{ تدري وش اللي غاظني يوم جيتك ؟! اني عشانك بعت ناس اكابر ,,!!

بسم الله الرحمن الرحيم
السلام عليكم ورحمة الله وبركاته



أنسـاك .. و انسـى شلـون رمـت و نسيتـك
و أتْذكّـرك .. واهـيـم و أرجــع أكـابـر

و أضحـك و دمعـي ينسكـب .. لا خليـتـك
مــن صـاهـرٍ بـيـن المعالـيـق سـابـر

و آقـول : ناسـي و إنـت أدرى \\ فديـتـك
إنـك فـ قلبـي .. مثـل مـا إنــت خـابـر !

لا زلــت أوّلـهــم .. و لا زال بـيـتـك
(( صدري )) .. ولا زالت جروحك (( منابر ))

هـدّيـت حيـلـي يــا غنـاتـي و ليـتـك
فكّرت : وش تالي الجفـا و (( المكابـر )) !!

إن كــان مــا تــدري تـرانـي بكيـتـك
مثل " الكويت " اللـي بكـت مـوت " جابـر "

مـا أقـول أنـا .. مـن دم قلبـي عطيـتـك
لنّـي رضيـت أبقـى لضريحـك " مقـابـر "

حاولـت أعلـمـك العـطـا .. و مالقيـتـك
لا فيـك معنـى .. ولا لفـتـك المخـابـر !

تـدري وش اللـي غاظنـي يـوم جيـتـك ؟
إنـي عشانـك بعـت (( نــاسٍ أكـابـر ))

صحيـح مـن قلبـي .. عشقـت و هويـتـك
و إنـت فحيـاتـي كـنـت إنـسـان عـابـر

لكـن رغــم إنــي هويـتـك .. جفيـتـك
لنّـي أبـد .. مـا لـوّح لشخـص دابــر !!

صليـت فـي بعـدك .. و يـامـا دعيـتـك
يالـيـن جـفّـت مــن جـفـاك المحـابـر

و إنتـه تغيـب و تحـسـب إنــي نسيـتـك
و آنــا علـيـم الله .. أذكــر و أكـابــر

ابذمتـك .. إن كــان رحــت و رميـتـك
بتّـم مثلـي .. يـا منـا الـروح .. صابـر ؟



للشاعر : حمدان أحمد المحرمي

كل الشكر.......

مفاهيم الخجل
مبدعة في حضورك راقية في اختيارك
الله يعطيك الف عافية

مفاهيم الخجل
كعادتك مميزة كل حين انتقاء رائع كروعتك
يعطيك الف عافية اختي مفاهيم
نتظر جديدك بشغف

المشاركة الأصلية كتبت بواسطة فريد العولقي

كل الشكر.......

العفواا
ومشكور اخوي ع المرور

المشاركة الأصلية كتبت بواسطة التاريخ الجديد

مفاهيم الخجل
مبدعة في حضورك راقية في اختيارك
الله يعطيك الف عافية

أنتم عنوان للإبدااااع ،،
تسسلم أخوي ع المرور ،،
والله لا يحرمني من تواجدك ،،

المشاركة الأصلية كتبت بواسطة بن ياس خورة

مفاهيم الخجل
كعادتك مميزة كل حين انتقاء رائع كروعتك
يعطيك الف عافية اختي مفاهيم
نتظر جديدك بشغف

الله يعافيييك اخووي
و نورت الصفحه بمرورك
لا خلا ولا عدم

صح لسان الشاعر
وسلمت يمناكي لروعة ذائقتك
يعطيج الف عافية حبوبة
لاعدمناج

الله يسسلمك من كل شر
ومشكوره يالغلاا ع المرور

[align=center]
تـدري وش اللـي غاظنـي يـوم جيـتـك ؟
إنـي عشانـك بعـت (( نــاسٍ أكـابـر ))

صحيـح مـن قلبـي .. عشقـت و هويـتـك
و إنـت فحيـاتـي كـنـت إنـسـان عـابـر

لكـن رغــم إنــي هويـتـك .. جفيـتـك
لنّـي أبـد .. مـا لـوّح لشخـص دابــر !!



نرى الابداع
يتواصل في جنبات هذا القسم الذي يفخر برواده

شكرا لك
[/align]