:: معابر الى مملكة حزني ::

يقـول مـن هـو بالخـلا شـب ضـوّه -- مـد البسـاط ولشقـر الـبـن ســوّى
في صحصحٍ خالي من الناس جوّه -- ماطـبـه الـلـي خـلـف آدم وحـــوّى
عقب السحاب اللي زعج فيه نـوّه -- أبـطـى يعـلـه لـيـن عـرقـه تـقــوّى

أمرح عسـى نـوم العوافي منامــــك
صدري غطاك ودافي ضلوعي فـراش

مادامنـي فـي وسـط قلبـك غرامـك
ماظنتي لا نمـت تصحـا على..مـاش

نار الضلـوع تصيـر بـرد وسلامـك
والقاسيـات الصلـف بيدينـك هشـاش

شفت الخفوق؟ان مـر طـاري مقامـك
قام يتخبـأ خلـف ضلعـي و ينحاش

انتظرتك

من رحلتي الين اخر
رشفة انفاســـي نطـرتك
وما سألتك ؟
عن عيوني
عن جنوني
عن ليالي شوق مرت
واحـرمتني حـلو نومـي

انتظرتك

وقبل تسأل عن غيابي
كـنت أسأل عن غــــــيابك !

وانتظرتك..

لا تخليني بهالدنيا وحيد...
لا تشوفك عين ولا اذن تسمعك
هي حدا الثنتين ما عنها تحيد ...
يا تقوم نطير يا خذني معك

الارض رحبه علامك جالس لحالك؟؟
ان كنت مهموم كلن عنده همومه ...


في داخلك طفل لا تقتله باهمالك
وقف زمانك وصح الطفل من نومه

بشرب من الدلة ولو كانها سم
ما اهز فنجالي ولا اقول كافي
ما دامه بيمناك وتقولي سم
بسم الله اشرب كل سم عوافي

ڪْنّا نصحّي بعْضِنا ... لا غفَى [ الجَرح ]
.......... وصِرنا نصحّيْ الجـِـِرحْ .. ونرُوحْ نغفَىْ ...!!

ادركت من كثر التجــارب حقيقــه
إن البشر مثل إختلاف الأصــــابع

به من يصد إليا شــعر فيك ضيقه
لاصار حزنك في حناياك قابـــــــع

وفيهم صديق ٍ مايجافي صــديقــــه
وافي وقلبه بالوفــــــا دوم نابـــــع

ماكـل مايلمــــــع يغــــرك بريقــــه
جمع الجماعه غير جمع الطوابـع

احدن ينام وشوق عينه تضمه
واحد ينام وباب سجنه يواسيه
واحدن طوال الليل خله يلمه
واحدن طوال الليل همه لعب فيه
واحدن بها الساعه يسولف على امه
واحدن بهاالساعه بعيده حراويه

كل صفحه من التقويم , يوم ٍ يمر !
يووووه يا مطوّل الغيبه .. وما اقسى سفرك ,

وكل ٍ يوم ٍ بدونك ينقص من العمر ,
شوف .. كم ضاع من عمري , وانا منتظرك ,