الحب جملة تحترق لين تنقال
شعور غامض صعب شي خيالي
تحس في قلبك من الشوق زلزال
نار توقد والسبب بعد غالي
تعبت عقبك حيل ما تشوف هالحال
واصبحت مثل الي من العقل خالي

__________________

ياللي كتبتي من دم القلب حبك
الله حسيبك كيف هان ومحيتيه
يا هاجرة ما خفتي الله ربك
في قلبي اللي طول عمرك ملكتيه

__________________

احبك رغم تجريح الليالي لقلبي المقهور
أشوف الجرح يكبر وأنت تكبر وسط تفكيري
احبك لو يموت الحب وتصير القلوب قبور
احبك كلمه لو حرموها حل تفكيري
احبك من هنا حتى طلوع الفجر حد النور

__________________

رق الخفوق اللي عروقه تلون
من كثر ما عاف الصبر والتوابه
مشتاق لك يا من غرامه تكون
في كل ما في الكون صدقه وسرابه
مشتاق لك يا من لعينه أدون
أجمل معاني الحب بأحلى كتابه

__________________

يا ليتني شمس تداعب جبينك
اشرق على خدك وحضني يدفيك
يا ليتني قمر يضوي سنينك
امسي على نورك ونوري يمسيك
يا ليتني ما بين رمشك وعينك
اشوف لك دربك وانا تايه فيك

__________________

ان غبت لحظه تهل العين لك عبره
والقلب توقف على فرقاك دقاته
والعقل يتلف وحالي ينتهي صبره
والصدر في غيبتك ياكثر ضيقاته
شفت الوطن ياعديل الروح وش كبره
تضيق فيني بعد هجرك مساحاته

__________________

الله يعين الروح كم هي تمنى
شوف الحبيب ساعة عقب حرمان
والله يجازي اللي بلطفه هدمنا
وقت تبدل وأصبح الوصل هجران
أقفى عشير الروح راح وتركنا
وشوك الثرى دسناه في درب الأحزان

__________________

لو غديت بدرب حبك وش يصير
كم سفينة ضاعت بعرض البحر
لو نزل دمعي على شانك غزير
يستحق الورد رشات المطر
لو بقيت الليل من شانك سهير
تستلذ العين لأجلك بالسهر
لو فؤادي كل ماشفتك يطير
من يلوم الطير في حب الشجر

__________________

ولع رماد الشوق يا معذبي نار
من كان يحلم بشتعال الرمادي
ما كنت أحسب إنه يكون اللقا حار
لين إلتقينا و أشبكتنا الأيادي
و قامت لنا الذكرى تغني على الطار
تنساب بأسماعي نغم حب هادي
حسيت شي لفني مثل الإعصار
واستيقظت نشوة غلاك بفؤادي

__________________

أدق هاجوس الغلا وأشعل الضو
وأمدح رفيقي يوم يطري عليا
له منزل ركنه عزم نجمة الجو
متمركز بين القمر والثريا

__________________