[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] عشت الهموم وشفتها شكال والوان=حتى انها صارت همومي مخيفه
الوضع يرميني على كف شيطان=والحظ واضعني على حدسيفه
فاليسمع الشاعرعلي بن شريفان=دامه خليفي من قبيلة خليفه
الياس يقضي عالامل بعض لحيان=بالذات لاواجهت صدمه عنيفه
ولنسان يتمنا ولكن لنسان=ماتمشي الدنيا على حسب كيفه
ليه اصبحت شبوه كما جنوب لبنان=وليه غارات التحالف خفيفه
وليه نطلب عون من بعض لخوان=وليه لاتوجد نوايا نظيفه
انا اعرف ان المعتدي دوم خسران=لوله رجال تهجعه مثل قيفه
والاكما اصحاب المعلا وشمسان=ذي يضربون المعتدي في صنيفه
قومولها يارجالهاوقتهاحان=من قبلمايمتس عرض العفيفه
لازم نسوق ارواحنادون حسبان=على الاقل نموت موته شريفه
سلم على ابن عميريابن شريفان=عدادماالبارق لمافي قنيفه
رجال له هيبه ورجال له شان=ورجال له موقف ونيته نظيفه[/poem]


[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
من يوم ما ربي خلقني إلى الآن =ماهزني شاعر بكلمه لطيفه
واليوم جات اقوالكم يابن ديان=واهتز قلبي الف هزه عنيفه
واهتزت الدنيا بحمير ونعمان =وهز قاع بني هلال وخليفه
والكور به هزه وهزه ببيحان =وتهزهزت كل الحيود المنيفه
اقوال بن لزنم معاني وقيفان =رشت كباد اذواقنا من قنيفه
قريت كلماته وباليد فنجان=واهتز بيدي واختلط كيف كيفه
كنه بغيه من عسل نوب جردان=يشفي قلوب اهل الكباد الرهيفه
ذي مزقتها شفرة القهر لاحان =حانت معه وتحنحنت من رجيفه
ها بعدها ياطارشي فوق نيسان=معك علي لروس برمحه وسيفه
روحوا لخوره حيث لجواد حلان =اهل المكارم والقلوب النظيفه
ذي يكرمون الضيف وإن جات ضيفان =يتقاسمون الجود كلن بضيفه
قولوا لهم ذه من علي بن شريفان=شاعر رجال الله وشاعر خليفه
يموت لاماتوا ولا نهاهوا انهان =وفي الشرف يأخذ ثمين ونصيفه
ويترك الباقي لهم وين ماكان=اهل الشرف درع الحياه الشريفه
واليوم وضع القوم مزري ولا بان =فيه الزرا والوقت يقطع بسيفه
مدحت لي أهل المعلا وشمسان =ومدحت يا محسن رجاجيل قيفه
انا أشهد انك قلت واقع ولزمان =تشهد لهم والكفو يملأ كريفه
لاشاف جلد البرق في روس لمزان =يصلح سواقيها ويوبه لريفه
فلاحنا يابو لمى شبه كسلان=ورث من الفرش العزيز القطيفه
في موسم الرايه معصب وزعلان =ولا ذرا والخوف ماحد يخيفه
والناس تذرا طينها والقصب زان =وهو مخزن قات من قات قيفه
وقاتهم ما ذاقهم سم لبدان =في شرعهم حتى غنمهم تعيفه
واحنا غنمنا تأكل أشكال ولوان =لا همهما مالك ولا بو حنيفه
بالمختصر لايمان يثمر بالايمان =في القلب واهله عزهم في نزيفه
والقلب ذي خسران يموت خسران=والجرح في قلب الردي جرح جيفه
ذا فصل والثاني مدحتوا لي إنسان=اسمه ترسخ في قلوب ال خليفه
انا أشهد انه كفو وافي وله شأن=ما يمدح ابن عمير الا وليفه
وله مواقف يوم قتل الشهيدان =وهو معه في الأمن اكبر وظيفه
واليوم له بصمات في كل ميدان=وفي رصيد المجد مجده نضيفه
والمعذره لا شي قصر يابن ديان=شف عين تبكي دم وأخرى كفيفه
أما عتق با ترتمي فيه لكفان =وكل واحد يأخذه من رصيفه
ولا تحرر من عفن اهل مران=اهل الأراضي يطرحون النصيفه
والختم صلوا ع النبي نسل عدنان=ذي سن دستور الحياه الشريفه
[/poem]