وش عاد يا دار ٍ بها صار ( توطين ) *** و في مكتب التوظيف سوسن و ميسون !
مديرهم مدحت و نائبْته نسرين *** و على الرسبشن حمّص وفول وزيتون !
كل ما اتصلت اسمع ألو مرحبا مين ؟ *** بدّك وظيفه ؟ .. مين دلّك على هون ؟

اقول انا لي اتصل صار شهرين *** و انتوا وعدتوني متى بس توفون ؟
اسمي (مواطن) ( جامعي ) طيب وزين *** كني ابخطب عندكم و اتّغلون !
عندي شهاده طايحه بجبدي سنين *** عشش عليها شي له ستة عيون !!
لو للشهاده لسان قالت على وين *** ناوي توديني .. تلف فيني الكون ؟
من كثر ما صورتها غارق بدين *** للهندي راعي المطبعة صرت مديون
لا ليلي ليل ولا نهاري نوى يبين *** دقيت راسي لين ما صرت مينون !
مطلوب خبره عالأقل في مجالين *** ولا تجينا بواسطه و سير مدهون !
ولا انثبر في بيتك .. افرك بكفين *** يومك يشابه امسك و عيش مغبون
تعدادنا ويّاهم اربع ملايين *** و اهل البلد للحين ما صاروا مليون !!
ويلاه من باكر اذا وضعنا الحين *** و احنا اقل من الربع حالنا شجون !
و اللي ابتسم له حظه والله مسكين *** حصّل وظيفه .. بس في وين .. تدرون ؟
ساكن في راس الخيمة حطوه في العين *** و اللي سكن في الذيد في السلع مدفون ! يشوف أهله بس في الأسبوع يومين *** و اذا حسبتوا الدرب كم ساعة .. تبكون
يعني في كل احواله ذاق الأمرين *** شغّال محزون و بلا شغل محزون
و الأجبني اللي راتبه فوق عشرين *** فله و سياره و تذاكر .. و طاعون
عنده بدل كل شي عالراتب ألفين *** حتى بدل معجون اسنان و صابون !
و من بعد ما يجمع من بلادي فلسين *** و يربّي من القعده على الكرسي بطون
و يصير في بلاده غني و عنده برجين *** يرحل و هو جاحد .. و كم مثله ملعون ! و حتى الجماعه قوم مدحت و نسرين *** مردّهم لبلادهم لو يطولون
يرضون بشوية دراهم .. و شفتين *** صبح و عصر .. لو حتى في الليل يرضون
بس لو سمعتوا همسهم بينهم بين *** وسط القهاوي يلعنون و يسبون !
لا تحسبوني عنصري .. كلنا طين *** و الخل لو عاتب محبينه يمون
داري و انا اولى بها من الغريبين *** ما يوصلون لحبها لو يموتون
و ( الأقربون أولى ) .. كلام ٍ من الدين *** ما جبته من شعري مع الهام و ظنون
ولد البلد ما يبغي لبلاده الشين *** بالروح بالدم يفتديها ولا يخون
لكن سؤاله يوم قلتوا له ( توطين ) *** يا كيف بيد الغرب توظيفه يكون ؟؟!!
شعارهم معروف ( راجعنا بعدين ) *** و باين من التأجيل .. انهم يخافون
اذا معك خبره .. يا اهلين و سهلين *** و اذا شهاده بس .. عنك يصدون
ما عندنا شاغر .. و بطلنا تعيين *** ولو تحرق الهاتف ترى ما يردون !
من وين أجيب الخبره ؟ من وين من وين ؟ *** دام الوظيفه عند سوسن و ميسون !
عندي بمطبخ بيتنا خبره سنتين ! *** تنفع اذا صاروا المطاعم يوطنون ؟؟!
ولا أهاجر و آخذ الخبره في الصين ؟ *** صح العيون صغار .. لكن يقدْرون
سؤال يا دار ٍ ..صراحه بترضين ؟ *** اني أسافر و اطلب الغرب لي عون ؟
و سؤال يا ناس ٍ على الراس و العين *** صدق الوظايف واسطه و سير مدهون ؟
اما الجواب الشافي يجيني الحين *** او هاتوا تأشيره .. اذا كنتوا ترضون ! :d:d

__________________

السلام عليكم ورحمة الله وبركاته

أخي الفتى الذهبي اشكرك على روعه موضوعك



ملاحظه اليس مكانه في قسم الشعر هذا الموضوع



أسف جدآ اذا كنت اخطات في راي ,,,,.

__________________

مشكور اخوي على مرورك على الموضوع
اعتقد انه ليس شعر بل انه تعبير عن واقع يحصل في هذه الايام

__________________

اسف بكل معا تحمله هذه الكلمه من اسف لك أخي

__________________

رائع اخي الفتى الذهبي

يعطيك الف عافية على الموضوع الرائع والذي يحمل يف طياته الكثير والكثير

بوركت اخي وننتظر المزيد,,,,,,,,,,,

__________________

شـكــ وبارك الله فيك ـــرا لك
ولاداعي للاسف ياخي من حقك ابداء رايك واشكر كثير الشكر على رايك

__________________

موفق بإذن الله ... لك مني أجمل تحية .

__________________

[align=center]سلمت يمينك اخوي الفتى الذهبي

يعطيك العافية على الموضوع الرائع

ننتظر جديدك[/align]

__________________

[align=center]يعطيك العافية أخوي الفتى

وفعلا هذا ما نعيشه هذه الأيام

موفق بإذن الله ... لك مني أجمل تحية . [/align]

__________________
[imgr]http://mureis.com/up/uploads/065d3a1a7e.jpg[/imgr]

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

__________________