Originally Posted by عبير الود

[poem=font=",7,deeppink,bold,italic" bkcolor="transparent" bkimage="http://www.khorh.com/vb/mwaextraedit2/backgrounds/92.gif" border="inset,6,deeppink" type=2 line=0 align=center use=ex num="0,black""]

جتني وفي نظراتها شفت حيره =وعلى ملامحها مبين زعلها

سألتها وش فيك ياحلى صغيره =غرابيل همك من بروحك سدلها

تعلت على الوجنات حمرة نضيره=وعن الهرج يمنعها تزايد خجلها

حلفتها تبديه مافي السريره =وتبين اللي عن مرحها شغلها

قامت توشوشني بلهجة مريره =وعلى محياها تجلى وجلها

ليه الهوى مسموح في كل ديره=وجنة العشاق كلن دخلها

كل البنات تعيش قصة مثيره =كل الغرام تحس به مع بطلها

وياكم قصة حب تبقى شهيره=من قادم التاريخ عابق نفلها

وليه الهوى ممنوع في ذا العشيره=اذا البنت حبت حل اخوها قتلها

لما متى تبقى البنية اسيره =محرم عليها تحب تعشق وتلها

ضحكت من كلماتها ذي الاخيره=بنية اسيرة! والدلع ما حتملها

كثر الدلال امسى عيونك سهيره=اشوف نفسك قد تزايد مللها

هذي شروع البدو يابنت خيره =بصايرك يابنت وش ذي دهلها

احذرك من لعبة الحب الخطيره=وياكم مخدوعة تنام بعسلها

كلين هذا الحب يعرف مصيره=فيه القصص واجد ويضُرب مثلها

يظهر لها من فيض حبه غزيره=ويمكن بعد يومين دور بدلها

يعمل لها من الوهم قصة كبيره=ولا حان وقت الجد راح وخذلها

يابن خلي لي عيونك بصيره =عن الحق لا تخليه يغمض سبلها

بديارنا حيث الرياض الخضيره= حيشى على الرعيان تترك هملها

للحب في واحاتنا الف سيره =لاكن على الدين القويم ومللها

يهدي لك الجوري شذاه وعبيره= في جيه اللي للمراجل شملها

ابن القروم اللي يحطك اميره =ويلبسك بالعز اجمل حللها

الشهم ذي عنده مبادئ وغيره= لا بغى البنية جا طلبها من اهلها

كلماتي[/poem]