ما بين غالي .. منت غالي .. وغالي



جلست من ورد المشاريه أقطفك



أنساك واريح من الهم بالي



والقاني ما بيني وبيني أسولفك



أمسحك وأمسح سيرتك من خيالي



والقاني في سيرة حياتي مألفك



مرات أتمتم .. روح مالك ومالي



وارجع واضمك في عيوني واغلفك



تدني على جمر المحبه أدلالي



وعمسانه عيون الوله كيف ترشفك



والله لو ما الدين جود حبالي



يمديني من أول لقاء كنت خاطفك



يعني أدور ليله من الليالي



وأجيك واروح على المتن ناسفك



حيرتني واشغلت فكري وحالي



يعني أنا عارفك .. ولاني بعارفك



أكذب عليك أن قلت : ما زلت غالي



واكذب على نفسي اذا قلت ( عايفك )