:: معابر الى مملكة حزني ::

انكسر حتى القلم واحتركت الاوراق
من جاني الخبر باعك حبيبك ..!!

أخاف تعوفني كمت ابجي من فركاك
وين الكه بمحبتك وانته محبوبي
كمت كلما اشوف ثنين يتمشون
تطلع حسره مني ويحترك ثوبي

راح انهي السوالف والحجي يموت
الميحـــس بلعشــك ميحس بلعـــتاب

خلص يوم الحزن وانتظر غادي
وعليك الكلب مثل الجمر غادي
باجرمن يصير حساب غادي
شتكول لربك عل السويتة بيه

هم شايف صبح بيه خنگه أغروب..
هيچ اني الشوفتك مختنگه روحي..

كبل جنت اشتاكلك لو تدري ليش
ضلمه جانت دنيتي وانته الضوه
وجنت اشم عطرك رغم بعد الدروب
واركض اعلى الباب لو مر الهوه
كبل ليله الناس لامتني بهواك
لان خدي بدمعة عيوني انجوه
كبل حيل وعافيه وضحكه وسلام
وهسه عودي وداعتك جنه التوه
يلي صورة وجهك بعيني وضواك
هسه راح الراح والماضي انطوه
وعيني بس كشخة وجه مابيها شوف
ودمعه منها وصورتك طاحن سوه

لأن حلوات كل افعالي وياك
مابيهن ملح حقك عفتني

على واهس فراكك تهمل العين
وعلي واهس ونيني اطربت جيراني

وانته بلا ضمير وتسمع الونات
وتكلي ارجوك كرر ماسمعت اني

أذا جرحك نزف لا تشكي للغير
تره الشكوى لغير الله مذلـــه
وأذا واحد ينشدك عن جرح بيك
حط بي صم ملح بس لاتكلـــه
كص السان جرحك واخنك الآه
وشك زيج الوجع والآخ أحملـــه
جلب بالصبر لو جرحك اذاك
خل هوه اليملك لاتملـــــه
واخذ طبع الجبل لو وازته الريح
ماينزل يبوس اجفوف تلــــــه...
لاتقبل عسل وبذله من الناس
المراره بعز طعمهه هواي احلــه
وميز بين ناسك واعرف الزينين
مو كلمن يمدلك جف تقبلــه

راح اعلن اعوفــك هسة وانســـاك
وانسه الحب نهائي بهل مسيـــه
واحــرك كلبــي اذا يتذكــرك يـــوم
وعينــي اعميها اذا خانتنـي هيــه
راح انســه المحبــه وماارد ليــــك
ومــااريدك تمــــــــــر وترد اليـــه
شبعت جروح واهات من الفــــراك
جروحـــــــك ضالــه ليهســه بيه
كل كلمه كلتها بساعــــه فــراك
جـن طلقــات ترميـــهن عـلـــيـه
ماحــسيت بيه انـــي اهـــــــواك
اتركتني لوحدي بهـــاي الاذيــه
من هسه اني اكلك ناسي ذكراك
وطيفك هاجر ومـــــا منــه جيــه
راح اعلن وفاتك هســه وارتــــاح
هذا احــسن الك واحــــسن اليه