المستقيــــــــــم
لنسل حام وسام سلّم يا ســــــــــــلام

حاسرين(ن) عابرين(ن) في نظيـــــم
ذا يصيح وذا يطيح من الزحــــــــــام

ذا عطيب وذا صويب وذا سليـــــــــم
وذا يمر امرور برق(ن) كالغمــــــام

وذا يصر وذا يجر الى الجحيــــــــــم
وذا الى الفردوس مع باب الســـلام

وذا مخلد في النعيم اللي مقيـــــــــم
وذا معذب في لظى دوم الـــــــــدوام

كيف ما تيقن بهذا يـــــا غشيـــــــــم
تغـلي الدنيــا وتجمــــع للحطــــــــام

وين جدك وين أبــــوك من قديـــــــم
وين أخاك وين خالك والعــمـــــــــام

وين شبان(ن) يهـــــزون العتيـــــــم
وين وين شبان(ن) وخلان(ن) كرام

صيّروا بقبورهــــم مثل الهشيــــــــم
خامدين(ن) هامدين(ن) في هـــــدام

تبرم الـــدنيا وتنـقــض للبــريـــــــــم
خيرهــــــا ينقضي مثل الحــــــــــلام

يا أحد يا واحد(ن) شأنه عظيـــــــــم
يا صمد يا عالم(ن) كل العــــــــــلام

ترجع الغايب في البحر الوهيــــــــم
صوت يونس في قعر بحر الظـــــلام

يا الهي خـــــذ بيد قلب(ن) سليـــــــم
عن عذابك يوم الخلق ازدحــــــــــام

فإنني دست الخطايا من القديـــــــــم
طالبك عفوك وصفحك لي ختــــــــام

الهوى والنفس يهواها الرجيـــــــــم
أو نشر فضلك دايم للخلــــــق عـــام

ذا وصلى الله على طــــــه الكريـــــم
ما هما الوسمي وسلّم يا ســــــــلام