للبنات فقط ممنوع دخول الشباب ولي يدش ياويله

يالله نبداء وبه نستعين

1- عرفينا عن نفسك وخاصة في المطبخ ؟
احيانا احسن مني مافي وتطلع مني سوالف عجيبة واحيانا احرق حتى البيض
وخصوصا اذا كنت معصبة

2- وجبتك المفضلة ؟
البشاميل مع اي شي وكل شي

3- طبق تحبين تسوينه كثير ؟
المعكرونة بانواعها علشان العيال طالعين علي اي شي بس المهم معكرونة

4- أكله تحبها عائلتك وانتي لا تحبيها ؟
مرقة السمك مااحبها ولااعرف اسويها بس الشباب يموتون عليها

5- متى تعلمتي الطبخ ؟ ام مازلتى لا تعرفين الطبخ؟
لما تزوجت تعلمت وهو الي علمني وبعده احسن مني

6- أول كتاب طبخ أستعنتي به ؟
مااذكر اسم الكتاب وزوجي الي شراه لي

7- أول طبخه طبختيها ؟
طبعا وكل تأكيد المعكرونة

8- كم مرة أحترقت الطبخة معاكي ؟
كثر شعر راسك ان ماكان اكثر
اطبخ بكل معنى الكلمة ولما اخلص الطبخة انتظرها نستوي على نار هادية انام عنها وطبعا انتوا تعرفون الباقي

9- مين قدوتك بالمطبخ ؟
اختي .... نفسها حلو بالطبخ وتفنن بالاكلة كانها اكلة ثانية

10- هل تحبين أن يشاركك أحد بالمطبخ ؟
اكيد احب الاراء ..

11- طبخه طبختيها وفشلتي ... وما هو شعورك وقتها والكل منتظر ؟
مرقة السمك ... ما احب التعليق الثقيل

12- طبخة طبختيها والكل مدحك ؟
البشاميل والهريس

13- إذا خربت عليك الطبخه ماذا تفعلين ؟ ترميها أم تضطرين أن تأكليها؟
الغنم والدجاج عند عمتي

14- موقف طريف صار معكي في المطبخ ؟
اول ما انتقلنا من بيت عمي لشقنتا زارنا عمي " ابوزوجي " وهو عمي " اخوابوي " وكان اكله منظم وبوقت
7 الفطور ،، 12,30 الغدى ،، و8 العشى
وكان طالب مكبوس " يعني كبسة " .... سويت الغدى وجهزت السفرة بس انتظرهم متى يردون من طلعتهم
والحلوة قعدت تطالع التلفزيون وشوي شوي خذتها النومة وما وعيت الا على صوت زوجي وابوه وينادوني اذا انا في البيت والا لا وموقادرة اشوف اي شي قدامي من الدخان ،،، لان القدر احترق وتصخم
على فكرة بعدي محتفظة بالقدر ذكر فنااااااااااااااااانة

15- يعتمد عليكي في المطبخ أم لا ؟
اكيد

16- هل ترتدين المريلة أثناء الطبخ ؟
ولا بعمري شريتها

17- هل تستمعي لشئ أثناء الطبخ ؟
fm الامارات

18- أكتبي لنا طبق مفضل من إختيارك ؟
البشاميل

19- عضوه تعجبك وتحسين انها شطورة بالطبخ؟
الي اعرفهم تواجدوا ،، واظهروا فنونهم

20- ماهي الأطباق الشعبية المشهورة في بلدك ؟
البلاليط والهريس والثريد والعرسية والمظروبة وووو
الي خطر على بالي

21- ماهو الطبق الشعبي الذي مازلتي تطبخينه وتحبينه ؟
البلاليط

22- هل انتي من نوع الي دووم تحترق اصابعكي بالمطبخ ؟
لا اقص اصابعي

23-هل انتي لهلوبة يعني بسرعة تحفظي الوصفات؟
احيانا

24-شو اكثر شي تضايقي منه وانتي تطبخي ؟
ماتضبط الطبخة عندي

25- نصيحه توجهينها لطباخة ناجحة ؟
كثري من معازيمك

26- نصيحة توجهيها لطباخة مبتادئة ؟
الطبخ بحر وفن

27-هل تحبين الوجبات السريعه(التيك اوى)؟
نادرا على المزاج

28-هل تكثر من طلب الدلفرى؟
طبعا لا لانه غير صحي

29-اكثر اكله تطبخها امك وتحس انها الاطعم فى الدنيا؟..
تحته دجاج ( وبالبحريني " في قاعته " )

30- كوب عصير تحبيه ؟
الافاكادو بدون عسل مع ثلج

نورتي المطبخ ...وكرسى مائدة المطبخ
منو قالك اني لمبة
انتي بعد الله يسامحك
امزح معاك

بسومتنا بتختار لنا

ههههههههههههههههههههههههههه
يسلموووووو لزيم اما الموقف الي صارلج عجييييب الحمد لله على سلامتج
منوووووورة غناتي جوعتيني ونا صايمة خخخخخخخ

انا اخترت قمريشن وللحين ماجت مدري بلاها شكلي بسحبها من شعرها غصب
تحياتي لج