رماني حظي العاثر وجيت لك طلاااااب

على ذاك الطريق اللي يسمونه غـرام أحبـاب
وطت رجلي على دربه ولاأدري وش نوى فيني


تبعته لآخر دروبه .. ألين أن القمر قـد غـاب
تعـب قلبـي ، ولا تعبـت مسافـاتٍ تودينـي

لقيت الليلة الجردا : هدب ظل وسما واعشـاب
بعـد ذاك الظـلام اللـي يتوهنـي عناويـنـي


صدفتك معجبه فيني وياليت .. الغـرام : اعجـاب
وتراك انتي الهنوف اللـي هقيتـك تستحقينـي


عطيتك عشق من قلبي .. وسلمت لغـلاك رقـاب
وغيـرك يحتـرق قلبـه ولا يقـدر يحاكينـي



أنا قبلك صدفت عيون لكن ويش جاب لجـاب
ترى كـل العيـون اللـي لقتنـي مـا تكفينـي


رماني حظي العاثر عليك وجيـت لـك طـلاب
ولا أنتي اللي عشقتيني ولا انتي اللي عتقتينـي


تعالي واعتقي ذاك الخفـوق المولـع المرتـاب
مهب لاجلي ، عشان الله يجازيـك ويجازينـي


تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونينـي


وشيليني على متنك : خفوقٍ بـاريٍ منصـاب
ومن فوق الغرام العذب .. شيلينـي وحطينـي



ولا منك هقيتيني شجـاع ومـا يطيـق يهـاب
أنا لك بالهوى والله مثـل مـا انتـي هقيتينـي


أنا ما أمشي ورا غيرك ولو أنه يطـق البـاب
وترى عيبٍ عليّ أطعن .. ولو كثـرت سكاكينـي


زهودٍ مـا يطيـق الـدم لا دايـن ولا طـلاب
شجاع وعارفٍ نفسـي وأظـن أنـك تعرفينـي


غيورٍ ماعرفت أضحك مع الغدر ببّرود أعصاب
أبيـع عيونـي الثنتيـن قبـل أنـك تخونينـي


إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشـقٍ يوطّينـي


أنا رجلٍ ولي غيره .. وإذا شفت الهوى كـذاب
تثـور بقلبـي الفزعـه ولا تهـدى شياطينـي


سؤالك لو يزعزع بي كياني مـا قبلـت عتـاب
اجي لك وأسالك نفس السؤال اللـي سألتينـي


عن العشق القديم أبواب .تقفيها كثير أبـواب
بعد ذاك الحبيب اللي خدعنـي وانخـدع فينـي


أبي عشق تحسب له كل نظرات العيون حسـاب
وابي قلبٍ علي قلبي ، وابى دينٍ علـى دينـي

وابي نظرة عطا توفي ولا تخلف بدون أسبـاب
وابي منك قبـل لا نتـي تصدينـي .. تودينـي

وابي دربٍ على العذال صعبٍ ومتعـبٍ وغـلاب
وابي نفس الطريق الصعـب يبعدهـم ويدنينـي

ترى لو للقلوب عيون ولدموع العيون أهـداب
حشى ما تنزل الدمعـه لغيـرك لـو تركتينـي


أنا أول من عرف قدرك وأنا توي صغير وشاب
وابي منـك مـا دام أنـك عرفتينـي تحبينـي



ما دام أني لقيتك في طريق أسمه غرا م أحباب
دخيـل الله ، وبعـد الله دخيلـك .. لا تخلينـي

ما دام أن كل من يحيا على وجه التراب تـراب
عسى تنساني الدنيـا مـادام أنتـي ذكرتينـي


حامدزيد

ما دام أن كل من يحيا على وجه التراب تـراب
عسى تنساني الدنيـا مـادام أنتـي ذكرتينـي

كل الشكر........

صح لسان الشاعر حامد زيد
وشكرا على النقل
تقبل مروري

صح لسانك ولسان الشاعر
يعطيك الف عافية
لاعدمنا تميزك

برنس
اشكرك كل الشكر على الابداع
صاحب القلم المميز والتواجد

الكبير نقل رائع من شخص اروع
موفقين بأذن الله
لك مني كل الود والاحترام

المشاركة الأصلية كتبت بواسطة فريد العولقي

ما دام أن كل من يحيا على وجه التراب تـراب
عسى تنساني الدنيـا مـادام أنتـي ذكرتينـي

كل الشكر........

فريد الله يعطيك العافية على مرورك
العطر الذي انارمتصفحي
دمت كما تحب.

المشاركة الأصلية كتبت بواسطة عذب الاحساس

صح لسان الشاعر حامد زيد
وشكرا على النقل
تقبل مروري

عذب الله يعطيك العافية على مرورك
العطر الذي انارمتصفحي
دمت كما تحب.

المشاركة الأصلية كتبت بواسطة بسمة أمل

صح لسانك ولسان الشاعر
يعطيك الف عافية
لاعدمنا تميزك

اشكرك بسمه على مرورك العطر
لاننحرم من طلتك البهيه
دمت كما تحبين.

المشاركة الأصلية كتبت بواسطة بن ياس خورة

برنس
اشكرك كل الشكر على الابداع
صاحب القلم المميز والتواجد

الكبير نقل رائع من شخص اروع
موفقين بأذن الله
لك مني كل الود والاحترام

بن ياس
اشكرك على عبق الحضور
لاننحرم منك
دمت بالف خير.

صح لسان الشاعر وسلمت يمنى الناقل برنس الغروف
شكراً على هذا الإنتقاء الرائع فالطيَب لاينتقي إلا الطيَب اخي تقبل ودي واحترامي .