مشكلتي اليوم

جليس
جزاك الرحمن كل خير على كلامك وان شاء الله ما تفقد عزيز
والله العالم كان قصدي احسس ابني انه مو اقل من غيره
ولكن خايفة اظلم بقية اخوانه ويمكن يشعروا بالالم حين يسمعون
كلمة بابا تتردد في البيت لواحد غير ابوهم الله المستعان

زيد
يا اخوي صعبة اقوله مسافر واخليه يعيش وهم
وهو دايم يطلب يكلمه وهو في الجنة كيف اقول مسافر
وبعدين فكرة الزواج مستحيلة ومو ممكن احد ياخذ مكان ابوهم
والدكتور النفسي في ايامنا هذه يعتمدون على الادوية وانا ما ابيه ياخذها
والحمدلله هو يتحسن وخوفه يقل والله قادر يرجع لطبيعته الاجتماعية ويبعد عنه الخوف
كل الشكر لكلامك ودعواتك وربي يسعدك ويبعد عنك الحزن

قمريشن
تكفيني دعواتج الغلا
والله هذا اعظم شئ تقدمينه لي
تسلمين على روعة كلامج وربي يوفقج ويسعدج

احسن الله عزاك ،، وعظم الله اجرك ،، وتغمد زوجك فسيح جناته
والهمك الصبر
والله انا قرأت المشكله وقرأت ردود الأعضاء واختلفت الردود والكل يبغا يساعدك بحلها وماقصرو الله يجزي الجميع كل خير ..
بالنسبه للأبن لما يتعلق بالأب الله يكون بعونه ،، والواجب منك ان تكوني دائماً بالقرب منه وتحاولي بقدر المستطاع انك تخرجيه من المأزق اللي هو فيه لأنه اذا تما على هذي الحال انتي والأولاد باتتموا في متاعب وبايأثر على الجميع صحيح ان الولد الصغير لا ينسى لكن شوي شوي تدريجياً وانا افضل ان تتركيه مع خاله حتى عند النوم وفي كل وقت بس عاد تكوني بالقرب منه بحيث انه يمكن تتغلبي على هذي المشكله وأهم شي هو انك تدعي له ،، وحتى لوكان يدعي خاله يابابا مافي اشكاليات لأن العم والخال في مقام الأب ولما بيكبر وتوضحوله الأمر بايتقبل أفضل من ماهو صغير واخوانه حاولي تفهميم من أجل مصلحة الجميع ،، والله يعينك ويهون عليك مصيبتك ،، ويسعد ايامك وايام أولادك ويعينك على تربيتهم الحسنه ،، واهم شي لا تنسيهم من الدعاء لأن الدعاء هو أكثر شي في حلول مشاكل البشر

البدوي
تسلم يا اخوي على كلماتك وردك الرائع
وانا والله العالم احاول مع ابني وان شاء الله ربي يحفظه ويهديه
اما اخوي فجزاه الله خير عني عن عيالي هو ما يقصر معانا ابدا
وان شاء الله تتيسر الامور

[align=center][table1="width:95%;"][cell="filter:;"][align=center]انا للة وانا الية راجعون[/align][/cell][/table1][/align]

اللة يصبرك اختي انا لااشجعك ع الزواج لان الرجال يختلفون
باسلوبهم وقد تتعقد المشكلة اكثر واكثر لان بعض الرجال قد يختلف معاك
وانشا اللة مايصير لاكن هي نصيحة وراي مني الحل اللي انتي فية الان
كويس لاحتئ يكبرو والراعي والمصبر وميسر الامور هواللة وفي الاخير
مالنا الاالدعا واللة يوفقك هذا هو الحل لااخوك طـــيـر الــقـوافـي

طير القوافي
تسلم يا اخوي على الرد
موضوع الزواج مستحيل يا اخوي
ما في انسان يقدر يعرف قدري وطبعي بعد المرحوم
وعيالي وتربيتهم اولى من اي شئ ثاني
وتسلم على الدعاء ويكفيني كلماتك ودعائك كل الشكر

عظم الله اجرك

همسه ياقلبي كل شي صعب بس كل شي يجي احتواه منك انتي الام

راح تتعبي كثير معاهم بس راح تحتويهم بالنسبه للزواج مانصحك فيك

جدتي الله يرحمه جدي لما مات تزوجت وعندها سته عيال اصغرهم سنتين

المهم ان عيالها ضاعوا بزواجها لانها عاشت بين زوجها واولادها وزوجها

ماقدر يكون لهم اب اول واحد مات عليها لانه اكتشف ناس من المخدرات

وسكت وفي من بلغ عليهم حسبوه هو بلغ عنهم وقتلوا بابرة هروين وذبحوه وعمره

ثمان طعشر سنه والثاني سبحان الله كان مطوع واما مسجد كان صبور على اخوانه احتواهم كاب بس

سبحان الله انسحر لين مات وهو يرمس نفسه من على الكبري ومات والثالث خبط والرابع اليوم مسحور والخامس

ضاع لين شبع لانه الام ماكانت في وجدتي اليوم تخاف عليهم زي اسمها عندها من هذا اولاد ومن ذاك

وهي تحتوي الكل بصبرها وحنانها بس ماينفع لاجل كذا لاتضيعي عيالك بالزواج هذي نصيحه لك

بالنسبه لولدك الصغير هو الحين بسن علميه من خاله انه مو ابو واشغليه في حياتها دخليه تحفيظ

روضه وهو طفل الله منعم عليهم بالنسيان راح تتعبي معه بس راح تلاقيه نسى وكبر

لاتخليه يوم يفقد اخوك يتعب كمان لان اخوك له حياته بكره وعياله وابنك الضحيه

وراح تعاني معه اكثر عوضي عيالك بحنانك وصبرك يمكن تتعبي خلي اخوك ملجا لك

يعاونك فيهم بس ماتخلي عيالك يتمسكوا فيه كأب وان صغير دربيه من صغره

اصلا بتلاقيه مع الوقت ينسى والحياه سبحان الله بتمشي لان رحمة الله علينا

نحن البشر وشوفي الحياه فيها امور كثيره تشغليه فيها وراح تلاقيه تقبل كل شي

ياعيوني اصبري عليهم بس انتبهي لنفسيتهم لان اليتيم يكون مجروح من اليتم

لاتحسسيهم بيتمهم لانه لو تزوج اخوك راح يتعب ولدك علميعهم يحترموا اخوك وياخذوا برائيه

لكن احتويهم انتي ربي يوفقك في رعايتهم وتلاقينهم رجال وحريم وتفرحي فيهم

يارب اتمنى اني وصلت لك حل ولو صغير الله يجمعك مع زوجك في الجنه

ويجعل من عيالك ناس صالحه تتفاخري فيهم من اصحاب العلم والدين

ربي يسعدك ويوفقك دنيا واخره

سحابة 000الغلا تسلمين على كلامج ونصايحج الغالية انا ما اعلم الغيب ولكن انا ما افكر بالزواج نهائي وهذا انا ذكرته من قبل وما يهمني الحين الا عيالي الغالية انا مو ضد زواج الارملة الله يوفق الجميع لكن انا ما عندي نية للزواج لان صعب ياخذ قلبي غير من رحل وبعدين انا مو صغيرة انا وحدة كبيرة يعني الزواج اخر اهتماماتي وعيالي بعدهم صغار وحتى لو مو صغار والانسان الذي ياخذني راح يتقبلهم انا مو مستعدة حاليا للزواج وتقدم لي اكثر من واحد والله انا رفضت فلا تخافين من هذي النقطة 00اما عيالي بحاول ان شاء الله احتويهم والله يعلم انهم هم همي وتسلمين كلامج على راسي وكان له فايدة كبيرة لي وربي لا يحرمني من كلامج

يوم الاحد اخر يوم للمشكلة اذا احد يحب يطرح حل فليتفظل