(( مقهى خورة الأجتماعي ))

بانت نجوم الصبح واللي في عيوني مـن عَصـر
مــا هــوب دمــعٍ لا تضايـقـت آتنـهّـتْ واسـكـبـه
لا والله الا حلـم شـيـخٍ عــن طمـوحـه مــا قِـصَـر
لـو قصّـرت ســود الليـالـي مــن يميـنـه وشْنـبـه
وانــا لــو انــي مــا تعلّـمـت الهزيـمـه والـنـصـر
مـا كـان ذقـت مـن الهـوى القتّـال مــرّه واعـذبـه
شاعر وعصري فاتني واعيش في أغرب عصـر
لا الوقـت وقتـي والزمـن مـا بينـي وبينـه شـبـه
لـكـن هـنـوفٍ مثّـلـتْ دور العـزيـزه فـــي مـصــر
قـدّتْ قميصـي واسرفـت فـي وصلهـا قبـل انتـبـه
يـوم انْتبَهْـتْ استشهـدت ضـدّي بحـرّاس وقصـر
قـلـت ارحـمـي عـزيـز قــومٍ ذل وارخــى منـكـبـه
مانـي نبـي الله اقـاوم حسـن خصـرك لا انهـصـر
انــا بـشـر عـبـدٍ ضـعـيـف وكـــل بـــرقٍ يـجـذبـه
قالـت وهـي تُــوّي تثـنّـى كــنْ مــا فيـهـا خـصـر
الشعـر يــا ضـيـدان ورث جــدود ولاّ موهـبـه ؟!
قلت الشعـر سحـرٍ يسخّـر لـي القلـوب ويختصـر
عـمـر المسـافـات الطويـلـه والسنـيـن المـجـدبـه
والحب شيٍ لو حصرته في ضلوعي ما انحصـر
يطغـي علـى حـدْب المحانـي ليـن ابيحـه واكتبـه
وان علّمتنـي الفاتنـه وشلـون اسيـر ابـلا بـصـر
علّمْتَـهـا الفـنـجـال وشـلــون اتـحــدّى واشـربــه
وعلّمْتَـهـا إنّـــي كـــذا طـــال الـزمــن ولاّ قـصــر
وان اعذب الحب اصدقه وان اعذب الشعر اكذبه
منقول
تحيات المتنبي