ياعاذلينـي فـي هـوا ذا المبرقـع=لاتعذلوني والهـوى سهـم مسهـوم
تـرو حبيبـي فـوق قلبـي تربـع=والقيت له غرفه في الشات والـروم
سويت له في داخـل القلـب موقـع=دبل دبيلـو بعدهـا صفـر دتكـوم
ساعات بالهاجـس وساعـات تبـع=واحيان صوتي مثلما قيصـر الـروم
وساعات هلهل مثلما الزير واشجـع=وساعات ارجع مثـل حـداد سلـوم
والطبع قالـو قـد غلـب عالتطبـع=وانا حبيبـي مذهبـه غيـر مفهـوم
وحبـه بقلبـي والنبـي ماتزعـزع=سهم المحبـه يرتفـع يـوم لايـوم
وصورت حبيبي عالغـلاف المربـع=وله بقلبـي الـف صـوره والبـوم
ياصاحبـي باقـول كلمـه واسمـع=شف الخلايق كوم وانته شفـك كـوم
حتـى ولانتـه ياحبيـبـي تـدلـع=باصوم فرضي بس انا عنك ماصوم
ياساهريـن الليـل للساعـه اربـع=بروي لكم قصـة مولـع ومحـروم
قصـة متيـم فـي حبيبـه تـولـع=واصبح ضحيه بين ضالـم ومظلـوم
ماطاع يخضع لي ولاطعت انا اخضع=قصة هوانا مثل جيـري مـع تـوم
فالبعـد نتشـوق وفالقـرب نقـنـع=يحوم ساعه واغلب الوقت انا حـوم