ماهو بكيفك عقب شيٍ حصلي ..
.. من ذوّق المحتاج يصبر الى احرجْه

خليتني من حلو حاليك احلي ..
.. واصبحت مدمن حب والقلب روّجْه

بين العروق وصار مافيه " ملي " ..
.. الا وله جُرّه تمرّه وتسهَجْه

وذود الغلا في عشب قلبي تفلي ..
.. وتراب صدري للمطر منـْك ما احوجْه

يمحل الى صدّيت ويموت يا اللي ..
.. صديت عنـّه والله احياه واخرجْه

ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه

ولي عين حالي دمعها لك يهلي ..
.. وانْ رحْت راحت مالح الدمع تزعجْه

غالي ولا يحتاج بسّك تغلي ..
.. غلاك اخذ قلبي وروّضـْه واسرجْه

ولو قلت ياعيني بصدره تملي ..
.. شافت خفوق ٍ حبك الذرْب توّجْه

وماهو على كيفك عقب ما حصلي ..
.. من ذوّق المحتاج يصبر الى ازعجْه

عطيتني وجهك وانا جيت كلي ..
.. محروم والمحروم ما ينعطا وجْه

كلمات
محمد بن فطيس المري

__________________

لولو الحالمة

واااو وااو
بجد روووعه الگلمات
صح لسان ابن فطيس وسلمت ايدينك " بن ياآس" ع الاختيار الراقي . . لاعدمنا
؛
ابتــساآمه لَ روحك ي الغالي🌹

__________________
حگايتي👇🏻
http://www.khorh.net/vb/t143007.html
💕
؛
بين شتات الدُنيا و ضيقها ، ليس لنا ملاذاً سوى ربّنا ، وكفى بالله وكيلاً❤

الاروووع والأجمل وجودك ي الحالمه
كم يسعدني ويشرح خاطري وجودك وكلماتك
التي تملئ قلبي بهجة وسرور
لاعدمتك وروحك أجمل ابتسامه

__________________

لولو الحالمة

بن أوسنآ

قصيده بهآ من الجمآل مآ أكسبني المتعه
شكرآ لـِ هآدآ آلإختيآر المكلل تميزاً

__________________



عاشقة الكرز

الرائعه موني
وانا اسعدتني ابتسامتك ومرورك الأنيق
شكرا لهذا الجمال الذي اضفتي لمتصفحي
تحية لروحك العذبه

__________________

لولو الحالمة