الصمت مزعــج

--------------------------------------------------------------------------------




دمعي انتثر فوق خـدي يـوم ودعتـك
وش حيلتي غير دمـع العيـن يلهينـي
تقفي ركابك بجنـح الليـل مـا شفـت
وكذب على الروح اقول الحين بيجينـي
وطالـت ليالـي بعـادك يـوم هملتـك
بعد كسر قلب قاسي صلب مـا يلينـي
ابكي وقالوا الخلايـق ويـش مشكلتـك
ما حد عرف جرحي الـي دوم يبكينـي
غايب ولكـن قسـم مـا يـوم غيبتـك
مسجل حضورك وصوره شخصك بعيني
لكـن مـدري انـا باقـي بذاكـرتـك
انشد ضميرك اذا هو صـدق هاوينـي
معقـول تنسـى ودادي يـوم قـدرتـك
واحلا ليالي معك تحـلا بهـا سنينـي
حتـى ولـو تعتـذر قابـل بمعذرتـك
بس انت قلـي انـا اسـف وترضينـي
من زود حبـك ولـو تغلـط تحملتـك
عودت قلبي علـى طعـن السكاكينـي
لو كانت ظروفك الـي تقـول مشغلتـك
وش له تعـذب خفوقـي يـوم تجفينـي
امـا تجينـي ولا تقـول لـي بعـتـك
هـذا اصـول المحـبـه والمحبيـنـي
الصمت مزعج وانا اسف لو ازعجتـك
بس انت قلهـا كفايـه وانـت تكوينـي
تكفى طلبتك دقايـق بـس مـن وقتـك
عطني الصراحه وخلصني من الحينـي
اطرد سرابك وشد رحـال فـي خبتـك
وانشد عليك السحايب يا نظـر عينـي
ودي اشوفك ورغم الصـد مـا عفتـك
جيتك بوجه النقـاء والزيـن مغرينـي
والله احبـك ولا جـا يـوم وبغضتـك
يا جعـل ربـي بحياتـي مـا يهنينـي
واخـر كلامـي قسـم بلله مـا خنتـك
ضحيت لجلك حياتـي وانـت ناسينـي
اما تجيني مـن اخرتـك الـى اولتـك
ولا تفـارق تـرى الـي فـئ يكفينـي



صح لسان شاعرننا راشد ولا عدمناك تقبل مروري

الشعر له ناسه وانت(سيدهم)اخوي راشد


تعجز حروفي عن التعبير بما شعرت به عند قراءتي للقصيده

ارفع لك القبعه اعجابا واحتراما

دمت لنا ودام ابداعك

[align=center]صح لسانك يالهلالي

قصيدة رائعه
عصماء مميزه
اشكرك من القلب على هذه القصيده التي استمتعت بها كثيرا
اخوك قلب حائر[/align]