من كلمات عبد الكريم لزنم


[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ان كان قصدك تقطع الود ابشر= شليت اغراضي ويممت عالباب
ملابسي وشماغ وعقال وغتر=واحلام ماتت مالقيت لها احباب
وقصايدي ذي صغتها وسط دفتر=ارجوك تحرقها على جمر لهاب
معاد عندي استطاعات اخسر=خسايري صارة كبيره بلا اسباب
وجريمتي اني عن الصدق اعبر= ولاجنيت الا معاتيب واعتاب
مغلوب امري مثلما امر عنتر=فارس وضده ميت فارس وغلاب
واحد نفر مايغلب الجمع لكبر=حتى ولا هو مثل ابو زيد وذياب
دنيا تقلب قلبتنا على الجمر=جمر الغضا ذي نارها ديم شباب
وشكواي للي يعلم الحال والسر=الواحد الي من ترجاه ماخاب
تعبت من مانا اهوجس وافكر=واحسب حسابي وارجع احسب على حساب
وكل ليله ولع الشمع واسهر=واعزم معازيمي؟؟؟همومي ولصواب
واشكي لهم الحال بالشعر والنثر=من ذي عزمهم في حياتي وهم اغراب
معقوله امالي بخلي تبخر=معقوله انه يطلع انسان نصاب
ومعقوله ان الخل في يوم يغدر=يجرح مشاعر دمعها اليوم صباب
معقوله ان الصدق ماعاد يذكر=وان الغدر ياتي من الناس لقراب
ومعقوله ان البدر ماعاد يضهر= وشلون ليلي والقمر فيه قد غاب
[/poem]

__________________
[flash=http://img8.7ozn.com/files57/2012-12/b71b13550550311.swf]WIDTH=530 HEIGHT=350[/flash]