بريد همس الخواطر وعذب الكلام.. قل ولو كذابا كلام ناعما.. الجزء المتجدد لاعضاء المنتدى

خذني جريح شعور يعشق وصالك
ينزف جروح العشق وايامه شهود
خذني غريق أحلام عانق خيالك
يرجي سحاب ايديك والشوق موجود
خذني بقايا إنسان كلي حلالك
وأسكن عروق القلب والعشق موجود

صندوق صدري فيه مليون حاجه
و اللي خلقني محدٍ شاف وشفيه
أشعل على " كيفي " فتيلة سْراجه
واقرأ لِ حالي و " أتأمل " خوافيه
مرات : " تسعدني " رواقة مزاجه
ومرات يبكيني عسى الله يجازيه

هذا الزمن حاكم وانا فيه محكوم

ماهمني كبر الفضاء واتساعه

مادام دمعي جف والقلب مصدوم

بقول للاحزان سمعا/ن/وطاعه

ومدمني عشت الزمن دوم محروم
شيصير لو ضاقت علي ساعه

أصبر يا قلبي وأنتظر خل الحزن مكتـوم = كل المعاني تغيرت وأتضحـت الصـوره
صار الصدق في هالزمن مثل الوفا معدوم = ونفوسنا تجرحـت والفرحـة محرومـه
كل المبادئ تنشري واللي معـاه يسـوم = حتى المشاعر ارخصت والكلمة مهـدوره

ياااطير ما دامك تحب المساييـــر
سلم على إلي كم له يوم غايب
إبيك لاجيتـــه تمسيه بـ الخيـــر
وتشوف وش حاله عسى الحال طايب
شخصٍ عزيــز وله معزه وتقديــر
أشغل غيابه بــ الضمايـــر لهايب ...

يا خوي انت السند حزت الضيق
وانت الذي يغني عن الناس ضله
الطيب يرفع من مقام المخاليق
وانت بمقامك ترفع الطيب كله.

مآعليك إن طحْت يآحظّيْ ملآمْ ..!

............... وإن بغيت آلُوم قلْ ليْ من آلوم ..؟
ضآقت آلدّنيآ ولآعندي كلآم ..!
........... يآ مصعْب ضيقة آلشخصْ آلكتُوم

ألا يا صبري الي رآح صبرني عشآن أرتآح = أبيك ليآ نفذ صبـري تصبرنـي وتجبرنـي
مدآم أن الأمل بآقي يقولون الصبر مفتـآح = لبيبان الفرج يالله عسى حظـي يصبرنـي

آه من همٍ حملته ما قدرت اصبر عليه
وآه من حزنٍ طويته بين صدري والضلوع

وآه من وقتٍ نهرني كل ما لديت اليه
وآه من فقرٍ ما يرحم عبرتي ولا الدموع

قلّت الحيلة بوقتٍ كثرت الطعنات فيه
والأماني الصغيره ماتت بليل يروع

تكفى يا خويه لا تبكي خذ مني ما تبيه
خذ نصيبي خبز يابس ادري انك ميت جوع

بكرا تصلح حالنا وحالنا حال كريه
اشرب المويه لعل تليّن الخبزه وتموع

يمسك الخبزه بيده ثم يقرّبه عند فيه
ثم يمضغها ويرقد وكل نظراته خضوع

ثم ابكي لا رقد وكل خيـرٍ له أبيـه
وتظلم الغرفة كأنه انطفت فيها الشموع

وابعث الدعوة لربٍ بكل ليله ارتجيه
ربي عطفك يا إلاهي ما حدٍ غيرك نفوع

أكثر ايام عمري تختنق ف الزحام
واجمل ايام عمري طعنةٍ ف الصميم
غربةٍ ما يغرّبها العتب والملام
راودتني وردتني لجرحٍ قديم
كثر ما كنت اشوف الحرب ضد السلام
صرت اشوف السلام الحرب والصحو غيم !
وين اوديك يا قلبي ودربي ظلام
والخطاوي تضيع وخطّها مستقيم
أسألك عنك ! واسمع : كل حاجة تمام !
وين هذي التمام وباقيٍ بك هشيم !