أعجبتني هالابيات

سواء كــــــان من ناحيه صياغه كاتبها او رقي احساسها

اتمنى تحووز على رضاكم واعجابكم قدي


اترككم معها .........



أجامل نفسي بنفسي !! إذا حانـت فرح واعياد
.. واخبي شي(ن) بصدري عسى ما يظهر فـ عيني


ياعيدي يا فرح حزني !! على هذا الألم معتاد !!
.. أنا أوّل بشــر مخلص مع جروح(ن) تعنـيني !!


تعبت اداري طعوني و أدور للأمل ميلاد !!
.. تعب حتى التعب مني مع انه " بس " يشقيني !!


تشمّت يا زمن واجرح !! تراني مهتني برقاد !!
.. على ايش الكدر والضيق " اصلا " هو مربيني !!هـ ذاك الليل والطاري
ذكرتك والقلوب بعاد
.. ذكرتك وانتي لـ غـيري بـعـيده مـا تـواسـيـنـي !!


هنا " كنتي " بهالذكرى صغيره واحملك بمهاد
.. هنا " والحين " محتاجك دفا حضن(ن) يراعيني


تعالي جمهري نفسك على فـكـري بلا ميعاد !!
.. تعـالي واحـشـدي فيني شـعور(ن) في دواويني


تعالي يا بعد "ضيم الضروف" بنظرة الاجواد !!
.. تـرى لـمـا تخليني .. !! اخليهم !! .. واخليني !!


أبي اوّل غرام انتي .. غرام(ن) ما يجي بعناد !!
.. واذا انتي ما بديتيني !! . " انا " اللي بنتهي فيني !!


تناهـيدي - بتهديدي !! عـلـى فرقا الـغـلا تـزداد
.. " وجع غيره " يفاجئـنـي عـلى غـره ويكــويني !!


طـلبتك يالفرج !! .. " مره " ابيك تزورني (بالكاد
.. ( ادورني !! .. اراجعني .. اسايرني .. انادينــي ) !!


تعزويت الطموح اصرخ .. احاول .. انوي ولافاد !
.. نصيبي هو " ردى حــظ(ن) " حقير ومايدانيني !!


" ألـم واقـع " يـطـاردنـا .. يكبّل حبّه الأســياد !!
.. ياليـته بس " جيناتك " تطابق بالحـشا " جيـنـي " !!


على الله يا شقـى وقـت(ن) يسـوده زمرة الحـساد
.. ابـرجـع لـلـطريـق الـلـي يكمّـل " بـاقـي سـنينـي "


تعيشي بخير !! يا أعظـم روايـه عـاشـها " خلاّد "
.. وإذا عـني .. بعيـش بخـير !! .. دامك ما " نسيتيني "


مـثـل مـا ودي أشـارك " فرحك " بريحـة الاوراد !!
.. تـعـالي واحـظـري " حفلة زفـافـي " يـوم تأبيني " !!


وسلامتكــــــــم

القصيده منقووله وأتمنى ماتكون مكرره

ونا للأمانه اجهل شاعرها