[poem=font=",6,darkblue,bold,italic" bkcolor="transparent" bkimage="http://www.khorh.com/vb/mwaextraedit2/backgrounds/92.gif" border="double,7,indigo" type=2 line=0 align=center use=ex num="0,black""]
انثريني يالقوافي فوق درب المستحيل= سود صلفات الليالي ماحسبت حسابها

بعثري نرجس وجوري يشفي القلب العليل=واجمعيني عقود لولو الشعر يزها بها

دثريني يالمعاني بكل معنى بك اصيل= وعد ياحروف المودة هامتك ارقابها

خافقي مبطي مولع بالقراح السلسبيل = جيت لا عذب الموارد ياعسى اهنا بها

برق بالقبلة تلامى والمخيل بايخيل = جيت ياخير المواسم بالمزن وسحابها

بكتب احروف القوافي والمشاعر لي دليل= مثل مالك لي مشاعر يحق لي تباهابها

كيف مابكتب حروفك وانتي لي نعم الخليل=و دامني قصة مشاعر اتعبت كتابها

رقة احساس الصبايا مالها ند ومثيل=كم ترنم في هواها شاعر وغنابها

كم قصد عنتر لعبلة وكم شكى بثينة جميل= وعالوتر كم جر صوته بالورى زريابها

يادروب الشعر خذتك في مساراتي سبيل=بين فرسان القوافي نمارها وذيابها

حتى لو لي نون نسوة بمشي الدرب الطويل= كلها وحوش البراري مانهاب انيابها

شامخة مثل الرواسي وثابتة مثل النخيل= بالادب هذبت نفسي والعزوم زهابها

بالكرم لي نبع صافي ماعرف شح البخيل= في زمان اقشر واغبر لي قيم احيابها

دامني غرس النشامى وقافي بمجده سليل= ببحر بعتمت غببها لا حشى ما هابها

ارقب بعيني الثريا وارتجي موقع سهيل= وقدوتي خنساء تغلب شعرها ماعابها

قد لنا في الشعر راية وارثينه جيل جيل= قومي اسياد القوافي وسترها وحجابها

عزنا دي فيه نفخر مانبدل به بديل= يقبسون القاف حامي من حدود شهابها

حدني للفخر هاجس مايجي الدرب الذليل= طبعها العربان دايم تفتخر بانسابها[/poem]

عبير الود

__________________
[flash=http://img8.7ozn.com/files57/2012-12/e93913556090261.swf]WIDTH=550 HEIGHT=350[/flash]