قصيده متواضعه من تاليفي مكونه من ( 100 ) بيت على وزن وقاف واحد,,, اتمنا تنال اعجابكم

السلام عليكم ورحمة الله وبركاته
حبيت انقل لكم هذا القصيده المكونه من 100 بيت من خط قلمي المتواضع

واتمنا ان تنال اعجابكم
مع العلم
اني اساذنت اخي عاشق شبوه لكي اضعها في موضوع لحاله لان الفكره فكرته
وان القصيده على وزن وقاف واحد مع مراعاه عدم دحق القاف واي ملاحظه انا مستعد

[poem=font=",7,orangered,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
1. يالله ياعالمن بالنوا = والقيت في كل حبه نواه
2. ياواحدن ذي رفعت السما = يارازق الطير ذي في سماه
3. نا عبدك وجيت جر الخطا = ونادم على ماتجره خطاه
4. وبعد الفتى قال بيده رما = وصاب النصع ذي تعجا الرماه
5. وخلا عــــــدوه يدور قفا = لــــما تنـــــــازل وبين قفاه
6. يكن السعودي لارضه ولا =ونحنا لارض السعيده ولاه
7. وماهمني السوق لاهو غلا = مافكر بنسبته او غلاه
8. وكلمه على القلب تبدا بخا = وقلبي قفا موطنه ذي بغاه
9. والخا يجي بعدها حرف وا = ونشمي بلاده يحي من لفاه
10. والواو بعده يجي حرف را = وقوم ن بلا موطن ن هم عراه
11. والحرف ذي بعد را ذاك ها = هي موطني منها ماغناه
12. ارضي عزيزه وانا حبها = وذا الخط ذي ما مشى به حباه
13. والارض ماهم برا جنها = هم للجرايم جميع الجناه
14. فينا الكبير الذي لانها = شف كلنا ننتهي مانهاه
15. ارض التعب هيه وارض الرخا = ومحلى التعب هو ويا الرخا
16. والجيد لاجاه ضيف ونصا = مايخجل الضيف لاهو نصاه
17. نا عولقي والعوالق حما = وياحظ منهو العوالق حماه
18. اصل السياسه لنا والدها = شف في الدها كل ابونا دهاه
19. والجيد لاقد رحل منها = بعده يجي من يحقق مناه
20. انا ذيب بعوي معا من عوا = والذيب يعوي ويعجب عواه
21. ومن ذمني بالخفا او هجا = بصفح ولا يمكن اني اهجاه
22. ومن في تليفونه اسمي محا = اسمه في الصون مابا امحاه
23. وياكل موطن وله مستوا = وانا موطني عالين مستواه
24. الا يامسافر بخط الخلا = معك في المراتب اذا شي خلاه
25. شل المولع على مايبا = وحقق مراده وذي هو يباه
26. مع اهل المحبه نريد السلا = وناسن مع الوقت يبقو سلاه
27. ابا نضره تشلني للعلا = من شعب ذي كل ابوهم علاه
28. مافرق شف كل ابوهم سوا = الاغنيا والفقارا سواه
29. لاشك ارضي ملانه ضما = ومن جا لارضي يحس بضماه
30. لكن مامثلها شي وما = نهنا البقا دونها والحياه
31. وهي للمعذب شفاء ودوا = وللمغترب ذي معذب دواه
32. ولو كان تحمل علينا جفا = لايمكن نكون فيها جفاه
33. ياسايق لجيب ليش الدلا = ورا الموتر اليوم يمشي دلاه
34. ادعس على الجيب لاقصى مدا = وطبلونك لزوم يوصل مداه
35. خل المكينه تحس بدفا = تزيد الحراره ونمسي دفاه
36. شف من تولع يصيبه عما = ومن شوقه يصير بين عماه
37. شعب اليمن حامل انقا النقا = اصل الطهاره وصدق ونقاه
38. ارض العوالق وذي هي لنا = ارض المعيشه وارض الوفاه
39. راضي بارضي ولو بي حفا = ياكم مشينا عليها حفاه
40. ذا موطني دوم حلو النبا = محلا وصوفه ومحلا نباه
41. مهما عيوني عليها غشا = والوقت عتم وزيد غشاه
42. لازال بي شوق وسط الحشا = حشا مانسينا وقلبي حشاه
43. ارضن بها العز كله نشا = سبحان ذي كونه ذي نشاه
44. وجدي كما شاجع ن واحتجا = محاصر وهو قيم في محتجاه
45. ولابه ضخيره ولاهو نجا = وامسى يدور لحبل النجاه
46. ويحجب عن الشوف ليل الدجا = ومع كثرة المار زيد دجاه
47. ذي يرفع الراس تاك اللحا = شعب ن يشرف وتعجب لحاه
48. عيوني قدا الارض تتمقلا = صنعا عدن مع تعز وجباه
49. والفكر غادي وضاع الرجا = ومن همومه العقل ضيع رجاه
50. يالله دخيلك حد البلا = وماقاسي الوقت تمحي بلاه
51. من موطن الخير لارض العدا = ذي لي وللدين اكبر عداه
52. متى نطعم العيش هو والغذا = في موطن الخير مجمل غذاه
53. وبعد الغدا ذاك ياتي عشا = وماباتميز غداه هو وعشاه
54. نحنا فدا للوطن بالندا = مهما المسافه نلبي نداه
55. فيه البدايات فيه الربا = كما تعبنا حضنا رباه
56. هذا هوا الجود واعظم سخا = بالله ياكيف ننسا سخاه
57. وكل ابن جنسين مهما جنا = يجزا على قد ذي هو جناه
58. وان كان سراق ولا زنا = هذا حرامي وهذا زناه
59. من يغزي القوم لاهو غزا = لازم يجمع سلاح وغزاه
60. ماتخطي الجول ضربة جزا = ولا به مهاجم يضيع جزاه
61. وان ضيع الجول هذا خزا = وجمهوره يقوم يعلن خزاه
62. ومن يحمل بديرته شي اذا = يرجع على راس قومه اذاه
63. ومن يجحد الناس بايعوزا = ووقته ونفسه هم لحوزاه
64. والوادي اليوم عندي ضنا = مايطعم العيش فاقد ضناه
65. شوق القنيف الذي لابنا = تمسي عيوني تخيل بناه
66. والبارق اليوم منه دنا = ويصيب وديان ذي هي دناه
67. وامسي مثل شيخ عنده عنا = مبسوط متجملن في عناه
68. وانا في المحبه كرهت الهوا = وكل المحبين ذي هم هواه
69. ياكم تمنيت يوم اللقا = ياجل مماتي وعيش بلقاه
70. ويدي قصيره على ماترا = لايمكن تنال ذي هي تراه
71. وعيشن بلا الزين ما لذنا = وذقنا مراره ولاشي حلاه
72. بديت الهوا به وفيه انتها = وهو مع زمانه لنا منتهاه
73. قلبي المولع تعنا وجا = وياكم تعنا من اجله وجاه
74. ومازلت انا حافضن للوفا = وهو مادرينا معا من وفاه
75. بنقش له الحب فوق الصفا = وبايكسر الحب اكبر صفاه
76. ياذي تلوم الفتى ذي طفا = وطفا الفيوز الهوا ذي طفاه
77. ولكن انا مش من اهل الحوا = ذي في المحبه يتمو حواه
78. والله مغرق وبني نجا = وبسبح مع الموج لما النجاه
79. ياطاير الريح شل الوصا = شل للمحبين مني وصاه
80. في موسط الجوف نار اللضا = والجمر وقاد ملحوظ ضاه
81. من بعدهم هيم مقدر ارا = سلم على الزين لنته تراه
82. شف واجد الشوق برق ن سنا = يحرق وللناس يعجب سناه
83. والحب باينتثر لا حكا = به من حكا به لاهو حكاه
84. يعجبني الشاب لاهو استحا = والامر لاذا ما اعجبه واستحاه
85. يختار مع رغبته وانتقا = احلى مهما مذهله منتقاه
86. يامجمل اليوم عين المها = وكلن من القوم يهوا مهاه
87. مني سلامين شبوه سبا =ذي من سباكم بذنبه سباه
88. ماواجد الغيم برقه سرا =وامسا ينور على ذي سراه
89. وماباع تاجر وعاد اشترا = وبالربح باع الذي قد شراه
90. ومايكتب العلم ذي ق قرا = وبه ننتفع منه وماقراه
91. ومايطحن الحب راعي الرحا = واعداد ماهوه دور رحاه
92. والعيب لاجيت قبل البرا = لازم على الجيد يعلن براه
93. والدهر مضمار كلن جرا = حد ذي مشا به وحد ذي جراه
94. ورجل الملازيم لاقد بدا = يوفي مع الناس ماقد بداه
95. وقمري المحبين لاقد شدا = يعجب فوادي ومحلا شداه
96. يحمس ضلوعي وقلبي قلا = والقلب محروق من ذي قلاه
97. والهاجس اليوم جا واتكا = هوه اتكا بي وبدني اتكاه
98. واشعر على القلب هم انجلا = ذا هاجسي اليوم همي جلاه
99. ذا هاجسي هوه ليه عزا = وانا له وهويعتبرني عزاه
100. والختم صلو على المصطفا = ذي مالك الملك هو ذي اصطفاه[/poem]

[align=center]ورجل الملازيـم لاقـد بـدا
يوفـي مـع النـاس ماقـد بــداه

صح لسانك اخوي نجم
رائعة تستحق الثناء
احساس راقي تجسد في هذه السطور المرصعة بالدرر

وينك من زمان ننتظر هذه الابداعات

لك مني كل الود [/align]

مشكور اخي جريح خوره على مرورك ومتابعتك ولاهنت
اعذرني هذه الايام مشغول مع الكليه وادور شغل باتلقا لنا شغل بالحول الدراسه عندكم ضبحنا من تبوك

لا تزال ينابيع الابداع تتدفق لتروي ظمأ القلوب

ابدعت وتميزت

لك مني اجمل التحايا،،،،،،،،،

صــــــــــح ح ح ح ح ح ح ح ح لســــــــــــــانك ك ك ك ك ك ك

اشكرك اخي زهوان1 ماقصرت
وانت اخي عاشق فالنسيا مشكوووووووور

صح لسانك ياشاعر المنتدى مع كل الاحترام لشعار المنتدى ولا تحرمنا من ابياتك الجميله

ابدعت يانجم الضهيرة هذا ليست قصيدة ولانستطيع ان نطلق عليها قصيدة وسوف نظلمها اذا قلنا قصيدة هذه ملحمة وفارسها هو نجم الضهيرة هذه معلقة كبيرة وجهد تستحق الف شكر علية
ما شاء الله عليك ابدعت وتقبل مروري ..

لاتنسى الموضوع حقنا ..

اشكرك اخي صقر خوره على مرورك وعلى الاطراء الجميل اكر شكري ولاهنت
وانت اخي عاشق شبوه اخجلتني بردك الجميل مشكور والله ويعطيك الف الف عافيه يالجودي

صح لسانك والى المعلقات