صباح الحب و النشاط و التفائل .....

بصراحه ما في احلى من نوم الليل لو ثلاث ساعات و لا اربع الواحد يقوم كذا الجسم مليان طاقه ايجابية و رواااااق لأبعد حد ...من هاللحظة قررت اني لازم اعود نفسي على النوم بالليل بدري ايام الاجازة و احاول اقوم الصباح بدل ما انا مشقلبه يومي رأسا على عقب 😆😆

يقولوا عاد مدري صدق و لا خرط ان السهر يسبب زهايمر مبكر 🙉يالله سترك اجل على حالي مع السهر اتوقع السنه الجاية و انا مخرفه 😕😕
عشان كذا بلحق على ذاكرتي و احاول انام الليل <<بس و الله الليل يونس اتحسف انام و اخليه يروح مني كذا بنوم بس 😊😊

#حملة_نام_بدري

__________________
[flash=http://up.1sw1r.com/upswf12/zko38322.swf]WIDTH=600 HEIGHT=300[/flash]

موعدنا بالليل بشوف اني بقدر انام او لا ......

طبعا كلامي عن ايام الاجازة اما ايام الدوام من التعب و الارهاق بعد ما صار دوام صبح و دوام عصر صرت العكس ابغى احد يصحيني من المغرب الله وكيلكم و انا عين مفتحه و عين مغمضة 😫و اللي يكلمني اول جواب يجيه مني 》》》هااااه 🤐
يعني حال يرثى لها 😂😂المشكله ان الليل طويل يعني من العشاء لين الساعه 12 هذا قمة التعذيب <<<يالله الصبر ...

لاخر لحظة افكر اني انسحب من فترة العصر لكن ارجع اتعوذ من ابليس و اراجع اقوالي و ابطل .....

في هالحاله مو حملة نام بدري هذه يبغالها حملة #حاول_تصحصح و معها فرقة حسب الله بعد تطبل فوق راسي و عساني اصحصح 😆😂😂

__________________
[flash=http://up.1sw1r.com/upswf12/zko38322.swf]WIDTH=600 HEIGHT=300[/flash]

اليوم حابة أتكلم عن كتاب مرررررة حلو من زمان عندي من سنين تقريبا و لسى اللحين فكرت اني اقراه 🙊
الكتاب جاني هدية من نفس الروضة اللي اشتغل فيها عشان كذا ما تحمست له كثير يعني ما كان من اختياري بس مرة و انا ارتب الكتب لفت انتباهي عنوانه و قررت اني اقراه و فعلا طلع كتاب شيق و مرة حلو يعطي القلب جرعه ايمانية لذيذة تعطي كل عبادة و كل تطوع مهما كان بسيط طعم هني ما ينوصف ...

اسم الكتاب 》》》كيف تطيل عمرك الانتاجي 《《《

جدا جدا جميل غصب بعد ما نقراه نقعد و نعيد حساباتنا مع اعمالنا الروحية و عباداتنا .....كل عمل مهما كان بسيط بنلاحظ بالكتاب كيف ممكن يكون يعادل شي كبير يمكن لو احاول اسويه بسنين ما قدرت ...
مره رائع و انصح بقرائته ابدا مو كتاب ديني ممل بالعكس كتاب ديني يعطي طعم لعباداتنا اليوميه اللي نأديها باستمرار و نكتشف لذتها و مذاقها اللي كنا غافلين عنه ...بصراحه استشعرت قيمه كل شي اسويه حتى لو كان تطوع بسيط او ذكر متعودة اني اقراه دايم او حتى نيه انا كنت غافلة عنها ....

بعد ما تخلصون من قرائته راح تعرفون معنى كلامي زين و انا واثقه ان بترجعون تقرونه مرات و مرات ......

__________________
[flash=http://up.1sw1r.com/upswf12/zko38322.swf]WIDTH=600 HEIGHT=300[/flash]

بحكم اني مواليد الرياض و اقامتي الدائمه و مع الاسف جهلي بتراثي اليمن و حضارته و ريحة أرضه خلاني أجهل كثير عن اللهجه اليمنيه الاصيله و اللي راحت مني بسبب وضعي يعني صديقات و دوامات و صارت هاللهجه احيانا بالنسبه الانجليزي افهمه و هي ما افهمها 😆😆😆 و طبعا مع اختلاف مناطقها و حضارة كل منطقه تتغير اللهجه و مين اللي توهق اللي مثل حالتي 😊😊🙈
مع اهلي عادي امي صارت دايم تسلكلي اذا حست اني ما فهمت عليها و احيانا احاول اخذ منها دروس لغه و لازم نمر على لهجات كل المناطق عشان ما أضيع و لا افهي >>يعني اطير عيوني كذا😮 اذا احد كلمني ..

طبعا في البيت عادي البلا اذا صار الكلام مع احد برا البيت 😓او مرة كبيرة بالعمر 😟😟او احد لسى جاي من اليمن 😢😭 يا بووووووووووووووي اوصل لمرحلة اقول هاه ،، اي ،، و انا مادري وش السالفه 🙈🙊
و من بعد مواقف كثير توهقت فيها اذا حسيت ان الشخص اللي قدامي يبغاله فك شيفرات ما اقعد معاه الا و يدي بيد امي عشان ترقع اللي بيصير 😂😂😂😂

من هالمنبر أدعو اي متطوع انه يعلمني هاللهجه لان من جد الوضع كل ماله يتأزم 😆😆

__________________
[flash=http://up.1sw1r.com/upswf12/zko38322.swf]WIDTH=600 HEIGHT=300[/flash]

حين أغلقت قلبي و رميت مفتاحه في عمق المحيط كنت انت مفتاحا أخر فتح القفل و أطلق بين يديه عنان المشاعر ......صباحك سكر

__________________
[flash=http://up.1sw1r.com/upswf12/zko38322.swf]WIDTH=600 HEIGHT=300[/flash]