ودعتك الله وتلقى واحدِ ثــــــــاني

[align=center]ليكم هذه الكلمات من الشاعر العملاق : تركي الميزاني[/align]


[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ماني مجازيك في صدك وهجرانـك=ودعتك الله وتلقى واحدِ ثــــــاني
اتعبت الأعيان والأقدام من شــانـك=وانته ولاشي سويته على شـــاني
فزيت لك يوم قلت اسمك وعنوانـك=لوكان ماتنتمي لاسمي وعنوانــي
ماجيت ادورك والا أطق بيبانــــك=والا اترجاك مثل فلان وفلانـــــي
انت الذي جيت لي وأعلنت بلسانك=انك على شوفتي جايع وعطشاني
صدقت هرجك يالوما اثبت برهانك=واقبلت لك مندفع من كل وجدانـي
ماكنت افكر يجي في يوم نسيانـــك=وانساك وانته معاهدني ماتنساني؟!!!
الابعد ماكتشفت الغدر باعيانــــــك=قررت أوادعك وانسى كل مـاكاني
خلاص ماني بمتعني على شانـــك=ودعتك الله وتلقى واحدِ ثــــــــاني
[/poem]