السلام عليكم ورحمة الله وبركاته
اخواني اعضاء وزوار منتديات خوره الجميع يطيب ليه ان اكتب هذ القصيده
التي نظمت ابياتها يوم الجمعه تاريخ 27/6/2008م اتمنا تنال
اعجابكم من اقوال ولدكم واخيكم ناصرعبدالله ناصربن لزنم
اتركم مع القصيده

[poem=font=",5,blue,bold,normal" bkcolor="black" bkimage="http://www.khorh.com/vb/mwaextraedit2/backgrounds/7.gif" border="double,4," type=0 line=0 align=center use=ex num="0,black""]
ياالله يارحمن ياذا الجود رزقي سهله=ياحي ياقيوم ياعالم نوايا كل حال
لاتصكرت لبواب بابك من طلب ماتقفله=بيدك خزاينهاومن عندك مفاتيح القفال
كريم ياغفار من يومن ووحد مد له=ياالواحد المعبود ياالفرد الصمد مولا الكمال
ياشارح الدنيا ويامنشي سحاب التخيله=يارب ماغيرك لنا يسمع طلبنا والسؤال
تغفرلنا الزلات وجنبنا الخطاء ذي لعمله=سالك تلاطف بمتك وختم لهم خيرت عمال
وحدمنا ابليس هو الشر ما لتحمله=ثم المصائب حدها والزور دي ماله مجال
امنت بك ومن ترك شي في رضاء الله يبدله=انت المعوض ربنا يارب كم مخلوق نال
انا دعيتك وطلبك قلبي وكبدي ممجله=من الالم والشوق قد طلع في الكبد المجال
لانوم يهناني ولانفسي هدت متململه=كم بايطول الصبر غلي عاد بايرتاح بال
ماعاد ليه نفس في الماكل ونفسي توكله=يارب فرجها وترزقنا من العيش الحلال
شفني دعيتك في نصيف اليوم وضعي تعدله=وانته خبر باالحال ماغيرك لناراعي ودال
الى متى صابر ونفسي هاكذا متكلكله=هل بايطول الصبرقولو خبروني يارجال
الى متى غربه لمثلي والاجل ما يمهله=بعيد من ارضه ومن اهله ومن احسن حلال
قال ابن لزنم خبريني ياليالي مطوله=هل عاد شي في العمر باقي بعد ليام الطوال
اناسألتك وانتي اعطيني خبر بازنبله=ودي عرف وش عاد باقي في حياتي لايزال
من شان لاجاء الموت يقبضني ونفسي تحمله=باودع اهلي والحبايب والبنيه والعيال
وداع ياخواني ومن ليه نسب ولاصله=وداع يادنيا وحب المنطقة دي راس مال
ياشوقني شوق الظمان الي مضيع منهله=أشواق متولع تهدك ياشواميخ الجبال
أشواق ما باملها مهما تطول المرحله=ياشوق قلبي مارعد رعده وما السيال سال
ودي بنظره من بلادي يادقائق مقبله=خورة شبيه الام ليه حي هاذاك القبال
دي صرت انا محروم منها والرجل متعقله=مثل الحوار الي يبا امه ون رجيله فالعقال
حالت عليه اقيود مكن يابلي بيلي بله=ماحد رحم حاله وهو مظلوم من اول وتال
ايامنا قاسيه من يطمع بها باتدجله=بيذوق فيها الحلو قير لايناقش لاجدال
ذا قيل دي جرب وعاصر كل شي قد حلله=دي دايمأ في الشمس يتمنايباشوف الظلال
مسكين من مثلي حياته في نكد ومبهذله=كم شهر يعقب شهريحسب مدخله لما الهلال
والختم صلو عالنبي ياهل القلوب المغفله=صلاة صلوها على خيرة نبي بلغ رسال[/poem]

__________________
[poem=font=",5,blue,bold,normal" bkcolor="transparent" bkimage="" border="none,3," type=0 line=0 align=center use=ex num="0,black""]
بدوي وبن بدوي وليه شهرتي=وابن البداوه لاتكلم يرتفع راسي
ربوني اهلي كيف وفي كلمتي=على الوفاءوالطيب قدلي قلب رجاسي
واقف مكاني ماانثني من همتي=مثل الحديدالصلب دي في مصنعه قاسي[/poem] تحياتي للجميع اخوكم بن لزنم ابوفهد