بريد همس الخواطر وعذب الكلام.. قل ولو كذابا كلام ناعما..

مايبيع العشره غير ناكرها

وانا الله عطاني من طبعي الوفا

وصرت اشتري حتى من باعني

لاني ماعرف شلون اجازي الناس بجزاهم لي

من يبيع العمر عمره ماشرا
والحياه اصناف وف الدنيا عدا

يالله تصبحون على خير وسلام دوام

[align=center]
تنام الذكريـات الموجعـة فـي صـدري الليلـة
و تصحى ذكريات الماضي اللي راح .. وأحبابـي

كثر ما بي من طعون الحبيب إشتقت أحكـي لـه
عن ( الماء ) في يديه و ( وردة الأشواق ) بترابي

عسى باقي حبيبـي يمسـح الدمعـة بمنديلـه !!
أخبره لا بكى .. يطـري عليـه شكثـر سوّا بـي

على باب الرجا كنـت أنتظـر رحمـة مراسيلـه
إلين الله رحمني من قسـاه .. وموّت أعصابـي

تحملـت الحيـاة البـاردة مـن قلـة الحيـلـة
وأنا أدري هالغياب اللي حصل كله مـن أسبابـي

عطيته كل ما يطـري عليـه .. وزاد حبـي لـه
إلين إتساهل دروب الجفـا وإتساهـل غيابـي !!

يقول إن الظروف اللـي بـدت تاكـل محاصيلـه
وأنا أشوف الظروف اللي يقـول تـزود أتعابـي

أنـا كنـت أكرمـه بمحبتـي وأرضـى بتقليلـه
وهو يقسى كثير .. ويرضي غروره على حسابي

ولكنـي أحبـه .. لـو بـدت تطفـى قناديلـة !!
شعلت النار بالصـدر وبقى .. لو شبـت ثيابـي

لقيتـه بعـد مـا صـك القـدر آخـر مداهيلـة
ولا ظني غلطـت بعشقـي اللـي راح وعتابـي

على ذكـراه كانـت ليلـة البـارح .. وهالليلـة
ولا أدري لو بعد طول غيابه ويـش يجرا بي !؟

لشاعرها : عبدالله البكر

[/align]

[align=center]
رُغِمْ كُلْ / أوجَاعِي .. وَقَدِرِنَا المُنْهَكْ ! إلآ انِيِ أَعْشَقْ كُل تَفَاصِيِلْ [ حِكِايتِنَِا ] آعْشَقْ / ( وُجُودَكْ ) فِي حَياَتِي ! وَ رِغُمْ تأَفَفِي مِنْ قَدَرِي إلآ إنْ لَو لَمْ يَحْصُلْ لِي فِي هَذِه الدُنِيَِا إلا ( أنِتْ ) فَتَأكَدْ إنِي الأَسَعَدْ قَدَرَآ !
[/align]

طال السهر ياصااحبي وانت مابنت
ماكنك اللي قلت لي نسهــر الليل
كانك نعست ونمت شفني فلا خنت
سااهر بطيفك والسهر يكسر الحيل

جيتك انا والحب والخيـل والليـل
والورد والكـادي ونسمـهْ عليلـه
اشـوف لعيونـك بقلبـي تماثيـل
الله يـاوجـد الخلـيـل لخليـلـه
مالي مـن الدنيـا هنـاهْ وتعاليـل
الاّ حبيبـي كلّمـا ضقـت اجيلـه

في فؤادي شوق لو يقرأ حروفه
يعرف انه بالحشا همي الوحيد
وفي عيوني خوف ما ودي يشوفه
خوفي من الوقت ياخذني بعيد
لو سألني القلب وش يخفي بجوفه
جاوبته الاآه شوقي له يزيد

هلا باللي أحبه كثر تعذيبه
وكثر ما هو يغيب وكثر ترحابي

حبيبي هو ولو ما قـصر الغيبه
ولو عن بسمتي قد طول غيابي

أعرفه زين واعيتني اساليبه
عدوي يوم ويوم اقرب من اصحابي

ياليتني ارسام وارسمك وامحيك
وارسمك مره ثانية وافتخر بك
وارفعك فوق النجم وارجع ووطيك
وارسمك مره ثااانية واحتفظ بك
واشعلك نجمه للمحبين واضويك
وارسمك مره ثالثه واحترق بك