محسن لزنم ابولمى....موته شريفه

عشت الهموم وشفتهاشكال والوان....
حتى انها صارت همومي مخيفه....

الوضع يرميني على كف شيطان....
والحظ واضعني على حدسيفه....

فاليسمع الشاعرعلي بن شريفان....
دامه خليفي من قبيلة خليفه....

الياس يقضي عاﻻمل بعض لحيان...
بالذات ﻻواجهت صدمه عنيفه....

ولنسان يتمنا ولكن لنسان. ..
ماتمشي الدنياعلى حسب كيفه....

ليه اصبحت شبوه كماجنوب لبنان...
وليه غارات التحالف خفيفه...

وليه نطلب عون من بعض لخوان...
وليه ﻻتوجدنوايانظيفه....

اناعرف ان المعتدي دوم خسران....
لوله رجال تهجعه مثل قيفه...

واﻻكمااصحاب المعﻼوشمسان....
ذي يضربون المعتدي في صنيفه...

قومولها يارجالهاوقتهاحان...
من قبلمايمتس عرض العفيفه...

ﻻزم نسوق ارواحنادون حسبان...
على اﻻقل نموت موته شريفه...

سلم على ابن عميريابن شريفان...
عدادماالبارق لمافي قنيفه...

رجال له هيبه ورجال له شان....
ورجال له موقف ونيته نظيفه

جواب علي بن شريفان الخليفي

من يوم ما ربي خلقني إلى اﻵن
ماهزني شاعر بكلمه لطيفه

واليوم جات اقوالكم يابن ديان
واهتز قلبي الف هزه عنيفه

واهتزت الدنيا بحمير ونعمان
وهز قاع بني هﻼل وخليفه

والكور به هزه وهزه ببيحان
وتهزهزت كل الحيود المنيفه

اقوال بن لزنم معاني وقيفان
رشت كباد اذواقنا من قنيفه

قريت كلماته وباليد فنجان
واهتز بيدي واختلط كيف كيفه

كنه بغيه من عسل نوب جردان
يشفي قلوب اهل الكباد الرهيفه

ذي مزقتها شفرة القهر ﻻحان
حانت معه وتحنحنت من رجيفه

ها بعدها ياطارشي فوق نيسان
معك علي لروس برمحه وسيفه

روحوا لخوره حيث لجواد حﻼن
اهل المكارم والقلوب النظيفه

ذي يكرمون الضيف وإن جات ضيفان
يتقاسمون الجود كلن بضيفه

قولوا لهم ذه من علي بن شريفان
شاعر رجال الله وشاعر خليفه

يموت ﻻماتوا وﻻ نهاهوا انهان
وفي الشرف يأخذ ثمين ونصيفه

ويترك الباقي لهم وين ماكان
اهل الشرف درع الحياه الشريفه

واليوم وضع القوم مزري وﻻ بان
فيه الزرا والوقت يقطع بسيفه

مدحت لي أهل المعﻼ وشمسان
ومدحت يا محسن رجاجيل قيفه

انا أشهد انك قلت واقع ولزمان
تشهد لهم والكفو يمﻸ كريفه

ﻻشاف جلد البرق في روس لمزان
يصلح سواقيها ويوبه لريفه

فﻼحنا يابو لمى شبه كسﻼن
ورث من الفرش العزيز القطيفه

في موسم الرايه معصب وزعﻼن
وﻻ ذرا والخوف ماحد يخيفه

والناس تذرا طينها والقصب زان
وهو مخزن قات من قات قيفه

وقاتهم ما ذاقهم سم لبدان
في شرعهم حتى غنمهم تعيفه

واحنا غنمنا تأكل أشكال ولوان
ﻻ همهما مالك وﻻ بو حنيفه

بالمختصر ﻻيمان يثمر باﻻيمان
في القلب واهله عزهم في نزيفه

والقلب ذي خسران يموت خسران
والجرح في قلب الردي جرح جيفه

ذا فصل والثاني مدحتوا لي إنسان
اسمه ترسخ في قلوب ال خليفه

انا أشهد انه كفو وافي وله شأن
ما يمدح ابن عمير اﻻ وليفه

وله مواقف يوم قتل الشهيدان
وهو معه في اﻷمن اكبر وظيفه

واليوم له بصمات في كل ميدان
وفي رصيد المجد مجده نضيفه

والمعذره ﻻ شي قصر يابن ديان
شف عين تبكي دم وأخرى كفيفه

أما عتق با ترتمي فيه لكفان
وكل واحد يأخذه من رصيفه

وﻻ تحرر من عفن اهل مران
اهل اﻷراضي يطرحون النصيفه

والختم صلوا ع النبي نسل عدنان
ذي سن دستور الحياه الشريفه

تمت

__________________