بسم الله الرحمن الرحيم

السلام عليكم ورحمة الله وبركاته

أحببت أن اعرض عليكم قصيده اعجبتني ونقلتها لكم ..وهي تحمل قصه واقعيه .. قصه حب انتهى بسبب جشع وطمع بعض الاهالي.. قصه حب حكم عليه بالاعدام .. هذه القصيده بقلم شاعرها .. المبدع دائما طارق المحياس .. الشاعر الاماراتي المتألق

يقول الشاعر عن القصيده : هذي القصيده عباره عن قصه واقعيه صارت لواحد من اعز ربعي .. وانا كتبتها على اساس انها قصيده وكان اسم البنت (ياسمين)




ليش قلبج يا بعد عمري حزين .. والله مو بلايق عليج هذا الزعل
يا حلاتج يوم انتي تضحكين .. افتحي قلبج وقولي وش حصل ؟
من تجرأ من قطف هالياسمين .. من حرمه الزين قبل ما يكتمل
من كسر لقبه وشعوره بكلمتين .. ويدري قلبه للعتب ما يحتمل
منهو ارخص قيمه الغالي الثمين .. ويدري انه في عيوني له محل
ومن يقول الحب ما يقطر حنين .. ومن يقول انه وسط قلبي ذبل


يلا قومي يلا لاتتكيسلين .. خلي حلمي وياج يوصل لي زحل
يلا قومي يلا لاتتشاورين .. خلي حبنا يكون للعالم مثل


قالت اصبر قلت انتي تامرين .. وطالعتني بعين يملاها الوجل
ولا اردايا ذرفت دمعتين .. وقالت ان الزين ابد ما يكتمل ..


قلت قوليلي ترى سرج دفين .. ما بخبر حد لو مهما حصل
بس دخيلج ما ابي هالدمع يبين .. مو بعشان شي بس والله ما حتمل
طالعتني وقلت لها شطالعين .. ماله داعي للعواطف والخجل
هذا مو بوقته في ويهي تسرحين . جاوبي احساس قلبي اللي سأل


قالت الشده بعد فترة تلين .. والفرح يقبل اذا باقي امل
والشقى لازم في يوم انه يهين .. والصعب يأتيه وقت يكون سهل


قلت لها قوليلي ولا تلمحين .. ما احب اسمع كلام به جدل
قولي شالموضوع اذا انج تسمحين .. وخلي الخوف اللي فيني يرتحل


قالت اهلي ساوموني بدرهمين .. وقرروا انهم يزوجوني بعجل
يه خطبني شخص بعمري مرتين .. ويابو المأذون والعقد اكتمل
وافقوا لانهم ذماله طامعين .. وبالتجاره والمراكز والفلل
ليش لأ دام انهم رابحين .. يمكن انهم يطلعون بكم محل..‍‍!


قالت إلحقني إلحقني ومد لي هاليدين .. ضاع فكري وطار من راسي العقل
من لي غيرك اشتكي له يالضنين .. عطني رايك عطني ولو ذره امل
صرت انا وياك ضمن التايهين .. والحزن في دربنا توه استهل
ليش يا دنيا في ويهي تعبسين .. حظي المايل متى بس يعتدل


قالت تكلم ولو بس جملتين .. لا اتم ساكت ترى وردي ذبل
قول اي شي قول لو كلمتين .. وانت اللي بس لامره امتثل


صدمتي كانت معاها صدمتين.. صدمتني كانت في هالمره دبل.
كنت ابي اسالها شرايج تملجين .. دام اخذنا الدبله والحب اكتمل ..


ما نطقت بشي وانا ميت حزين .. والدمع من فوق وجناتي همل
قمت اشاهق مابي انوحي يبين .. كني خيل باعلى صرخاته صهل


قمنا نطالع بعض عين بعين .. ما تكلما إلين الليل حل
قالت انطق لاتقول انزين انزين .. وانا ساكت والفرح عني رحل


كنت اظن احنا لبعضنا مكملين .. مادريت ان الحظ عاند بالفعل
كنت انا وحدي في عالمها سجين .. وكنت اقول الحظ اخيرا اعتدل


قلت لها اذكر كلامج لين الحين .. يوم تقوليلي تراك احسن ريل
صحت فجأه وقلت لها تذكرين . يوم كنا نخطط لشهر العسل ..‍
قلت عشاني قومي ولا تزعلين .. وارضي بالواقع مادام انه حصل
اسمج بيبقى وسط قلبي دفين .. والقمر لازم في يوم بيكتمل
والله بفرح دام انتي بتفرحين . يلا خلينا بعرسج نحتفل
واصفعتني كف عالخد والجبين .. وقالت انت قاعد تكلم طفل..؟


قلت لها وصوتي بنبراته حزين .. اوعديني هالزعل اخر زعل
لانه قلبج ينعرف يوم تزعلين .. والله مو بلايق عليج هذا الزعل
ومهما ناديتج ابد لا تجاولين .. قصه الحب انتهت انتهت مات البطل


افترقنا بعد كل هذي السنين .. وللاسف حبنا في هالمره فشل
انتهى مشوار احلى عاشقين ..كلن بدربه ولكن ما وصل
كل واحد ينسى مع مر السنين . لكن الذكرى امرها مو بسهل
لين اخر يوم في عيني تسكنين .. وصورتج تبقى مثل بدر اكتمل


في بعض الاوقات اقعد مستكين .. بس افكر لين يذبحني الملل
بالفعل قطفوا زهور الياسمين .. قطفوا الزهره قبل ما تكتمل ...!!



للشاعر طارق المحياس

__________________
[flash1=http://dc09.arabsh.com/i/01710/6kqc4vrlelow.swf]WIDTH=400 HEIGHT=350[/flash1]

مشكوره همس الليل
فعلا قصه محزنه اتقن الشاعر تسلسلها في الابيات ماقصرتي

__________________
[flash1=http://www.3rb100.net/2008/4/3rb100_31Qyh6U5zj.swf]WIDTH=500 HEIGHT=300[/flash1]

قالت اصبر قلت انتي تامرين .. وطالعتني بعين يملاها الوجل
ولا اردايا ذرفت دمعتين .. وقالت ان الزين ابد ما يكتمل ..

مشكوره اختي همس الليل ويعطيك العافيه القصيده بها معاني كثير والله يعين المبتلي
لصقت البيتين لان بهم كلام رائع وعاطفي ولك مني الشكر والتقدير على المجهود

__________________
[flash=http://upload.arab-nic.com/pfiles/53249/ash3b%20korh.swf]WIDTH=420 HEIGHT=470[/flash]




slm_emn@hotmail.com

في بعض الاوقات اقعد مستكين .. بس افكر لين يذبحني الملل
بالفعل قطفوا زهور الياسمين .. قطفوا الزهره قبل ما تكتمل ...!!

صح لسان الشاعر طارق
وسلمت انامل همس الليل على طرح هذه الرائعه

يعطيك الف عافية ودمتي بخير حال,,,,,,,

__________________

[align=center]صح لسان الشاعر
وصح لسانك همس لهذا النقل الموفق
دمتِ بعـــز[/align]

__________________

ياهلا فيك أخي عزيز شاكره لك مشاركتك

تحياتي لك

__________________
[flash1=http://dc09.arabsh.com/i/01710/6kqc4vrlelow.swf]WIDTH=400 HEIGHT=350[/flash1]

ياهلا فيك أشعاب خوره

أشكرك على تواجدك ومشاركتك

تحياتي لك
دمت بود

__________________
[flash1=http://dc09.arabsh.com/i/01710/6kqc4vrlelow.swf]WIDTH=400 HEIGHT=350[/flash1]

وسلمت على تواجدك ومشاركتك

تحياتي لك

دمت بحفظ الرحمن

__________________
[flash1=http://dc09.arabsh.com/i/01710/6kqc4vrlelow.swf]WIDTH=400 HEIGHT=350[/flash1]

صح بدنك

شاكره لكِ مشاركتك

تحياتي لكِ

__________________
[flash1=http://dc09.arabsh.com/i/01710/6kqc4vrlelow.swf]WIDTH=400 HEIGHT=350[/flash1]