بريد همس الخواطر وعذب الكلام.. قل ولو كذابا كلام ناعما..

أن زان لك وقتك تخير بالأصحاب وان شان وقتك كلهم مايبونك

أن جيتهم قامو يحدّون الأنياب وان رحت عنهم بالقفا يشذبونك

لا..دبّرت دنياك والحظّ ماطاب الناس لا..من طحت مايرحمونك

أهل السيوف اللي يقصّون الأرقاب أمّا كفاهم واقعك يظلمونك

لا..تامن العقرب ولاتامن الداب السمّ واحد لا..رقا في متونك

ياجاهل الدنيا ودورات الأسباب أعرف ترى من خان غيرك يخونك

لو كان لك ربع(ن) موالين واحباب لابدّهم عقب الغلا ينكرونك

وقت(ن) يشيّب بالمخاليق ماشاب أسأل رجال(ن) جرّبو يخبرونك

واحذر تخاوي كل هافي وكذّاب أهل الردى بطبوعهم يطبعونك

أرفع مقامك عن رديين الأ نساب لو شفتهم في حضرتك يمدحونك

فارق ثراهم وارق في راس مرقاب أبعد عن اللي لونهم غير لونك

خلاّن مال ومالهم ربع واقراب لاقلّ مالك عدّهم يكرهونك

أعتاض فيهم من طويلين الأشناب اللي الى مال الدهر ينفعونك

لاصكتك دنياك وافترّ دولاب بانت مواقفهم ولا يرخصونك

هذا رفيقك من قريبين واجناب ذخرك وهم في واجبك يذخرونك

عندك قريبين (ن) ولو قلت غيّاب على صدى صوت الندى ياصلونك

ياللي سمعت العلم لاتفتح الباب لاتنحشر في شي ماهوب شونك

ربعك ألى من شفتهم صارو احزاب وتشاورو بالراي والعلم دونك

لاتبدي برايك عليهم ولو صاب لو صحت باعلى الصوت مايسمعونك

ومن لاحسبّلك لاتسوي له حساب لو كان يسوى وحدة(ن) من عيونك

وإنتهينا ,
والزمن يضحك علينا ..
لا بكينا !

والوداع { اللي دريت إنه نصيبي ..
يا حبيبي ..
مو بيدينا !

ما علينا ..
أدري ظروفك قويّة يا حبيبي ..
يا حبيبي ..
يا حبيبي ..
يا حبيبي ..

وأكثر اللي بأفقده كلمة " حبيبي " .
كانت شفاهك ..
تهاجاها علي .. كنّها قصيدة !
مب جديدة ..
بس ما مرت علينا !

كل أمانينا ..
وأحلام الحبايب !
طيرتها الريح ..
طالبك .. ما تصيح !!

دامنا ..
صدق إنتهينا ,
والزمن يركض وهو يضحك علينا ..
لا بكينا !!


صرت قاسي ..
صرت أصب أحلامي الحلوة بكاسي .
وأكسره !
صرت أخاف أتذكره ..

وقبل ميلاد الظروف اللي احصلت لك ..
بعت ناسي !!

ماأحس ..
برقة القمرى وهي تضوي جبينك ..
أو احس ..
برقة القمرى .. ولا أدري إنت وينك !!

يا { حبيبي ..
ظنك الدنيا تنسينا بعضنا ؟!
لك معي بأكثر تفاصيلي .. [ ملامح ] ..
إمسح أبياتي من الدنيا ..
وأنا والله [ مسامح ] !!

من زمان اتخيل إحساسي وانا أودعك .. \ راحل ..
للحنين !
لآخر حدود المدينة والسواحل ..
{ للسنين !
اللي مثل جسمي وأنا .. \ ناحل ..
يا حبيبي ..
يا حبيبي ..
يا حبيبي ..

يا أعز إنسان يطعني وأنا راضي عليه ..
يا أحن أحضان ضمتني وأنا غارق بعيبي .. قول: ليه !

ليه أحس إنك تحاول من زمان ..
وآخر أيامك قدرت !
لين بان ..
نظرة الواقع بعينك ..
صورتي وآنا أدور عنك وينك ..
قلي بس .. وش صار فينا !
وين كل وعودنا ؟
وين آثار البكى بخدودنا ؟
وين حلفك لي :
إذا طاري على الهجران طاري ..
ما تصد !!

تشرح أعذارك ..
وأنا والله مسامح !!

ما علينا ..
يمكن العشق القديم يظل فينا !
أو يموت إليا بكينا ؟!

المهم ..

إنّا إنتهينا ..
والزمن يضحك على باقي حكينا ..
والوداع اللي دريت انه نصيبي !
يا حبيبي ..
يا حبيبي ..
يا حبيبي ..
مو بيدينا !

احــيانا يمنع اللّه عنك مَآ … [ تريد ] , ليمنحك مَا …. [ تحتاج ] ............
قالَ أحَد الحُكمَاء:
إذِا كَانَت الأُمُور تَجرِي وِفْقاً لِرَغبَتِك فَ أنتَ [ مَحظوُظ ] !!

وَ إِذا لَم تَكُن كَذَلِك فَ أنتَ أكثَرُ حظّاً لِأنهاَ تَجري وِفقاً لِـ رَغبةِ اللَه تَعالىَ

تشرح أعذارك ..
وأنا والله مسامح !!

حبيبي لي وحدي ........
عجز نفسي ولساني
فأصاحب صمتي وخليل كأسي ولساني
احبكِ كانت أجمل أللحاني
ولأكن
خوفي من الحب حرماني
أراك تراني
وتلاحق مكاني
وان غبت أتوه بين حرفاني
ح....حلة على شاطئ حبك عقدت لساني
ب......بلبلت
جفائي وخربتي كياني
.......
فلا تعال رقم خطواتي وكون أنت في مكاني
لتحس أني من لهيب الشوق أعاني
احبك يا من طرقت أزماني
فكتاب اليوم ان حروفهُ والاكن أنا أخاف من ضعفي وحرماني
ما أراك غير ملكاً اجتاح أوراقي
وعاطفة هزة اشواقي
وبعداً في بعده يشتعل فراقِِ ِ
تعال فما عدتُ أحس بنفسي
وما أحس حسي
فيبن شوقي وجمرة كأسي
وبين قدماي ورأسي
أحسك في حسي
ولأكن أخاف نفسي على نفسي
إن تنساني وتكون أنت نفسي
بين ذكراهم وزماني
بين رحل بعض الحاني
ما كنت اضن ان يكون لهم نسياني
جئت فأخذت كل أللحاني
فلحن الحب لك ينادي
بأيماني
يا حبيبي
قد ملكتني وغلبت شيطاني
احبك يا ارق أللحاني
تعال ورسم خارطة حبك على أجزائي
ولا تكن لغيري
فأنت حبي لي لوحدي

الهوى لوعه
ومن يعشقك يلتاع قلبه ياهوى
ياحبيب الروح يالعشق يا خيرالدوى
يانورعيني فوادي من الشوق اكتوى
ومالي على بعد المحبين صبراً ياهوى

الهوى لسعة
ان بادرت قلب رحب بها ورفضها لايقوى
تروي عطش القلب ومن سمها يُرتوى

قلت : {أحبك } والتقت عيني بعينه

وارتعش قلبي بصدري ينتظر منه جواب
***

طوّل بصمته حبيبي وماتبيّن لي حنينه
مرّت اللحظةسنين وصارت الدنيا سراب
***

إقتربت شوي منه ويدّي{محتضنه} يمينه

ماتحرّك فيه ساكن .. وانكسر ظنّي وخاب

***

إنتظرته يحتضنّي .. يحتويني في يدينه
إنتظرته يقول:أحبك حب ياصل للسحاب
***

كنت أبيه يحس فيني ويبعث بقلبي السكينه
لمّا أحتاجه .. ألاقي (شخص ) لايمكن يهاب
***
لكن اللي كنت أشوفه .. حطّم بصدري ضنينه
صرت أشوف الدرب أظلم ..موحش وكلّه إرتياب
***
إبتدا صدري يئن..وحطّم إحساسي أنينه
وارتوى خدي بدموعي ..واكتسى العالم ضباب
***
آآآآآآآآآه ياقسوة زماني ..آآآآآآآه ياظلمة سنينه
آآآآآآآآآه ياحزني المؤبد ..آآآآآآآآه يادنيا العذاب
***
ليه قلت ..الكلمة هذي...!!كم هاللحظة مهينه
أنتظرمنه يجاوب..وتاه بلسانه الجواب
***
||بعد...لحظات كنت أحسبها دهور ||


قال: ياعمري وحياتي هذي..الكلمة ثمينه
صعب ينطقها لساني .. [قلبي ] من ذا الحب [تاب ]
***
أنتظر منّه يكمل ..و عيني مازالت ب عينه
إكتفى ( ب تلك) العبارة و..ابتعد عني وغاب

انا صديق الهم والحزن والويل = وانا الذي محروم من شوف خله

انا الذي ساهر على شانه الليل = وانا الذي عد النجوم الاهله

من عشقة المزيون ما عادلي حيل = قصة هوانا مثل عنتر وعبله

ياطير متعود تشل المراسيل = دور حبيب الروح قله وقله

قله عيوني دمعها يشبه السيل = وقلبي المجروح به مية عله

ومن فراقه حس لوعه وتعليل= وعيشتي صارت بدونه ممله

يامخظب الكفين يامخاوش الخيل = يا غيث يسقي كل وادي ورمله

ياسعد والمرزم ويانجمة سهيل = يا بارقا يلمي على النهج كله

يا ليم مصري يزرعونه على النيل= يا تمر بغدادي على نهر دجله

كم ناس من نضرة عيونك مقاتيل= حرام من يهواك ترضى بقتله

ما شفت مثلك في بلاد المناهيل= ولا شبيهك بين رامه وحله

كل ما ذكرتك هل دمعي مساييل= من يعشقك لابد دمعه يهله

خليتني امشي واردد اقاويل= واحكي مع نفسي اذا اغفلت غفله

واقول ليش الطير اكبر من الفيل= وابغا اطرح الدنيا على ظهر نمله

يعني انا مجنون جمله وتفصيل= الله يكون بعون من راح عقله

وين الوعد يامخلف الوعد وينـهوعدتني واخلفت وعـدك بعينـه
ماكن عهد بيننا امسى ولا صـارمدري نسيت الوعـد والا لغيتـه
في زحمة ايام مواعيدها اقصـاريمكن تذكر وعـد بينـك وبينـه
ويمكن تدور عني اعلوم واخبـاركأنك تبادلنـي شعـوري بحينـه
فانا ترى مغـرم متيـم ومحتـارقمت اتذكر يحسب انـي نسيتـه
والله ماانسى واحد حبـه اعمـارباحاول انسى لونـي مـا قويتـه
وباحاول اتحمل على الوجد صباراول الـى منـي بغيتـه لقيـتـه
والحين وين القـاه دار بـدل داراحلى وعد واحلى لقا صار وينه
يامن يدل الدرب يمه إلـى سـاريشتاق له شوق(ن)يزيـد بحنينـه