طريق الحجر(العجر)

دائما امجبل عكس التيار في كل شي طيب برغم ان الموضوع قديم وعلية اثار القدامه بادية لاكن دعني اقول لك عن الطريق بأيجاز انا لسى جاي من البلاد والعمل قائم على قدم وساق وظهرت اختصارات في الطريق ماكنا متوقعينها والردمية جاهزة للزفلته ماتحتاج وقبل شهر وهم ياطويل العمر قدام الهجر ذي في سيلة الحجر في امخيويل على قولة الشيبان لانهم هم يعرفون المناطق اكثر مننا مانحنا مازلينا الركبة من يوم شبينا على العموم زلو امرخمه حقت باثوبان اذا ماتعرف امخيويل اكيد باتعرف امرخمه المهم العمل قائم بوايتات ودركترات وبوز رش لانهم يبغون يزفلتون من جد ومهندسين كمان ف الطريق شفتهم بام عيني وتوقفنا شوي لان لي معرفه باحد ابناء العجر اللى كان متواجد كمشرف واسمه فارس وتكلمنا شوي معهم وقال ياهل خورة ماتعلون وش معنا نحن في مشاكل وقصران كل يوم قبيلي يقصر ولاشفنا حد منكم يقف معنا ولاطريقكم هذا يعتبر لنا ولاشي مقارنه بمقاولاتنا الثانية هو عبارة عن 15 كم لا اكثر ولا اقل والان قدكم تشوفونا نشتغل قولوا دعاية ولاكيف ماقلتوا ابوي ماهو ناوي يترشح ثاني مرة اللهم وجه شله وهو عند وجهه باينفذة ولان نردم ونرش بالوايتات وتالي بانزفلت ولانحن رافعين من الطريق الا اذا انجزناه ...( انتهاء كلام ولد العجر).
هذا ما استجد من مشروع الطريق ونحن كل ماقمنا ولاجلسنا قلنا شل في وجهه ولانفذ مامعهنا الا للدح الرجال بالهروج اما ان حد مننا وقف معه في المشاكل ذي صارت له ماطحسة مغير زفيج بدل مانسانده نلومه وهذا طبعنا من زمان والان كل شي بايسبر على قوله اخواننا الشماليين وننتظر وسوف نرى وفاء الرجل ..
تحياتي للجميع