:: معابر الى مملكة حزني ::

لقيتك بـلا ميعـاد وانـا علـى ميعـاد
وصرت انت ميعادي وخليـت ميعـادي
لمحتك سنـا بـرقٍ وحثحثتنـي رعّـاد
تبسمت لـي والقلـب نبضاتـه تنـادي
هلا بصدفةٍ تحـي بـلاد وتشـب بـلاد
هـلا ياحيـا قلبـي ونيـران حسـادي
هلا يامزون الزين ياوبلهـا اللـي جـاد
هلا بريحة اليشمـوم والفـل والكـادي
هلا ياوفـي العهـد يالخايـن الجحّـاد
هلا ياهنـا عينـي وتنقيـض مرقـادي
تواريت عن عيني على حـزة المهجـاد
ولا شفت لك بينه سوى داخـل افـوادي
من اقفيت والأعياد ماغير بإسـم أعيـاد
ياوين أهتني بالعيـد يافرحـة أعيـادي
أصدر مـن الأحـزان يـم العنـا ورّاد
ولا شرب يرويني ... ولا طعم في زادي
أغني على الأشهاد وتحن لـي الأشهـاد
ولا حن قلبـك يـوم تحسـي تنشّـادي
ترى القلب دون شعور .. بيتٍ بليا أعماد
وبيت بليا أعمـاد .. طايـح ولا فـادي
ومتكبرٍ مشتاق ؟ .. حرٍ بـه الأصفـاد
وحر بـه الأصفـاد .. مافـز لمنـادي
وحب بلا ميصـال .. جايـع بليـا زاد
وجايـع بليـا زاد ؟ للمـوت منقـادي
وودٍ فقد تقديره ..؟ إن مانقـص مـازاد
لأنـه بـلا تقديـر آلافــه آحــادي
ياكم حث قلبي خطوتـي تايـه ونشّـاد
هل الحب ماعيّن حداكم هوى غـادي ؟
وهاليوم شفتك صدفـةٍ ماهـي بميعـاد
وخليت ميعادي .. وصرت أنت ميعادي

بعيش جوي واترك الناس للناس
مالي ومال اهل العقول الخفيفه

بنثر حروفي كل مادق هوجاس
والله يعين انسان فارق وليفه

تستآانس [ الروح ] .. بـِ قربكْ لها ,
لا تقطع الروح من شي يونسهآ !

يعلم الله لك معزه جاوزت كل الحدوود...
لو بغيت احسب مداها ...
ما كفاني هالوجود..

للحرف فيني قصة إنسان وأحزان
بين الجروح يعيش ماضيه بسكات
إن جاء بينطق مالقى غير جدران
من صد وأﻻ‌ صمت وأﻻ‌ متاهات*

قصتي بالليـل تكتبهـا النجـوم
فوق صفحات السمـاء بشراقهـا
بحروف الأحزان وسطور الهموم
خطوة الواقع من اقصى اعماقها
هي وليف المغرم اللـي ماينـوم
كـل عشـاق السهـر عشاقهـا
مستريح البال محـد لـه يلـوم
عنـده الدنيـا سـوى وفراقهـا
وهني اللي من العقـل محـروم
ماعرف نـار الجفـا واحراقهـا

مرَّتني الدَّنيا .. بتسأل عن خبر
مابه جديد ..
عُشَّاق ليله تفارقوا .. وصاروا بعيد ..
لاطاحت نجوم السما .. ولاتاه في الظَّلما قمر
لاتاقف الدَّنيا .. وتسأل عن خبر
مابه جديد ..

أسهل مِن الكِذبه .. على شف الطفل
فرقى الأحبه ياهوى
أحلى مِن الحِلم الَّلي ودَّي لو كِمل
كانت ليالينا سوى ..
لاطاحت نجوم السما .. ولاتاه في الظَّلما قمر
لاتاقف الدَّنيا وتسأل عن خبر
مابه جديد ..

لاتاقف الدَّنيا .. على أول طريق ..
فرقى الأحبه ياهوى ..
لاتسأل جروحي مِتى خان الرفيق ..
عهد المحبَّه والهوى
لاطاحت نجوم السما .. ولاتاه في الظَّلما قمر
لاتاقف الدَّنيا وتسأل عن خبر
مابه جديد ..

يَآخُطوَة الحِــلـم نآمِي وَسط ديبـآجِك
وِالاّ اتركيني وَ خلّي الدرب و ارتحلِي
آلمَوت لآمنْ بكَيت وجِيت محْتَآجِك
وَطرقت بآبِك .. وَلآبَه نآس تَفتَــح لي

يامن خبر قلبٍ على الهم محسود
وروحٍ من الفرقا تزايد سقمها
لي حاسدٍ بالوصل مايرحم صدود
يذكر طرب روحي وينسى ألمها
هو مادرى إني منك ضايع ومضيوم
بالصحبة اللي حلو مرٍ طعمها
حبيبتي مالي سوى الحب مقصود
ماني بمن ناسٍ تفوت ذممها
ومالي على عيونك سوى عيونك شهود
إني مخلي اللي جرحني سهمها
وين المكان اللي عمرناه بوعود
ذيك الرسوم اللي تجافى هدمها
ماكن للعبرات به وعد وعهود
ولاكن قد داست ثراه بقدمها
غديت أنا مابين حاسد ومنقود
لحد عزى روحي ولا أحدٍ رحمها

هـذا الحـنان الـلي له الـقـلـب محـتاج
أرجـوك زيـــد بالعـطـا واحـتـويـني

وان كان شفت في وصالي لك احراج
فـي صمت أحبك بين قــلبي وبــيــني