قصيده باسم قبيلة ال ديان
موجهه لولاة الامربالمملكه
حفظهم الله ورعاهم وسدد خطاهم



تشكل ياهجوس الشعر باجمل واعذب القيفان

وسطر من مزايين الشعر لي مهر جذابه

وقلدها الجواهر والدرر واللول والمرجان

قصيدة في معانيها زلال الشعر سكابه

وفي اخوان نوره تطرب القيفان والالحان

اذا مامر طاريهم اتت لاشعار لهابه


حماة الدين والمله وهم للملكه عمدان

مطانيخ العرب للعز والامجاد كسابه

سلام الله عليكم ياملوك العرب يالعربان

سلام الله عليكم ياحماة البيت واطنابه

سلام الله على بومتعب الانسان والسلطان

جمع كل الصفات الطيبه والطيب يزهابه

كان المملكه مثل السفينه والملك ربان

يقود زمامها للمجد وارساها بمحرابه

ملك حاز المكارم كلها والجود له نيشان

شبوره وافيه يشهد عليها الكون بقطابه


اخذ اقدام ابو ليلى و هيبة مثلما النعمان

وفيه من الملك عبد العزيز صفات تتشابه


وخذ من مكرمة حاتم وخذ من فلسفة

لقمان

وعن طولات بومتعب تاشر كل سبابه

ومن خلفه ولي العهد قايد درعها سلمان

ومن سلمان تتهاوى سحاب الخير صبابه

ومهما قلت مابوفي مناقب ذلك الشيهان

ولد عبدالعزيز الي يفوح الطيب بترابه

ولاننسى خلف نايف محمد مئمن الركبان

على قلب الجزيره قد بسط امنه وجلبابه

ورسخ في ثراها امن واستقرار واطمئنان

على نفس الطريق الي ابوه ارساه ووصابه

بنو عبدالعزيز الي رسم للملكه عنوان

بعون الله وسيف الحق لي سله من جرابه

وارخا الامن بارض المملكه عالحضر والبدوان

على نهج الشريعه حسب قول الله بكتابه

وأسس مملكه بالعلم واضحت درة الازمان

جزاه الله ماالمسلم على الاحسان يجزابه

وانا لو بوصف اصفات الملك مايكفي الديوان

ولكنا اختصرناها بنفحه من شذا اطيابه

وانعم بن دليم الي بدار الطيب له ايوان

وله بصمات لانه من نمور العز وذيابه

من سيوف الملك لاحان وقت الخيل والميدان

تعزوى لابته قحطان سيف الموت وحرابه

وهذا فصل والثاني لفاكم بالهجوس الان

على بحر القصيد الي سبق حنا بدينابه


وقال المديني حنا سلاسه من بنو الديان

بنو عبد المدان الي نقش اسمه بمخلابه

ولي تاريخ في نجران ماهو كان ياما كان

وكم تشهد مراجع جم للديان وانسابه

ولي تاريخ متأصل كما عتيبه كما قحطان

بنو الديان مرجعنا ومذحج جدي اللابه


وجيناكم على وضح النقا لمخاوي الشجعان

ومن نبع الاخوه كل واحد اورد اركابه

وجدناكم قلوبن طيبه نعم الاهل واخوان

وجدنا كل واحد منكم والجود مرقابه

وبادلناكم التقدير هو والشكر والعرفان

وانتو كفو والبيضاء لكم ترقى على سحابه

وعسى الله ان يوفقنا ونتعاضد كما البنيان

على القراءن والسنه ودين الله وماجابه

ونسال ربنا انه يديم الامن والايمان

ويحفظ للوطن دايم ولاة الامر وزهابه

ويحفظ مملكة بومتعب السلطان والانسان

وتبقى راية بلاده على الرايات غلابه

وسلامتكم
الشاعر عبدالكريم ناصر احمد الدياني